ກະຊວງ ການຕ່າງປະເທດ ຖະແຫລງມາດຕະການຮັບມື້ໂຄວິດ-19 ຕໍ່ທຸຕານຸທູດ ແລະ ອົງການຈັດຕັ້ງສາກົນປະຈຳລາວ

02/04/2020 17:30

ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງ ການຕ່າງປະເທດໄດ້ເຜີຍແຜ່ ຄຳສັ່ງຂອງນາຍົກລັດຖະມົນຕີວ່າດ້ວຍການເພີ່ມທະວີມາດຕະການສະກັດກັ້ນ, ກັນການລະບາດ, ຄວບຄຸມ ແລະ ກຽມ ຄວາມພ້ອມຮອບດ້ານເພື່ອຕ້ານພະຍາດໂຄວິດ 19 ໃຫ້ແກ່ບັນດາທູຕານຸທູດ ແລະ ອົງການຈັດຕັ້ງສາກົນປະຈຳ ສປປ ລາວ ໃນວັນທີ 30 ມີນານີ້, ທີ່ສູນການຮ່ວມມືສາກົນ ແລະ ການຝຶກອົບຮົມນະຄອນຫຼວງວຽງຈັນ. ທັງນີ້ກໍເພື່ອໃຫ້ທຸກພາກສ່ວນທົ່ວສັງຄົມຈັດຕັ້ງປະຕິບັດຢ່າງເປັນເອກະພາບ, ມີປະສິດທິພາບ ແລະ ປະສິດທິຜົນ. ໃນຂະນະດຽວກັນ ກໍ ໄດ້ແຈກຢາຍຄຳສັ່ງດັ່ງກ່າວ ທີ່ ເປັນພາສາອັງກິດ ໃຫ້ບັນດາຜູ້ເຂົ້າຮ່ວມເພື່ອໃຫ້ເຂົ້າໃຈ ເຖິງລາຍລະອຽດຕໍ່ກັບມາດຕະການຕ່າງໆ ແລະ ນຳໄປຈັດ ຕັ້ງປະຕິບັດຢ່າງເຄັ່ງຄັດ.

Source kpl.gov.la