ນາຍົກລັດຖະມົນຕີຫວຽດນາມ ໄດ້ລົງໄປຢ້ຽມຢາມ, ລະດົມກຳລັງໃຈ ແລະ ແບ່ງເບົາຕໍ່ບັນດາຜົນເສຍຫາຍຂອງພໍ່ແມ່ປະຊາຊົນ ຍ້ອນຝົນຕົກ, ນ້ຳຖ້ວມກໍ່ຂຶ້ນ

	UNICEF ໜູນຊ່ວຍໃຫ້ເດັກນ້ອຍພາກກາງ ຫວຽດນາມ
	ສະຖານທູດຫວຽດນາມ ປະຈຳຢູ່ບຣຸໃນ ໄດ້ປຸກລະດົມການຊ່ວຍເຫຼືອປະຊາຊົນພາກກາງ ຢູ່ ຫວຽດນາມ

ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ລົງໄປຢ້ຽມຢາມ, ລະດົມກຳລັງໃຈ ແລະ ແບ່ງເບົາຕໍ່ບັນດາຜົນເສຍຫາຍຂອງພໍ່ແມ່ປະຊາຊົນ (ພາບ: VGP)

ໃນຕອນເຊົ້າວັນທີ 24 ຕຸລາ 2020, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ລົງໄປຢ້ຽມຢາມ, ລະດົມກຳລັງໃຈ ແລະ ແບ່ງເບົາຕໍ່ບັນດາຜົນເສຍຫາຍຂອງພໍ່ແມ່ປະຊາຊົນຢູ່ເມືອງກວ໋າງນິງ, ແຂວງ ກວ໋າງບິ່ງ ຍ້ອນຝົນຕົກ, ນ້ຳຖ້ວມກໍ່ຂຶ້ນ. ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ຮຽກຮ້ອງໃຫ້ການນຳບັນດາກະຊວງ, ຂະແໜງການ, ທ້ອງຖິ່ນ, ດ້ວຍນ້ຳໃຈຄວາມຮັບຜິດຊອບສູງສຸດ ຕ້ອງລະດົມທຸກແຫຼ່ງກຳລັງໂດຍໄວ ເພື່ອແກ້ໄຂບັນດາຜົນເສຍຫາຍໂດຍໄວທີ່ສຸດ, ຊ່ວຍເຫຼືອປະຊາຊົນຜູ້ຖືກເສຍຫາຍ ແລະນຳຊີວິດຂອງປະຊາຊົນຢູ່ເຂດພາກກາງກັບຄືນສູ່ເປັນປົກກະຕິໂດຍໄວ.

ໃນເຫດການທີ່ກ່ຽວຂ້ອງ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ຕົກລົງສະໜອງເງິນໃນເບື້ອງຕົນ 500 ຕື້ດົ່ງຈາກແຫຼ່ງທຶນສຳຮອງຂອງງົບປະມານສູນກາງປີ 2020 ເພີ່ມເຕີມງົບປະມານໃຊ້ຈ່າຍ ໃຫ້ແກ່ 5 ແຂວງພາກກາງ ເພື່ອປະຕິບັດໜ້າທີ່ ກູ້ໄພກູ້ຊີບ, ນະໂຍບາຍການໜູນຊ່ວຍສັງຄົມ ແລະ ແກ້ໄຂຜົນຮ້າຍຢ້ອນຫຼັງຈາກໄພທຳມະຊາດຕາມລະບອບ, ນະໂຍບາຍແຫ່ງລັດ. ຕາມນັ້ນແລ້ວ, ບັນດາແຂວງໄດ້ຮັບການເພີ່ມເຕີມງົບປະມານໃຊ້ຈ່າຍລວມມີ: ກ໋ວາງບິ່ງ 100 ຕື້ດົ່ງ, ກ໋ວາງຈິ 100 ຕື້ດົ່ງ, ເທື່ອທຽນ - ເຫ້ວ 100 ຕື້ດົ່ງ, ກ໋ວາງນາມ 100 ຕື້ດົ່ງ, ຮ່າຕິງ 100 ຕື້ດົ່ງ.

