ຈາກສະພາບຝົນຕົກໜັກລຽນຕິດຫຼາຍມື້ຕິດຕໍ່ກັນ ເຮັດໃຫ້ເກີດ ການໄຫຼບໍ່ທັນຂອງນ້ຳ ເຮັດໃຫ້ຫຼາຍແຂວງຂອງ ສປປ ລາວ ຖືກນ້ຳຖ້ວມໜັກ. ໃນນັ້ນແມ່ນ ແຂວງສະຫວັນນະເຂດ, ຕອນເຊົ້າຂອງມື້ວັນທີ 17 ກໍລະກົດ ສັງຄົມອອນລາຍໄດ້ຟົດສຜ່ານສື່ອອນລາຍ ບໍ່ວ່າຈະເປັນ ເຟດສບຸກ, ອີນສຕາແກຣມ,... ຮູບພາບຂອງແຕ່ລະເຂດທີ່ປະສົບກັບໄພທຳມະຊາດຄັ້ງນີ້. ບໍ່ວ່າຈະເປັນໃນຕົວເມືອງນະຄອນໄກສອນເອງກໍ່ຄືບັນດາເມືອງອ້ອມຂ້າງ.
 |
 |
 |
 |
 |
 |
 |
ໜ່ວຍກູ້ໄພສະຫວັນນະເຂດຊ່ວຍປະຊາຊົນອອກຈາກບ້ານເຮືອນທີ່ຖືກນ້ຳຖ້ວມ.
ສ່ວນທາງເມືອງຊົນນະບູລີ ທາງອຳນາດການປົກຄອງທ້ອງຖິ່ນກໍ່ໄດ້ມີການປະກາດໃຫ້ພໍ່ແມ່ປະຊາຊົນໃຫ້ເຝົ້າລະວັງຢ່າງໄກ້ສິດ. ອີງຕາມການລາຍງານຈາກການນຳຂອງເມືອງໄດ້ໃຫ້ຮູ້ວ່າ: ໃນຕອນເຊົ້າຂອງວັນທີ 17 ກໍລະກົດ ປີ 2018, ລະດັບນຳ້ເຊຊັງຊອຍຈຸດເມືອງຊົນນະບູລີ ແມ່ນ 7,22 ແມັດ, ເພີ່ມຂື້ນຈາກຕອນເຊົ້າວັນທີ 16/7 ທີ່ +47 ຊມ (6,75 ມ). + ຍ້ອນວ່າຝົນຕົກລິນທັງເວັນ ແລະ ຄືນ, ລະດັບນຳ້ເຊບັງຫຽງ ໃນຕອນແລງຂອງວັນທີ 16/7 ສູງຂື້ນ 11,14 ແມັດ ແລະ ນຳ້ເຊຈຳພອນເຖີງເຂດອັນຕະລາຍ 7,88 ແມັດ ໄດ້ແຕກຝັ່ງ; ດັ່ງນັ້ນ, ຈຶ່ງເຮັດໃຫ້ນຳ້ໃຕ້ໄຫລຍູ້ດັນຂື້ນເຫນືອ ແລະ ເລີ່ມຖ້ວມນາຕຳ່ຂອງບ້ານດົງບູນ, ນາຫນອງຜຳ, ຕຸ່ມແຍ,...ແລະ ເສັ້ນທາງໄປບ້ານດົງບູນ.
 |
ເມືອງຊົນນະບູລີ ແຂວງສະຫວັນນະເຂດ.
ປະຈຸບັນຍັງບໍ່ທັນຮັບລາຍງານເລື່ອງຄວາມເສຍຫາຍແກ່ຊີວິດ ແລະ ຊັບສິນຂອງປະຊາຊົນ ຢ່າງເປັນທາງການ.
（ຫັດທະບູນ）
