 |
ກອງປະຊຸມພົບປະລະຫວ່າງອົງການກວດສອບແຫ່ງລັດ ສປປ ລາວ ແລະ ອົງການກວດສອບ ສ ອິນໂດເນເຊຍ.
ການພົບປະຄັ້ງນີ້ ສອງຝ່າຍໄດ້ຜັດປ່ຽນກັນລາຍງານກ່ຽວກັບການຈັດຕັ້ງປະຕິບັດ ວຽກງານອົງການກວດສອບໄລຍະຜ່ານມາ ແລະ ທິດທາງໃນຕໍ່ໜ້າໃຫ້ກັນຊາບ ພ້ອມທັງຕີລາຄາສູງຕໍ່ສາຍພົວພັນ ແລະ ການຮ່ວມມືລະຫວ່າງ ລາວ-ອິນໂດເນເຊຍ ເວົ້າສະເພາະ ການຮ່ວມມືຂອງສອງອົງການກວດສອບແຫ່ງລັດ ສະແດງອອກໄລຍະຜ່ານມາ ສາມາດສ້າງຄວາມເຂັ້ມແຂງໃຫ້ອົງການກວດສອບແຫ່ງລັດ ສປປ ລາວ ແລະ ຫຼັງຈາກນັ້ນ ໄດ້ມີການເຊັນບົດບັນທຶກຜົນຂອງການພົບປະລະຫວ່າງ ອົງການກວດສອບແຫ່ງລັດ ແລະ ອົງການກວດສອບ ແຫ່ງ ສາທາລະນະລັດ ອິນໂດເນເຊຍ ປະຈຳປີ 2020-2021.
ທ່ານນາງ ວຽງທອງ ສີພັນດອນ ໄດ້ສະແດງຄວາມຂອບໃຈ ທ່ານ ເມີມາຮາດີ ໂຊຈາ ແດນກາຣາ ພ້ອມຄະນະ ທີ່ໄດ້ເດີນທາງມາຢ້ຽມຢາມ ສປປ ລາວ ກໍຄື ອົງການກວດສອບແຫ່ງລັດ ເຊິ່ງເປັນການປະກອບສ່ວນສຳຄັນ ໃນການເສີມຂະຫຍາຍສາຍພົວພັນມິດຕະພາບ ຄວາມສາມັກຄີ ແລະ ການຮ່ວມມືສອງຝ່າຍ ໃຫ້ນັບມື້ຂະຫຍາຍຕົວກ້າວສູ່ລວງເລິກ ໂດຍສະເພາະ ການຮ່ວມມືຊ່ວຍເຫຼືອເຊິ່ງກັນ ແລະ ກັນ ລະຫວ່າງສອງອົງການກວດສອບ ໃຫ້ນັບມື້ແໜ້ນແຟ້ນຍິ່ງໆຂຶ້ນ.
（ແຫຼ່ງຂໍ້ມູນ： vientianemai.net）