ນາຍົກລັດຖະມົນຕີ ຕົກລົງສະໜອງເງິນໃນເບື້ອງຕົ້ນເປັນຈຳນວນ 500 ຕື້ດົງເພື່ອໜູນຊ່ວຍດ່ວນໃຫ້ແກ່ບັນດາແຂວງຢູ່ພາກກາງ. (ພາບ: VGP)

ກ່ອນໜ້ານັ້ນ, ຕາມສູນອຸຕຸນິຍົມ, ອຸທົກກະສາດ ແຫ່ງຊາດ ຫວຽດນາມ ແລ້ວ, ພາຍຸ Saudel ໄດ້ເຄື່ອນໄປຮອດເຂດທະເລຕາເວັນອອກ ແລະ ຄາດວ່າຈະສົ່ງຜົນສະທ້ອນໂດຍກົງເຖິງເຂດດິນຕໍ່ແຜ່ນຫວຽດນາມ ແຕ່ຄ່ຳຄືນວັນທີ 24 ຕຸລາ ຫາ ວັນທີ 25 ຕຸລາ. ທ່ານຮອງນາຍົກລັດຖະມົນຕີ ຈິ້ງດິ່ງຢຸງ ຮຽກຮ້ອງວ່າ ໜ້າທີ່ສຳຄັນທີ່ສຸດແມ່ນຕ້ອງສຸມໃສ່ຊ່ວຍເຫຼືອ, ສະໜອງເຄື່ອງບັນເທົາທຸກ, ສະບຽງອາຫານ ແລະ ເຄື່ອງໃຊ້ສອຍທີ່ຈຳເປັນ. ທ່ານຮອງນາຍົກລັດຖະມົນຕີ ຮຽກຮ້ອງໃຫ້ຄະນະຊີ້ນຳສູນກາງ ແລະ ຄະນະກຳມະການແຫ່ງຊາດ ກ່ຽວກັບການຮັບມືກັບອຸບັດຕິເຫດຈາກໄພທຳມະຊາດ ແລະ ກູ້ໄພກູ້ຊີບ, ອາດຈະສົ່ງເຮືອກາໂນ, ເຮືອບິນເອລີກອບເຕີ ເພື່ອກູ້ໄພກູ້ຊີບຢ່າງມີປະສິດທິຜົນ.

ທ່ານຮອງນາຍົກລັດຖະມົນຕີຮຽກຮ້ອງໃຫ້ຮັບປະກັນຄວາມປອດໄພຢູ່ທະເລ ແລະ ເຂດດິນຕໍ່ແຜ່ນ, ສ້າງແຜນການຮັບມືກັບພາຍຸ, ຍົກຍ້າຍປະຊາຊົນໄປເຂດປອດໄພ ແລະ ກວດກາອ່າງເກັບນ້ຳທັງໝົດ.

ນາຍົກລັດຖະມົນຕີຫວຽດນາມ ສົ່ງຈົດໝາຍເຖິງພະນັກງານ, ນັກຮົບກອງທັບປະຊາຊົນຫວຽດນາມ ທຸກຄົນ ວັນທີ 22 ຕຸລາ, ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ໄດ້ສົ່ງຈົດໝາຍເຖິງພະນັກງານ, ນັກຮົບກອງທັບປະຊາຊົນຫວຽດນາມ ທຸກຄົນ.

ຊາວຫວຽດນາມ ອາໄສ ຢູ່ ກຳປູເຈຍ ບໍລິຈາກເງິນສະໜັບສະໜູນພໍ່ແມ່ປະຊາຊົນຢູ່ພາກກາງ ຫວຽດນາມ ຕອນບ່າຍວັນທີ 21 ຕຸລາ, ສະຖານກົງສູນໃຫຍ່ ຫວຽດນາມ ປະຈຳແຂວງ Preah Sihanouk ຢູ່ ກຳປູເຈຍ ໄດ້ຈັດຕັ້ງການບໍລິຈາກສະໜັບສະໜູນພໍ່ແມ່ປະຊາຊົນຢູ່ພາກກາງ ຫວຽດນາມ ແກ້ໄຂຜົນຮ້າຍຢ້ອນຫລັງຈາກຝົນຕົກໜັກ, ນ້ຳຖ້ວມປີ 2020.

ນາຍົກລັດຖະມົນຕີ ຍີ່ປຸ່ນ ຕີລາຄາຜົນສຳເລັດການໄປຢ້ຽມຢາມ ຫວຽດນາມ ທ່ານນາຍົກລັດຖະມົນຕີ ຍີ່ປຸ່ນ Suga Yoshihide ໂດຍໃຫ້ຮູ້ວ່າ ໃນການຢ້ຽມຢາມ ຫວຽດນາມ ແລະ ອິນໂດເນເຊຍ, ທ່ານໄດ້ເຫັນດີເປັນເອກະພາບກັບບັນດາການນຳ ຫວຽດນາມ ແລະ ອິນໂດເນເຊຍ ກ່ຽວກັບການຮ່ວມມື ເພື່ອສ້າງອະນາຄົດແຫ່ງສັນຕິພາບ ແລະ ວັດທະນາຖາວອນຢູ່ພາກພື້ນມະຫາສະໝຸດອິນເດຍ - ປາຊີຟິກ.