 |
| ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ. ພາບ:VGP. |
ໃນຕອນຄ່ຳຂອງວັນທີ 28 ສິງຫາ ປີ 2020, ທີ່ຮ່າໂນ້ຍ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ເປັນປະທານພິທີສະເຫຼີມສະຫຼອງ 75 ປີແຫ່ງວັນສະຖາປະນາປະເທດສາທາລະນະລັດສັງຄົມນິຍົມຫວຽດນາມ (02 ກັນຍາ 1945 – 02 ກັນຍາ 2020). ເຂົ້າຮ່ວມພິທີດັ່ງກ່າວມີທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ; ທ່ານ ເຈິ່ນກວກເວື້ອງ, ຜູ້ປະຈຳການຄະນະເລຂາສູນກາງພັກກອມມູນິດວຽດນາມ; ທ່ານນາງ ດັ້ງທິງອັກທິ້ງ, ຮອງປະທານປະເທດ ແລະການນຳບາງກະຊວງ, ຂະແໜງການ...
ທີ່ພິທີ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ຢືນຢັນວ່າ: ດ້ວຍບັນດາຜົນງານອັນໃຫຍ່ຫຼວງມີຄວາມໝາຍປະຫວັດສາດ ນັ້ນແມ່ນການສະແດງໃຫ້ເຫັນຈິດໃຈ, ເຈດຈຳນົງອັນແຮງກ້າຂອງຊາດຫວຽດນາມ, ຢືນຢັນບົດບາດເປັນເພື່ອນມິດ, ເປັນຄູ່ຮ່ວມມືທີ່ມີຄວາມໄວ້ເນື້ອເຊື່ອໃຈຂອງເພື່ອນມິດ ແລະ ຄູ່ຮ່ວມມືສາກົນ. ເພື່ອບັນລຸໄດ້ບັນດາຜົນງານເຫຼົ່ານັ້ນ, ຍາມໃດຫວຽດນາມ ກໍ່ຈົດຈຳ ແລະ ເຄົາລົບຕໍ່ການສະໜັບສະໜູນ, ການຊ່ວຍເຫຼືອທີ່ມີປະສິດທິຜົນ ແລະ ລ້ຳຄ່າຂອງຫຼາຍປະເທດ, ເພື່ອນມິດ ແລະ ຂອງປະຊາຄົມສາກົນ. ດ້ວຍຈິດໃຈເປັນເຈົ້າການໃນການເຊື່ອມໂຍງ, ຫວຽດນາມ ໄດ້ຮັບຜົນສຳເລັດໃນເບື້ອງຕົ້ນໃນການດຳລົງຕຳແໜ່ງເປັນປະທານອາຊຽນ 2020, ເປັນປະທານສະມັດຊາໃຫຍ່ລະຫວ່າງລັດຖະສະພາອາຊຽນ ແລະ ເປັນກຳມະການບໍ່ປະຈຳການສະພາຄວາມໝັ້ນຄົງສະຫະປະຊາຊາດ, ດ້ວຍການເຄື່ອນໄຫວ ແລະ ຂໍ້ລິເລີ່ມສຳຄັນຫຼາຍຢ່າງ ທັນການ.
 |
| ເຂົ້າຮ່ວມພິທີດັ່ງກ່າວມີທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ; ທ່ານ ເຈິ່ນກວກເວື້ອງ, ຜູ້ປະຈຳການຄະນະເລຂາສູນກາງພັກກອມມູນິດວຽດນາມ; ທ່ານນາງ ດັ້ງທິງອັກທິ້ງ, ຮອງປະທານປະເທດ ແລະການນຳບາງກະຊວງ, ຂະແໜງການ... ພາບ: VGP |
ໃນບັນດາການພົວພັນກັບສາກົນ, ທຸກຊາດ, ທຸກປະເທດຄວນຍົກສູງຈິດໃຈເຄົາລົບກົດໝາຍ, ເຄົາລົບເອກະລາດອະທິປະໄຕ, ຜືນແຜ່ນດິນອັນຄົບຖ້ວນ ແລະ ບັນດາຜົນປະໂຫຍດອັນຊອບທຳຂອງກັນ. ພ້ອມກັນນັ້ນ, ທ່ານນາຍົກລັດຖະມົນຕີ ຫງວຽນຊວັນຟຸກ ປາດຖະໜາວ່າ, ບັນດາທ່ານເອກອັກຄະລັດຖະທູດ, ອຸປະທູດ ແລະ ຜູ້ຕາງໜ້າບັນດາອົງການຈັດຕັ້ງສາກົນ ຈະສືບຕໍ່ເສີມຂະຫຍາຍບົດບາດເປັນຂົວເຊື່ອມຕໍ່ສຳຄັນຂອງຕົນ, ປະກອບສ່ວນຫຼາຍກວ່າອີກເຂົ້າໃນການຊຸກຍູ້ການພົວພັນມິດຕະພາບ, ການຮ່ວມມືລະຫວ່າງຫວຽດນາມ ແລະ ປະຊາຄົມສາກົນ.
