 |
ສະຫາຍ ນາງ ປານີ ຢາທໍ່ຕູ້ ກຳມະການກົມການ ເມືອງສູນກາງພັກ, ປະທານສະພາ ແຫ່ງຊາດ.
ຢູ່ສູນດົງບາກ, ສະຫາຍ ອຸນ ຫລ້າ ໄຊຍະສິດ ຮອງເລຂາພັກ ແຂວງ, ຮອງເຈົ້າແຂວງໆອັດຕະ ປື ໄດ້ລາຍງານວ່າ: ຈາກໄພພິບັດ ຄູກັ້ນນໍ້າເຂື່ອນເຊປຽນ-ເຊນໍ້າ ນ້ອຍແຕກໃນ ວັນທີ 23 ກໍລະ ກົດ 2018, ນັ້ນໄດ້ສົ່ງຜົນສະ ທ້ອນອັນຮ້າຍແຮງຕໍ່ຊີວິດ, ຊັບ ສິນ, ເຮືອນຊານ, ໄຮ່ນາ-ຮົ້ວສວນ ຕະຫລອດຮອດສັດລ້ຽງຂອງປະ ຊາຊົນ, ພື້ນຖານໂຄງລ່າງ ແລະ ລະບົບນິເວດສິ່ງແວດລ້ອມທໍາ ມະຊາດໃນຂອບເຂດ 19 ບ້ານ ໄດ້ຮັບຜົນກະທົບ, ໃນນັ້ນ ໜັກ ກວ່າໝູ່ແມ່ນ 5 ບ້ານ ແລະ 1 ກຸ່ມບ້ານໃຫຍ່ ລວມມີ 4.425 ຄອບຄົວ, ມີພົນລະເມືອງ 18.754 ຄົນ, ຍິງ 9.347 ຄົນ; ກະທົບ ໜັກ ມີ 882 ຄອບຄົວ, ພົນລະ ເມືອງ 3.188 ຄົນ, ຍິງ 1.742 ຄົນ; ມີຜູ້ເສຍຊີວິດ ແລະ ສູນຫາຍ ທັງໝົດ 71 ຄົນ.
 |
ສະຫາຍ ນາງ ປານີ ຢາທໍ່ຕູ້ ກຳມະການກົມການ ເມືອງສູນກາງພັກ, ປະທານສະພາ ແຫ່ງຊາດ ແລະ ສະຫາຍ ເລັດ ໄຊຍະພອນ ເລຂາພັກແຂວງເຈົ້າແຂວງໆ ອັດຕະປື.
ໃນການແກ້ໄຂ ຜົນກະທົບແມ່ນໄດ້ຊົດເຊີຍປົວ ແປງຈິດໃຈຄອບຄົວຍາດພີ່ນ້ອງ ຜູ້ເສຍຊີວິດ ຈໍານວນ 71 ຄອບ ຄົວມູນຄ່າ 710.000 ໂດລາ; ໄດ້ ສົ່ງຂໍ້ມູນຜົນເສຍຫາຍໃຫ້ບໍລິສັດ ສ້າງເຂື່ອນໄຟຟ້າດັ່ງກ່າວເພື່ອ ຮຽກຮ້ອງຄ່າຊົດເຊີຍ. ສະຫາຍ ຮອງເຈົ້າແຂວງຍັງໄດ້ສະເໜີ ຕໍ່ຂັ້ນເທິງຂໍທຶນຮອນສ້ອມແປງ ໂຮງຮຽນປະຖົມ, ກໍ່ສ້າງນໍ້າປະ ປາ ແລະ ສະເໜີໃຫ້ທະນາຄານ ນະໂຍບາຍປ່ອຍເງິນສິນເຊື່ອ ໃຫ້ບ້ານຕາມຄວາມເໝາະສົມ. ຢູ່ສູນຕະມໍ່ຢອດ-ຫີນລາດ, ສະຫາຍ ສໍາລານ ພອຍພານິກ ຮອງນາຍບ້ານໆຫີນລາດ, ຫົວ ໜ້າສູນຕະມໍ່ຢອດ ໄດ້ລາຍງານ ສະພາບລວມຂອງສູນພັກຊົ່ວ ຄາວຕະມໍ່ຢອດ-ຫີນລາດ ແມ່ນ ມີ 2 ບ້ານຂຶ້ນກັບຄື: ບ້ານຫີນ ລາດ ແລະ ບ້ານຕະມໍ່ຢອດ, ມີຜູ້ ຫລົບໄພ 701 ຄົນ ຍິງ 368 ຄົນ, ມີທັງໝົດ 