ພາຍຫຼັງຜົນສຳເລັດຂອງການຄົ້ນຄ້ວາຜະລິດຊຸດກວດເຊື້ອໄວຣັດ SARS-CoV-2 (ຊຸດ Kit) ໂດຍວິທະຍາຄານ ເສນາຮັກເປັນເຈົ້າພາບ, ສົມທົບກັບບໍລິສັດຫຸ້ນສ່ວນເຕັກໂນໂລຢີ ຫວຽດ - ອາ ປະຕິບັດ, ຫວຽດນາມໄດ້ກາຍເປັນໜຶ່ງໃນຈຳນວນໜ້ອຍປະເທດໃນໂລກທີ່ຜະລິດໄດ້ຊຸດ Kit ສາມາດກວດພົບໄວຣັດ SARS-CoV-2. ປັດຈຸບັນມີ 20 ປະເທດພວມເຈລະຈາຊື້ຊຸດ Kit ດັ່ງກ່າວຂອງຫວຽດນາມ.
 |
ຊຸດ Kit ທົດລອງເຊື້ອ SARS-CoV-2 ໂດຍ ຫວຽດນາມຜະລິດ. (ພາບ: tuoitre)
ຊຸດ Kit ທົດລອງເຊື້ອ SARS-CoV-2 ດັ່ງກ່າວ ຈະສະໜັບສະໜູນການກວດສອບບັນດາກໍລະນີ SARS-CoV-2 ທີ່ສົງໃສ ໄດ້ມີຜົນສຳເລັດໃນເວລາປະມານ 2 ຊົ່ວໂມງ. ລາຄາຊຸດ Kit ທົດລອງເຊື້ອ SARS-CoV-2 ແມ່ນ 500.000 ດົ່ງ/ຊຸດ. ກ່ອນອື່ນໝົດ, ບໍລິສັດຫຸ້ນສ່ວນເຕັກໂນໂລຢີ ຫວຽດ - ອ໋າ ຈະສົ່ງອອກໄປຍັງອີຣານ, ແຟງລັງ, ມາເລເຊຍ, ຢູແກຼນ. ນະຄອນ ຮ່າໂນ້ຍ ກໍ່ໄດ້ສັ່ງຊື້ຊຸດ Kit 4000 ຊຸດ ເພື່ອນຳໃຊ້ຢູ່ຮ່າໂນ້ຍ ແລະ ມອບໃຫ້ບັນດາໂຮງໝໍຢູ່ອີຕາລີ - ເຊິ່ງເປັນປະເທດທີ່ເກີດໂລກລະບາດຢ່າງຮຸນແຮງຂອງເອີລົບໃນປັດຈຸບັນ.
（ຄຳຮຸ່ງ）
