 | ||||
| ພາບປະກອບ |
ການພົວພັນຄູ່ຮ່ວມມືຍຸດທະສາດລະຫວ່າງ ຫວຽດນາມ ແລະ ຝລັ່ງ ບັນລຸໄດ້ບັນດາຄວາມຄືບໜ້າທີ່ຕັ້ງໜ້າ. ບໍ່ພຽງແຕ່ໃນຂົງເຂດການເມືອງ, ການພົວພັນລະຫວ່າງ ຫວຽດນາມ - ຝລັ່ງໄດ້ຮັບການປັດປຸງເທົ່ານັ້ນ ຫາກຍັງເປີດກ້ວາງໃນຂົງເຂດເສດຖະກິດ, ການຮ່ວມມືລະຫວ່າງ ບັນດາທ້ອງຖິ່ນ ແລະ ການທູດປະຊາຊົນອີກດ້ວຍ.
ການຮ່ວມມືດ້ານເສດຖະກິດ ພັດທະນາຢ່າງແຮງ
ການຮ່ວມມືດ້ານເສດຖະກິດແມ່ນຂົງເຂດບັນລຸໄດ້ຫຼາຍຂີດໝາຍໃນການພົວພັນສອງຝ່າຍລະຫວ່າງ ຫວຽດນາມ - ຝລັ່ງ. ວົງເງິນການຄ້າສອງສົ້ນລະຫວ່າງ ຫວຽດນາມ - ຝລັ່ງໄດ້ເພີ່ມຂຶ້ນທົບ 3 ເທົ່າ ແຕ່ ປະມານ 1,6 ຕື້ USD ໃນປີ 2009 ຂຶ້ນເຖິງ 5,3ຕື້ USD ໃນປີ 2019 (ຢືນຢູ່ອັນດັບທີ 3 ຢູ່ເອີລົບ ຖັດຈາກ ເຢຍລະມັນ ແລະ ໂຮນລັງ). ກ່ຽວກັບການຮ່ວມມືໂດຍກົງ ໄລ່ໝົດເດືອນພຶດສະພາ ປີ 2020, ຝລັ່ງ ມີ 588 ໂຄງການລົງທຶນຢູ່ຫວຽດນາມ ດ້ວຍຍອດເງິນລົງທຶນແມ່ນ 3,56 ຕື້ USD, ຢືນຢູ່ອັນດັບທີ 2 ໃນຈຳນວນບັນດານັກລົງທຶນເອີລົບ ຢູ່ຫວຽດນາມ (ຫຼັງຈາກໂຮນລັງ).
ໃນສະພາບການໂລກລະບາດ Covid – 19 ພວມມີການຜັນແປຢ່າງຮ້າຍແຮງໃນທົ່ວໂລກ, ເພື່ອສ້າງເງື່ອນໄຂຊຸກຍູ້ການຄ້າ, ຫວ່າງແລ້ວນີ້, ຫວຽດນາມ, ຝລັ່ງ ແລະ EU ໄດ້ສົມທົບກັນຈັດຕັ້ງກອງປະຊຸມທາງອອນລາຍ ກ່ຽວກັບສັນຍາການຄ້າເສລີ ລະຫວ່າງ ຫວຽດນາມ - ສະຫະພາບເອີລົບ (EVFTA). ກອງປະຊຸມໄດ້ຊ່ວຍໃຫ້ບັນດາວິສາຫະກິດຝລັ່ງ ສຳຜັດກັບບັນດານະໂຍບາຍການຄ້າ ແລະ ການລົງທຶນຂອງຫວຽດນາມ ທີ່ມີຜົນສັກສິດ ພາຍຫຼັງ ສັນຍາ EVFTA ເຂົ້າການປະຕິບັດ, ບັນດາຂໍ້ມູນຂ່າວສານກ່ຽວກັບການຕະຫຼາດທີ່ເຕັມໄປດ້ວຍຄວາມສາມາດບົ່ມຊ້ອນດ້ວຍພົນລະເມືອງ 100 ລ້ານຄົນ ແລະ ແມ່ນປະຕູເຂົ້າອອກຂອງພາກພື້ນອາຊຽນ ດ້ວຍພົນລະເມືອງ 600 ລ້ານຄົນ.
