 |
ປະຊາຊົນຊາວເມືອງ ພິນ ໃຫ້ການຕ້ອນຮັບ ທ່ານ ແສງນວນ ໄຊຍະລາດ ຮອງ ປະທານສະພາແຫ່ງຊາດ ທັງເປັນສະມາຊິກສະພາແຫ່ງຊາດ ພ້ອມດ້ວຍຄະນະ .
ລະຫວ່າງວັນທີ 12-13 ກັນຍາ 2018, ທ່ານ ແສງນວນ ໄຊຍະລາດ ຮອງ ປະທານສະພາແຫ່ງຊາດ ທັງເປັນສະມາຊິກສະພາແຫ່ງຊາດ (ສສຊ) ປະຈໍາເຂດເລືອກຕັ້ງ 13 ແຂວງ ສະຫວັນນະເຂດ ພ້ອມດ້ວຍຄະນະ ໄດ້ສືບຕໍ່ລົງເຄື່ອນໄຫວພົບປະຜູ້ມີ ສິດເລືອກຕັ້ງ ແລະ ໂຄສະນາ ເຜີຍແຜ່ຜົນສໍາເລັດກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ VIII ແລະ ສະພາປະຊາຊົນແຂວງ ຊຸດທີ I. ໃນນີ້,
 |
ທ່ານ ຮອງປະທານສະພາແຫ່ງຊາດ ໄດ້ຮັບຟັງການລາຍງານໂດຍສັງເຂບ ສະພາບແຜນພັດທະນາເສດຖະກິດ-ສັງຄົມ ຂອງເມືອງ, ກຸ່ມບ້ານພັດທະນາ ແລະ ບ້ານ ພ້ອມ ທັງຮັບຟັງຂໍ້ສະດວກ ແລະ ຂໍ້ຫຍຸ້ງຍາກ ໃນ ການ ດໍາລົງຊີວິດຕົວຈິງ ຂອງປະຊາຊົນ.
ໃນໂອກາດນີ້, ທ່ານ ຮອງປະທານສະພາແຫ່ງຊາດ ໄດ້ຮັບຟັງການລາຍງານໂດຍສັງເຂບ ສະພາບແຜນພັດທະນາເສດຖະກິດ-ສັງຄົມ ຂອງເມືອງ, ກຸ່ມບ້ານພັດທະນາ ແລະ ບ້ານ ພ້ອມ ທັງຮັບຟັງຂໍ້ສະດວກ ແລະ ຂໍ້ຫຍຸ້ງຍາກ ໃນ ການ ດໍາລົງຊີວິດຕົວຈິງ ຂອງປະຊາຊົນ; ຈາກນັ້ນ, ບັນດາທ່ານ ສສຊ ແລະ ສສຂ ໄດ້ຜັດປ່ຽນກັນເຜີຍແຜ່ຜົນສໍາເລັດ ຂອງກອງປະຊຸມສະໄໝສາມັນເທື່ອທີ 5 ຂອງ ສະພາແຫ່ງຊາດ ຊຸດທີ VIII ແລະ ສະ ພາປະຊາຊົນແຂວງ ຊຸດທີ I ຕາມລໍາ ດັບ. ການລົງເຄື່ອນໄຫວໃນຄັ້ງນີ້ ເຮັດໃຫ້ປະຊາຊົນລາວບັນດາເຜົ່າ ໄດ້ຮັບຮູ້ ແລະ ເຂົ້າໃຈການດໍາເນີນກອງປະຊຸມ, ການພິຈາລະນາຮັບຮອງ ແລະ ຕົກລົງ ບັນຫາທີ່ສໍາຄັນຂອງຊາດ ແລະ ຂອງແຂວງ, ທັງຮັບຮູ້ເຖິງ ພາລະ ບົດ ບາດ, ສິດ ແລະ ໜ້າທີ່ຂອງສະພາແຫ່ງຊາດ ແລະ ສະພາປະຊາຊົນຂັ້ນແຂວງ, ສສຊ ແລະ ສສຂ ທີ່ມີຕໍ່ປະຊາຊົນ.
ໂອກາດດຽວກັນ, ບັນດາ ສສຊ ແລະ ສສຂ ກໍໄດ້ຮັບຟັງຄໍາຄິດຄໍາເຫັນ, ຄໍາສະເໜີຂອງປະຊາຊົນ ເຊິ່ງເຫັນວ່າມີຂໍ້ຫຍຸ້ງຍາກຫລາຍດ້ານ ທີ່ຈະຕ້ອງປັບປຸງແກ້ໄຂ ເປັນຕົ້ນບັນຫາໂຮງຮຽນ ບໍ່ພຽງພໍຕໍ່ນັກຮຽນພາຍໃນບ້ານ ເຮັດ ໃຫ້ເກີດ ມີຄວາມແອອັດ, ໂຮງຮຽນມີຄວາມຊຸດໂຊມ, ຂາດແຄນ ບຸກຄະລາກອນຄູສອນ, ສອນມາຫລາຍປີກໍບໍ່ໄດ້ບັນຈຸເຂົ້າເປັນພະນັກງານ, ເສັ້ນທາງສັນ ຈອນພາຍ ໃນບ້ານມີຄວາມຫຍຸ້ງຍາກ ໃນລະດູຝົນ ບາງຈຸດໄດ້ໃຊ້ເຮືອ ໃນການ ໄປມາຫາສູ່ກັນ ແລະ ບັນຫາອື່ນໆ. ຢ່າງໃດກໍຕາມ ບັນດາທ່ານ ສສຊ ແລະ ສສຂ ກໍໄດ້ໃຫ້ມີຄໍາຄິດຄຳເຫັນໃນການແກ້ ໄຂບັນຫາ ເບື້ອງຕົ້ນ ແລະ ຮັບເອົາບັນດາຄໍາສະເໜີ ຂອງປະຊົນ ໄປນໍາສະເໜີຕໍ່ພາກສ່ວນທີ່ກ່ຽວຂ້ອງ ເພື່ອຄົ້ນ ຄວ້າພິຈາລະນາ ຫາວິທີການ ແກ້ໄຂໃນຕໍ່ໜ້າ.
（ແຫຼ່ງຂໍ້ມູນ： ຂປລ）