176 ຄອບຄົວ, ຄອບຄົວທຸກຍາກ 4 ຄອບຄົວ, ກໍາພ້າ 4 ຄົນ ຍິງ 3, ກໍາພອຍ ອາຍຸ 5 ປີ 3 ຄົນ; ສູນພັກຊົ່ວ ຄາວແຫ່ງນີ້ສ້າງເປັນເຮືອນເຫຼັກ ໃຫ້ແຕ່ລະຄອບຄົວ ເຊິ່ງໄດ້ຈັດສັນ ປະຊາຊົນຂຶ້ນຢູ່ເປັນແຕ່ລະໄລຍະ ແລະ ສໍາເລັດໝົດທຸກຄອບຄົວໃນ ວັນທີ 25 ມັງກອນ 2019; ສະ ຫາຍຫົວໜ້າສູນໄດ້ສະເໜີຂໍຄອມ ພິວເຕີ 1 ຊຸດ ເພື່ອນໍາໃຊ້ເຂົ້າໃນ ວຽກງານບໍລິຫານ, ສະເໜີໃຫ້ມີ ການຊົດເຊີຍຍານພາຫະນະທີ່ ໄດ້ຮັບຄວາມເສຍຫາຍ ແລະ ສະ ໜອງເນື້ອທີ່ການຜະລິດໃຫ້ປະຊາ ຊົນໃຫ້ທັນລະດູການທີ່ຈະມາເຖິງ.
 |
ໃນໂອກາດດັ່ງກ່າວ ສະຫາຍ ປະທານສະພາແຫ່ງຊາດໄດ້ສະ ແດງຄວາມຊົມເຊີຍທີ່ພໍ່ແມ່ປະຊາຊົນໄດ້ເຊື່ອໝັ້ນຕໍ່ການຊີ້ນໍາ-ນຳພາຂອງພັກ-ລັດໃນການແກ້ ໄຂຊ່ວຍເຫຼືອນັບແຕ່ກາງເດືອນກໍ ລະກົດເຖິງປັດຈຸບັນ ແລະ ໃຫ້ສືບ ຕໍ່ຜ່ານຜ່າຄວາມຫຍຸ້ງຍາກໃຫ້ ໄດ້, ສະຫາຍປະທານສະພາແຫ່ງ ຊາດຍັງໄດ້ສະເໜີໃຫ້ອໍານາດ ການປົກຄອງແຂວງ-ເມືອງ ກໍຄືຄະນະຮັບຜິດຊອບໃຫ້ອະ ທິບາຍຕໍ່ພໍ່ແມ່ປະຊາຊົນຢ່າງ ລະອຽດຈະແຈ້ງກ່ຽວກັບບັນດາ ນະໂຍບາຍຕ່າງໆເຊັ່ນ: ກ່ຽວ ກັບທີ່ດິນປູກຝັງໃຫ້ອອກສິດນໍາ ໃຊ້ໃຫ້ປະຊາຊົນແຕ່ລະຄອບຄົວ ເພື່ອໃຫ້ເຂົາເຈົ້າມີກໍາລັງໃຈໃນ ການທໍາການຜະລິດ; ວຽກບາງ ອັນທີ່ບໍ່ໃຫຍ່ກໍໃຫ້ອໍານາດການ ປົກຄອງບ້ານຮ່ວມກັບປະຊາ ຊົນດຳເນີນການ ເປັນຕົ້ນການ ອະນາໄມວັດບ້ານຫີນລາດ; ສ່ວນ ບັນຫາອື່ນທີ່ຍັງຄົງຄ້າງແມ່ນ ຈະນໍາໄປສະເໜີຕໍ່ພາກສ່ວນທີ່ ກ່ຽວຂ້ອງເພື່ອພິຈາລະນາແກ້ໄຂ ຕາມຄວາມເໝາະສົມ. ນອກຈາກ ນັ້ນສະຫາຍປະທານສະພາແຫ່ງ ຊາດໄດ້ມອບເງິນສົດ ແລະ ອຸ ປະກອນຮັບໃຊ້ຈຳນວນໜຶ່ງທີ່ໄດ້ ມາຈາກການອຸປະຖຳຂອງບໍລິ ສັດໄໝຄໍາ ມອບໃຫ້ຄະນະສູນຕະ ມໍຢອດ ເມືອງສະໜາມໄຊ ເພື່ອ ນໍາໃຊ້ເຂົ້າໃນວຽກງານບໍລິຫານ ຂອງສູນດັ່ງກ່າວ.
（ແຫຼ່ງຂໍ້ມູນ： ບຸນເກີດ ວົງໄຊຍາ/ໜັງສືພິມກອງທັບ）
