ກ່າວຄຳເຫັນກັບສຳນັກຂ່າວສານຫວຽດນາມ ປະຈຳສະຫະພັນລັດເຊຍ, ທ່ານ Grigory Trofimchuk - ປະທານສະພາຜູ້ຊ່ຽວຊານກອງທຶນຄົ້ນຄ້ວາ ອາຊີ-ເອີຣົບ ໃຫ້ຮູ້ວ່າ, ການລະບາດຂອງ COVID-19 ບໍ່ໄດ້ສົ່ງຜົນສະທ້ອນເຖິງແຜນການຈັດຕັ້ງກອງປະຊຸມໃຫຍ່ພັກກອມມູນິດຫວຽດນາມຄັ້ງທີ 13 ແລະ ກ່າຍເປັນພື້ນຖານເພື່ອໃຫ້ຊາວຫວຽດນາມ ມີຄວາມເຊື່ອໝັ້ນໃນອະນາຄົດຢ່າງໝັ້ນໃຈ ແລະ ແມ່ນພື້ນຖານເສດຖະກິດມີເນື້ອແທ້ຂອງສັງຄົມນິຍົມ.
 |
| ພື້ນຖານເສດຖະກິດສັງຄົມນິຍົມ ຊ່ວຍໃຫ້ຫວຽດນາມມີຄວາມເຊື່ອໝັ້ນໃນອະນາຄົດ. (ພາບປະກອບ: TTXVN) |
ຜູ້ຊ່ຽວຊານ Grigory Trofimchuk ໄດ້ກ່າວວ່າ: “ກ່ອນໜ້ານີ້, ພວກເຮົາຍັງມີປະສົບການບາງຢ່າງໃນການກໍ່ສ້າງສັງຄົມນິຍົມ ໃນສະຫະພາບໂຊວຽດ. ຫວຽດນາມໄດ້ຮຽນຮູ້ຈາກປະສົບການຂອງບັນດາປະເທດ, ເພື່ອນມິດ ແລະ ຄູ່ຮ່ວມງານ. ບົນພື້ນຖານການວິເຄາະທີ່ຖືກຕ້ອງ ກ່ຽວກັບຄວາມຜິດພາດ ແລະ ຜົນສຳເລັດ, ໃນນັ້ນມີປະສົບການຂອງສະຫະພາບໂຊວຽດ ຈະເຮັດໃຫ້ຫວຽດນາມໄດ້ພະຍາຍາມຫລີກລ້ຽງບັນດາຄວາມຜິດພາດ.”
ຕາມນັກຊ່ຽວຊານລັດເຊຍ Grigory Trofimchuk ແລ້ວ, ຫວຽດນາມມີການພົວພັນສາກົນຢ່າງກວ້າງຂວາງ, ເຂົ້າຮ່ວມສ່ວນໃຫຍ່ໃນບັນດາອົງການຈັດຕັ້ງສາກົນໃຫຍ່. ຫວຽດນາມໄດ້ປະກາດໃຊ້ບັນດາແນວທາງ ທີ່ສາມາດຊ່ວຍໃຫ້ໂລກຕອບສະໜອງຢ່າງດີຂື້ນ ຕໍ່ກັບສິ່ງທ້າທາຍຫຼາຍຢ່າງ, ຄືພະຍາດ COVID-19. ຢູ່ລັດເຊຍ, ຜູ້ຊ່ຽວຊານຫລາຍທ່ານ ໄດ້ວິເຄາະເອກະສານທີ່ເນັ້ນໜັກເຖິງຄວາມຈຳເປັນຕ້ອງພິຈາລະນາ ແລະ ນຳໃຊ້ປະສົບການຂອງຫວຽດນາມ.
ນັກຊ່ຽວຊານລັດເຊຍ Grigory Trofimchuk ໃຫ້ຮູ້ວ່າ: ເມື່ອເຂົ້າຮ່ວມບັນດາອົງການຈັດຕັ້ງສາກົນ ແລະ ເວທີປາໄສເສດຖະກິດ, ລັດຖະບານຫວຽດນາມ ໄດ້ສະແດງໃຫ້ເຫັນຢ່າງຈະແຈ້ງ ກ່ຽວກັບຜົນປະໂຫຍດຂອງການເຂົ້າຮ່ວມດັ່ງກ່າວ ແລະ ນີ້ແມ່ນການເຊື່ອມຕໍ່ລະຫວ່າງລັດຖະບານ ແລະ ປະຊາຊົນ, ສ້າງຄວາມເຫັນດີເຫັນພ້ອມເພື່ອໄປສູ່ເປົ້າໝາຍລວມ.