ໃນເສດຖະກິດ, ການຮ່ວມມືລະຫວ່າງບັນດາທ້ອງຖິ່ນສອງປະເທດນັບມື້ນັບກາຍເປັນເຈົ້າພາບສຳຄັນ, ມີຜົນສະທ້ອນ ແລະ ບົດບາດໃຫຍ່ຕໍ່ບັນດາວິສາຫະກິດສອງປະເທດ. ອາດເວົ້າໄດ້ວ່າ, ຮູບແບບການຮ່ວມມືນີ້ມີຂອບຂະໜາດໃຫຍ່ທີ່ສຸດ, ມີກົນໄກດີທີ່ສຸດໃນຕາໜ່າງຮ່ວມມືທ້ອງຖິ່ນລະຫວ່າງ ຫວຽດນາມ ແລະ ຕ່າງປະເທດ. ຜ່ານການຮ່ວມມືຂັ້ນທ້ອງຖິ່ນ, ມີຫຼາຍໂຄງການລະອຽດໃນຫຼາຍຂົງເຂດໄດ້ຮັບການຜັນຂະຫຍາຍ ແລະ ນຳມາເຊິ່ງໝາກຜົນທີ່ຕັ້ງໜ້າ.
ການທູດປະຊາຊົນ, ການຮ່ວມມືຂັ້ນທ້ອງຖິ່ນ ບັນລຸໄດ້ຫຼາຍຂີດໝາຍສຳຄັນ
ໃນໄລຍະ 47 ປີທີ່ຜ່ານມາ, ການທູດປະຊາຊົນລະຫວ່າງ ສອງປະເທດມີການພັດທະນາຢ່າງແຮງ, ໂດຍແມ່ນຈຸດພົ້ນເດັ່ນຂອງການພົວພັນລະຫວ່າງ ຫວຽດນາມ - ຝລັ່ງ. ມີການການສອບເສັງຊອກຫາຄວາມຮູ້ກ່ຽວກັບປະເທດຝລັ່ງ, ງານມາໂຫລານສະແດງສີລະປະພາສາຝລັ່ງ ໄດ້ຮັບການຈັດຕັ້ງຂຶ້ນໃນວົງການໄວໜຸ່ມຫວຽດນາມ ເພື່ອແນໃສ່ຊ່ວຍໃຫ້ຊາວຫວຽດນາມມີຄວາມເຂົ້າໃຈຫຼາຍກ່ວາກ່ຽວກັບຈຸດທີ່ເປັນເອກະລັກສະເພາະຂອງວັດທະນະທຳຝລັ່ງ.
ກໍ່ໃນການທູດປະຊາຊົນທີ່ຜ່ານມາ, ມີອົງການ, ອົງການຈັດຕັ້ງ, ສ່ວນບຸກຄົນຫວຽດນາມ ໄດ້ໜູນຊ່ວຍວັດຖຸ, ອຸປະກອນການແພດ (ຜ້າອັດປາກ - ດັງ, ຊຸກປ້ອງກັນເຊື້ອ…) ໃຫ້ແກ່ປະຊາຊົນຝລັ່ງໃນການຕ້ານໂລກລະບາດ Covid – 19. ທ່ານ ກົງສູນໃຫຍ່ຝລັ່ງປະຈຳ ນະຄອນໂຮ່ຈີມິນ ໄດ້ຕີລາຄາການກະທຳອັນສູງສົ່ງນີ້ຂອງປະຊາຊົນຫວຽດນາມ ພ້ອມທັງຢັ້ງຢືນວ່າຈະຊຸກຍູ້ການຮ່ວມມືລະຫວ່າງ ຝລັ່ງ - ຫວຽດນາມໃຫ້ຫຼາຍກ່ວາອີກ…
ຝລັ່ງ ແລະ ຫວຽດນາມໄດ້ຜ່ານຜ່າຫຼາຍໄລຍະ ທີ່ຂຶ້ນໆລົງໆຂອງປະຫວັດສາດ, ພ້ອມກັນຜ່ານຜ່າຄວາມຂັດແຍ້ງກັນເພື່ອກາຍເປັນເພື່ອນມິດທີ່ດີ ແລະ ມີຄວາມໄວ້ເນື້ອເຊື່ອໃຈສູງ. ປັດຈຸບັນ, ການພົວພັນນີ້ສືບຕໍ່ໄດ້ຮັບການເພີ່ມພຸນຄຸນສ້າງຈາກທັງສອງປະເທດ ຕາມລັກສະນະການພົວພັນຄູ່ຮ່ວມມືຍຸດທະສາດ.