ແລະກໍ່ໃນວັນດຽວກັນ, ຢູ່ນະຄອນຫຼວງວຽງຈັນ ສປປ.ລາວ, ສະຖານທູດຫວຽດນາມ ປະຈຳລາວ ໄດ້ຈັດງານລ້ຽງເພື່ອສະເຫຼີມສະຫຼອງວັນຊາດຫວຽດນາມ ຄົບຮອບ 75 ປີ.ກ່າວຄຳເຫັນນະທີ່ນີ້, ທ່ານເອກອັກຄະລັດຖະທູດ ຫງວຽນບາຮຸ່ງ ປາດຖະໜາວ່າ ບັນດາປະເທດ, ເພື່ອນມິດສາກົນຈະສືບຕໍ່ສະໜັບສະໜູນ ເພື່ອໃຫ້ສາຍພົວພັນລະຫວ່າງຫວຽດນາມ-ລາວ ພັດທະນາຢ່າງໝັ້ນຄົງ, ປະກອບສ່ວນຢ່າງຕັ້ງໜ້າໃຫ້ແກ່ສັນຕິພາບ, ສະຖຽນລະພາບ, ຄວາມສະຫງົບປອດໄພ ແລະ ການພັດທະນາຢູ່ອາຊີ.
 | ທົ່ວໂລກໄດ້ຢັ້ງຢືນມີຈຳນວນຜູ້ຕິດເຊື້ອພະຍາດ Covid – 19 ຫຼາຍກ່ວາ 24,6 ລ້ານຄົນ, ໃນນັ້ນມີ ຜູ້ເສຍຊີວິດ ຫຼາຍກ່ວາ 834.700 ຄົນ ສາມປະເທດໄດ້ຮັບຜົນກະທົບຢ່າງຮ້າຍແຮງທີ່ສຸດຈາກໂລກລະບາດ ລວມມີ ອາເມລິກາ, ບຣາຊິນ ແລະ ອິນເດຍ. |
 | ລັດເຊຍ ຕີລາຄາສູງບົດບາດຂອງຫວຽດນາມ ຢູ່ອົງການພາກພື້ນ ແລະ ສາກົນ ຍສໝ - ໂຄສົກກະຊວງການຕ່າງປະເທດລັດເຊຍ ໃຫ້ຮູ້ວ່າ: ຫວຽດນາມ ແມ່ນປະເທດທີ່ທັນສະໄໝ, ມີພື້ນຖານເສດຖະກິດພວມພັດທະນາຢ່າງຂະຫຍັນຂັນເຄື່ອນ, ເປັນສະມາຊິກທີ່ມີຄວາມຕັ້ງໜ້າຂອງຫຼາຍອົງການພາກພື້ນ ແລະ ສາກົນ. |
 | ພະຍາດ COVID-19: ພົນລະເມືອງຫວຽດນາມຈຳນວນເກືອບ 350 ຄົນຈາກເອີຣົບ ແລະ ອາຟຣິກກາໄດ້ກັບຄືນປະເທດຢ່າງປອດໄພ ຍສໝ - ໃນເວລາ 2 ມື້ແຕ່ວັນທີ 26 - 27 ສິງຫາ, ບັນດາອົງການທີ່ມີໜ້າທີ່ຫວຽດນາມ, ບັນດາສຳນັກງານຜູ້ຕາງໜ້າຫວຽດນາມຢູ່ເອີຣົບ ແລະ ອາຟຣິກກາ ພ້ອມກັບບໍລິສັດການບິນແຫ່ງຊາດຫວຽດນາມ ໄດ້ຮ່ວມມືກັບບັນດາອົງການທີ່ມີໜ້າທີ່ຂອງປະເທດທີ່ກ່ຽວຂ້ອງ ເພື່ອໄດ້ນຳສົ່ງພົນລະເມືອງຫວຽດນາມ ຈຳນວນເກືອບ 350 ຄົນກັບຄືນປະເທດຢ່າງປອດໄພ. |
ໄຊພອນ
