 |
ລາວ ຍາດໄດ້ 3 ຫຼຽນ ໃນສິງກະໂປໂອເພັນແຊັມປ້ຽນຊິບ 2019
ທັບນັກກີລາແລ່ນ-ລານທີມຊາດລາວ ຍາດມາໄດ້ 1 ຫຼຽນຄຳ 1 ຫຼຽນເງິນ 1 ຫຼຽນທອງ ລວມ 3 ຫຼຽນ ໃນການແຂ່ງຂັນກີລາແລ່ນ-ລານ ລາຍການ ສິງກະໂປ ໂອເພັນ ແຊັມປ້ຽນຊິບ 2019 ຢູ່ປະເທດສິງກະໂປ ຈັດຂຶ້ນວັນທີ 28-29 ມີນາ 2019 ເຊິ່ງ ທ່ານ ສິດທິໄຊ ສັກປະເສີດ ເລຂາທິການສະຫະພັນກີລາແລ່ນ-ລານແຫ່ງຊາດລາວ ທັງເປັນຄູເຝິກໃນລາຍການນີ້ ໄດ້ນຳພານັກກີລາແລ່ນ-ລານທີມຊາດລາວ 6 ຄົນ ເຂົ້າຮ່ວມລາຍການດັ່ງກ່າວ ໂດຍໄດ້ຮັບການສະໜັບສະໜຸນເຄື່ອງກີລາຈາກຮ້ານອີໂວສະຕໍ.
1 ຫຼຽນຄຳ 1 ໄດ້ຈາກນາງ ມັດ ທິນມະນາວ ລາຍການ ແກວ່ງຄ້ອນ ດ້ວຍສະຖິຕິ 33,8 ແມັດ 1 ຫຼຽນທອງ ຈາກ ແກວ່ງຈານ 1 ຫຼຽນເງິນ ຈາກນາງ ມະນີວັນ ຈັນທະວົງ ຈາກລາຍການແລ່ນຂ້າມຮົ້ວ 100 ແມັດຍິງ ດ້ວຍເວລາ 14,78 ວິນາທີ.
ການແຂ່ງຂັນຄັ້ງນີ້ ມີນັກກີລາເຂົ້າຮ່ວມ 13 ປະເທດໃນອາຊີ 23 ພາກສ່ວນຈາກສະຖາບັນການສຶກສາຕ່າງປະເທດ ແລະ ສະໂມສອນ ໂດຍແບ່ງເປັນ 2 ແບບ ຄື: ແບບລະດັບທີມຊາດ ແລະ ແບບລະດັບສະໂມສອນ ຈາກຜົນງານດັ່ງກ່າວ ເຮັດໃຫ້ທີມຊາດລາວ ໄດ້ອັນດັບ 9 ຈາກ 13 ປະເທດ.
（ແຫຼ່ງຂໍ້ມູນ： vientianemai.net）