 | ກອງປະຊຸມສຳມະນາທາງອອນລາຍກ່ຽວກັບ EVFTA: ກາລະໂອກາດໃດໃຫ້ແກ່ວິສາຫະກິດຝລັ່ງ ຍສໝ - ທີ່ກອງປະຊຸມ, ທ່ານ ເຈິ່ນຕວັນແອັງ ລັດຖະມົນຕີກະຊວງອຸດສາຫະກຳ ແລະ ການຄ້າໄດ້ຍົກອອກບາງມາດຕະການເພື່ອແນໃສ່ຍາດແຍ່ງທ່າແຮງໃຫ້ດີທີ່ສຸດ, ຜ່ານຜ່າບັນດາຄວາມຫຍຸ້ງຍາກໃນປັດຈຸບັນ, ໃນນັ້ນໄດ້ສະເໜີໃຫ້ 2 ຝ່າຍສືບຕໍ່ຮ່ວມມືໃນບັນດາຂົງເຂດທີ່ເປັນທ່າແຮງຂອງຝລັ່ງຄື: ພະລັງງານ, ເຕັກໂນໂລຢີສູງ, ກະສິກຳ, ປຸ່ງແຕ່ງ… |
 | ປະທານສະພາແຫ່ງຊາດຫວຽດນາມໃຫ້ການຕ້ອນຮັບເອກອັກຄະລັດຖະທູດກຳປູເຈຍ ປະຈຳຫວຽດນາມ ຍສໝ - ທ່ານນາງ ຫງວຽນທິກິມເງິນ ກໍ່ສະເໜີໃຫ້ທ່ານເອກອັກຄະລັດຖະທູດມີຄວາມເອົາໃຈໃສ່ເຖິງການຊຸກຍູ້ແກ້ໄຂບັນດາຄວາມຫຍຸ້ງຍາກ, ຂໍ້ຕິດຂັດຂອງປະຊາຄົມຊາວຫວຽດນາມອາໄສຢູ່ກຳປູເຈຍ ເພື່ອໃຫ້ພໍ່ແມ່ປະຊາຊົນມີມີຄວາມສະຖຽນລະພາບໃນການດຳລົງຊີວິດ, ປະກອບສ່ວນເຂົ້າການພັດທະນາຂອງກຳປູເຈຍ. |
 | ປະທານສະພາແຫ່ງຊາດຫວຽດນາມໃຫ້ການຕ້ອນຮັບເອກອັກຄະລັດຖະທູດຍີ່ປຸ່ນ ປະຈຳຫວຽດນາມ ຍສໝ - ທ່ານ Yamada Takio ເອກອັກຄະລັດຖະທູດຍີ່ປຸ່ນໄດ້ສະແດງຄວາມຊົບເຊີຍຕໍ່ເລື່ອງຫວຽດນາມໄດ້ປ້ອງກັນ, ສະກັດກັ້ນໂລກລະລາດ Covid – 19 ໄດ້ເປັນຢ່າງດີ, ແລະ ຖືວ່າ ພາຍຫຼັງ ຜົນສຳເລັດດັ່ງກ່າວ, ບັນດານັກລົງທຶນໃນທົ່ວໂລກຈະມີຄວາມເອົາໃຈໃສ່ເຖິງການມາລົງທຶນຢູ່ຫວຽດນາມ. |
ບຸນຄົງ
