 |
ຄະນະຜູ້ແທນສະພາແຫ່ງຊາດສຳເລັດການເຂົ້າຮ່ວມກອງປະຊຸມສະມັດຊາສະຫະພັນລັດຖະສະພາສາກົນ. ພາບ: pasaxon.org.la
ມີຄະນະຜູ້ແທນຈາກທົ່ວໂລກເຂົ້າຮ່ວມທັງໝົດ 162 ປະເທດ. ໃນກອງປະຊຸມໃຫຍ່ສະຫະ ພັນລັດຖະສະພາສາກົນ ຄັ້ງທີ 140, ບັນດາທ່ານປະທານ, ຮອງ ປະທານລັດຖະສະພາ,ຫົວ ໜ້າຄະນະຜູ້ແທນຈາກບັນດາ ປະເທດສະມາຊິກ ໄອພີຢູ ໄດ້ຂຶ້ນກ່າວຄຳປາໄສ ພາຍໃຕ້ ຫົວຂໍ້: "ລັດຖະສະພາໃນຖາ ນະເປັນເວທີເສີມສ້າງການສຶກ ສາ ເພື່ອສັນຕິພາບ, ຄວາມໝັ້ນຄົງ ແລະ ການປົກຄອງດ້ວຍກົດໝາຍ" ໂດຍຜູ້ນຳລັດຖະສະພາສ່ວນໃຫຍ່ ເຫັນດີເປັນເອກະພາບກັນວ່າ: ການສຶກສາເປັນປັດໄຈພື້ນຖານຂອງສັນຕິພາບ, ຄວາມໝັ້ນຄົງ ແລະ ການປົກຄອງດ້ວຍກົດໝາຍ ຊຶ່ງເປັນຈຸດມຸ້ງໝາຍອັນຍາວນານຂອງວົງຄະນາຍາດສາກົນ ທີ່ຈະຕ້ອງຮ່ວມກັນພັດທະນາຕໍ່ໄປ.
ໃນໂອກາດດຽວກັນ, ທ່ານ ນາງ ສີໃສ ລືເດດມູນສອນ ຮອງປະທານສະພາແຫ່ງຊາດ ຫົວໜ້າຄະນະຜູ້ແທນລາວ ກໍໄດ້ຂຶ້ນກ່າວຄຳປາໄສຕໍ່ຫົວຂໍ້ດັ່ງກ່າວ, ຊຶ່ງທ່ານໄດ້ຍົກໃຫ້ເຫັນເຖິງຄວາມສຳຄັນຂອງການສຶກສາທີ່ເປັນປັດໄຈສຳຄັນພື້ນຖານ ເພື່ອຄໍ້າປະກັນໃຫ້ແກ່ ສັນຕິພາບ ແລະ ການປົກຄອງ ດ້ວຍກົດໝາຍ ໂດຍເນັ້ນວ່າ ສປປ ລາວ ໄດ້ຖືເອົາການສຶກ ສາເປັນຈຸດໃຈກາງຂອງການພັດທະນາຊັບພະຍາກອນມະ ນຸດ ເພື່ອເຮັດໃຫ້ພົນລະເມືອງ ລາວທຸກຄົນໄດ້ຮັບການສຶກ ສາທີ່ມີຄຸນນະພາບຢ່າງສະເໝີ ພາບ ແລະ ເທົ່າທຽມກັນສາມາດພັດທະນາຕົນເອງໃຫ້ກາຍເປັນພົນລະເມືອງທີ່ດີຂອງຊາດ, ມີຄຸນສົມບັດ, ມີສຸຂະພາບແຂງ ແຮງ, ມີຄວາມຮູ້ຄວາມສາມາດ ສູງ, ມີຄວາມເປັນມືອາຊີບ ເພື່ອພັດທະນາປະເທດຊາດໃຫ້ມີຄວາມສີວິໄລຍືນຍົງ ແລະ ສາ ມາດເຊື່ອມໂຍງເຂົ້າກັບພາກ ພື້ນ ແລະ ສາກົນ.
ພ້ອມດຽວກັນ, ທ່ານກໍໄດ້ກ່າວເຖິງແຜນຍຸດທະສາດການພັດທະນາລະບົບກົດໝາຍຂອງ ສປປ ລາວ ທີ່ເນັ້ນຄວາມເປັນເອກະພາບ, ກົມກຽວ, ຈະແຈ້ງ, ເຊື່ອ ຖືໄດ້, ຄາດຄະເນໄດ້, ມີຄຸນ ນະພາບ, ຍຸຕິທຳທຸກຄົນສາ ມາດເຂົ້າເຖິງໄດ້ ໂດຍຜ່ານຂະບວນການສ້າງກົດໝາຍທີ່ໂປງໃສ ແລະ ມີສ່ວນຮ່ວມຂອງປະຊາຊົນ ຊຶ່ງມາຮອດປັດຈຸບັນສະພາແຫ່ງຊາດລາວ ສາມາດຮັບຮອງເອົາການສ້າງ ແລະ ປັບປຸງກົດໝາຍທັງໝົດ 139 ສະບັບ ກວມທຸກຂົງເຂດວຽກງານໃນສັງຄົມ. ພ້ອມນີ້ກໍຍັງໄດ້ ພິຈາລະນາຮັບຮອງເອົາແຜນ ພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດ ໂດຍສະເພາະການຈັດສັນງົບປະມານປະຈຳປີໃຫ້ຂະ ແໜງການສຶກສາ ເພື່ອນຳໃຊ້ເຂົ້າໃນການບໍລິຫານ, ພັດທະ ນາພື້ນຖານໂຄງລ່າງດ້ານການສຶກສາ, ປັບປຸງຫຼັກສູດການຮຽນ-ການສອນ ແລະ ຈັດຕັ້ງປະ ຕິບັດບັນດາຄາດໝາຍທີ່ຕິດ ພັນກັບເປົ້າໝາຍການພັດທະ ນາແບບຍືນຍົງຂອງອົງການສະຫະປະຊາຊາດ.
ນອກຈາກນີ້, ຄະນະຜູ້ແທນສະພາແຫ່ງຊາດລາວ ຍັງໄດ້ເຂົ້າຮ່ວມກອງປະຊຸມຄະນະກຳມະການປະຈຳຕ່າງໆຂອງໄອພີຢູ ເຊັ່ນ: ກຳມາທິການປະຈຳກ່ຽວກັບບັນຫາສັນຕິພາບ ແລະ ຄວາມໝັ້ນຄົງຂອງໂລກ, ກຳມາທິການປະຈຳກ່ຽວກັບການພັດທະນາແບບຍືນຍົງ, ການເງິນ ແລະ ການຄ້າ, ກຳ ມາທິການກ່ຽວກັບບັນຫາປະ ຊາທິປະໄຕ ແລະ ສິດທິມະນຸດ, ກຳມາທິການປະຈຳ ກ່ຽວກັບ ກິດຈະການຂອງອົງການສະຫະປະຊາຊາດ, ເວທີປຶກສາຫາລືຂອງສະມາຊິກລັດຖະສະພາເພດຍິງ, ເວທີປຶກສາຫາລືຂອງສະມາຊິກລັດຖະສະພາໜຸ່ມ, ກອງປະຊຸມຂອງກຸ່ມລັດຖະສະ ພາຈາກບັນດາປະເທດອາຊຽນບວກ 3 ແລະ ກອງປະຊຸມກຸ່ມລັດຖະສະພາພາກພື້ນອາຊີ ແລະ ປາຊີຟິກ.
（ແຫຼ່ງຂໍ້ມູນ： pasaxon.org.la）
