 |
ນັກສຶກສາລາວ ແລະກໍາປູເຈຍ ພ້ອມກັນປະຕິບັດພິທີຕ້ອນຮັບປີໃໝ່. (ພາບ: ກົງເຫງ້ຍ)
ປະຈຸບັນ, ໃນບໍລິເວນແຂວງດົ່ງນາຍ ມີນັກສຶກສາສອງປະເທດ 84 ຄົນ ພວມຮໍ່າຮຽນຢູ່ມະຫາວິທະຍາໄລ, ວິທະຍາໄລຕ່າງໆ. ການນໍາແຂວງດົ່ງນາຍ ຍາມໃດກໍສ້າງເງື່ອນໄຂອໍານວຍຄວາມສະດວກ ແລະເບິ່ງແບງດູແລຢ່າງຮອບຄອບຖີ່ຖ້ວນທັງດ້ານວັດຖຸ, ຈິດໃຈໃຫ້ບັນດານັກສຶກສາປະເທດເພື່ອນມິດ.
ທີ່ງານພົບປະສັງສັນ, ຫົວໜ້າກົງສູນໃຫຍ່ລາວ ແລະກໍາປູເຈຍ ໄດ້ສະແດງຄວາມຂອບອົກຂອບໃຈຢ່າງເລິກເຊິ່ງຕໍ່ອໍານາດການປົກຄອງ, ປະຊາຊົນແຂວງດົ່ງນາຍ ແລະມະຫາວິທະຍາໄລ, ວິທະຍາໄລຕ່າງໆຂອງແຂວງດົ່ງນາຍທີ່ໄດ້ໜູນຊ່ວຍນັກສຶກສາຮໍ່າຮຽນເພື່ອກັບເມືອປະເທດອຸທິດຄວາມຮູ້ປັນຍາ, ກໍາລັງໜຸ່ມກໍ່ສ້າງບ້ານເກີດເມືອງນອນ, ເພີ່ມພູນຄູນສ້າງສາຍພົວພັນຫວຽດນາມ-ລາວ, ຫວຽດນາມ-ກໍາປູເຈຍ ໃຫ້ນັບມື້ນັບໝັ້ນແກ່ນ. ເນື່ອງໃນໂອກາດນີ້, ສະມາຄົມນັກສຶກສາແຂວງດົ່ງນາຍ ໄດ້ເປີດຕົວສະໂມສອນ “ຮ່ວມແມ່ນໍ້າຂອງ” ເພື່ອເຕົ້າໂຮມ, ສາມັກຄີນັກສຶກສາ ຫວຽດນາມ-ລາວ-ກໍາປູເຈຍ, ໜູນຊ່ວຍກັນໃນການຮໍ່າຮຽນ, ປະຕິບັດງານ.
（ແຫຼ່ງຂໍ້ມູນ： ໄຊນີດາ/ກປ.ອອນໄລ）