 |
| ການລະບາດຂອງ COVID-19 ບໍ່ໄດ້ສົ່ງຜົນສະທ້ອນເຖິງແຜນການຈັດຕັ້ງກອງປະຊຸມໃຫຍ່ພັກກອມມູນິດຫວຽດນາມ. (ພາບປະກອບ: TTXVN) |
ນັກຊ່ຽວຊານລັດເຊຍ Grigory Trofimchuk ກໍ່ໄດ້ຕີລາຄາສູງໝາກຜົນຂອງກອງປະຊຸມໃຫຍ່ຄັ້ງທີ XIII ຂອງພັກກອມມູນິດຫວຽດນາມ ໃນສະພາບການທີ່ບົດບາດ ແລະ ຄວາມສຳຄັນຂອງຫວຽດນາມ ຕໍ່ອາຊີຕາເວັນອອກເວົ້າສະເພາະ ແລະ ໃນບັນດາເວທີປາໄສສາກົນເວົ້າລວມ ໄດ້ນັບມື້ນັບເພີ່ມຂື້ນ.
ຜູ້ຊ່ຽວຊານລັດເຊຍ ກໍ່ໄດ້ຊົມເຊີຍຫວຽດນາມທີ່ໄດ້ຈັດຕັ້ງເຫດການການເມືອງໃຫຍ່ດັ່ງກ່າວຢ່າງສຳເລັດຜົນ ໃນສະພາບການໂລກປະສົບກັບຄວາມຫຍຸ້ງຍາກ ແລະ ສັບສົນຫຼາຍຢ່າງ, ແລະ ສະແດງຄວາມເຊື່ອໝັ້ນວ່າ ຫວຽດນາມຈະປະສົບຜົນສຳເລັດຍິ່ງກວ່າອີກໃນອະນາຄົດ.
 | ສະຖານທູດຍີ່ປຸ່ນ ປະຈຳຫວຽດນາມ ໄດ້ເຮັດບັດ ແລະ ສົ່ງຄຳອວຍພອນປີໃໝ່ປະຈໍາຊາດຫວຽດນາມ ຍສໝ - ໜ້າ Facebook ຂອງສະຖານທູດຍີ່ປຸ່ນປະຈຳຫວຽດນາມ ຫາກໍ່ປະກາດບັດອວຍພອນປີໃໝ່ປະຈໍາຊາດທີ່ໜ້າປະທັບໃຈ. |
 | ອວຍພອນປີໃຫມ່ດ້ວຍພາສາຫວຽດນາມ, ປະທານາທິບໍດີຝຣັ່ງ Emmanuel Macron ເຮັດໃຫ້ເກີດຄວາມຊື່ນຊົມຍິນດີ ໃນສັງຄົມອິນເຕີແນດ ຍສໝ - ໃນມື້ທຳອິດຂອງວັນປີໃຫມ່ປະຈໍາຊາດຫວຽດນາມ, ປະທານາທິບໍດີຝຣັ່ງ Emmanuel Macron ໄດ້ສົ່ງສານອວຍພອນສະເຫຼມສະຫຼອງປີໃຫມ່ ໃນທາງສື່ສັງຄົມອິນເຕີແນດ Twitter ແລະ Facebook. |
 | ຫວຽດນາມ ຍັງແມ່ນ “ຈຸດພົ້ນເດັ່ນ” ເມື່ອຮັກສາເສດຖະກິດມະຫາພາກເປັນປົກກະຕິ ແລະ ສະກັດກັ້ນການແຜ່ລະບາດຂອງໂລກລະບາດໂຄວິດ-19 ຢ່າງຂ້ຽວຂາດ ຍສໝ - ດ້ວຍບັນດາໝາກຜົນທີ່ບັນລຸໄດ້ໃນການເຕີບໂຕເສດຖະກິດກໍ່ຄືການປ້ອງກັນ, ສະກັດກັ້ນໂລກລະບາດໂຄວິດ-19 ໃນປີ 2020, ຫວຽດນາມ ໄດ້ສ້າງແຫຼ່ງບັນດານໃຈໃຫ້ສື່ມວນຊົນສາກົນ. |
ຄຳຮຸ່ງ
