 |
| ປະທານໂຮ່ຈີມິນ ຢ້ຽມຢາມສະຫະພັນມຽນມາໃນເດືອນກຸມພາ ປີ 1958 (ພາບ: TTXVN) |
ປີ 2020, ຫວຽດນາມ ແລະ ມຽນມາ ສະເຫຼີມສະຫຼອງ 45 ປີ ແຫ່ງວັນສ້າງຕັ້ງການພົວພັນທາງການທູດຢ່າງເປັນທາງການ. ນີ້ແມ່ນຂີດໝາຍສຳຄັນທີ່ສຸດໃນການພົວພັນລະຫວ່າງສອງປະເທດ.
ຫວຽດນາມ ແລະ ມຽນມາໄດ້ສ້າງຕັ້ງສາຍພົວພັນທາງການທູດຢ່າງເປັນທາງການໃນປີ 1975. ທັນທີພາຍຫຼັງທີ່ທັງສອງປະເທດໄດ້ຮັບເອກະລາດ, ປະທານ ໂຮ່ຈີມິນ ແລະ ທ່ານ Aung San ໄດ້ມີຄວາມເອົາໃຈໃສ່ເຖິງການສ້າງຕັ້ງ ແລະ ເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອລະຫວ່າງສອງຊາດ.
ຫວຽດນາມ ໄດ້ເປີດຫ້ອງການປະສານງານຢູ່ນະຄອນຫຼວງ Yangon ນັບແຕ່ປີ 1947 ເປັນຕົ້ນມາ. ປະທານາທິບໍດີ U Nu ໄດ້ມາຢ້ຽມຢາມຫວຽດນາມໃນປີ 1954 ແລະ ປະທານໂຮ່ຈີມິນ ໄດ້ໄປຢ້ຽມຢາມມຽນມາ ໃນປີ 1958, ວາງພື້ນຖານອັນໜັກແໜ້ນ ໃຫ້ແກ່ການພົວພັນສອງຝ່າຍ.
ໃນຕະຫຼອດ 4 ທົດສະວັດທີ່ຜ່ານມາ, ສາຍພົວພັນລະຫວ່າງຫວຽດນາມ ແລະ ມຽນມາ ຍາມໃດກໍ່ສະໜິດສະ ໜົມ, ຊື່ສັດ ແລະ ນັບມື້ນັບເຂັ້ມແຂງ, ເລິກເຊິ່ງ ແລະ ໜັກແໜ້ນ; ໜຶ່ງໃນບັນດາຂີດໝາຍ ແມ່ນການສ້າງຕັ້ງການພົວພັນຄູ່ຮ່ວມມືຮອບດ້ານໃນປີ 2017.
 |
| ທ່ານ Win Myint ປະທານາທິບໍດີມຽນມາ ແລະ ທ່ານຫງວຽນຊວນຟຸກ ນາຍົກລັດຖະມົນຕີ ຫວຽດນາມ ໃນການຢ້ຽມຢາມມຽນມາ (ພາບ: VGP) |
ຄວາມໄວ້ເນື້ອເຊື່ອໃຈດ້ານການເມືອງນັບມື້ນັບຮັດແໜ້ນ ດ້ວຍການແລກປ່ຽນຄະນະຜູ້ແທນລະດັບສູງ ພ້ອມທັງຮັກສາກົນໄກການຮ່ວມມືສອງຝ່າຍຢ່າງມີປະສິດທິຜົນ. ໃນຊຸມປີມໍ່ໆມານີ້, ເນື່ອງຈາກວ່າທັງສອງປະເທດໄດ້ດຳເນີນການປະຕິຮູບ, ການປ່ຽນແປງໃໝ່ ແລະການຈັດຕັ້ງປະຕິບັດນະໂຍບາຍການຕ່າງປະເທດທີ່ເປີດກວ້າງ, ການຢ້ຽມຢາມລະດັບສູງ ລະຫວ່າງສອງປະເທດນັບມື້ນັບຫຼາຍຂື້ນເລື້ອຍໆ.
ຫວຽດນາມແມ່ນໜຶ່ງໃນ 10 ຄູ່ຮ່ວມມືການຄ້າໃຫຍ່ຂອງມຽນມາດ້ວຍວົງເງິນການຄ້າສອງສົ້ນເພີ່ມຂຶ້ນຢ່າງໄວວາຈາກ 152 ລ້ານ ໂດລາສະຫະລັດ ໃນປີ 2010 ມາເປັນ 1,05 ຕື້ໂດລາສະຫະລັດ ໃນປີ 2019, ໂດຍປະຕິບັດສຳເລັດຄາດໝາຍ 1 ຕື້ໂດລາສະຫະລັດ ທີ່ກຳນົດໄວ້ໃນປີ 2020.
ການຮ່ວມມືດ້ານອື່ນໆເຊັ່ນ: ຄວາມໝັ້ນຄົງ, ການປ້ອງກັນປະເທດ, ກະສິກຳ, ໂທລະຄົມມະນາຄົມ, ພະລັງງານ, ການທ່ອງທ່ຽວ, ການສຶກສາ, ວັດທະນະທຳ … ລ້ວນແຕ່ເຫັນໄດ້ໃນທາງບວກ.
ບໍ່ພຽງແຕ່ໃນຂອບສອງຝ່າຍເທົ່ານັ້ນ, ຫວຽດນາມ ແລະ ມຽນມາ ຍັງຮ່ວມມື, ປະສານສົມທົບກັນຢ່າງ ແໜ້ນແຟ້ນໃນບັນດາເວທີປາໄສສາກົນຕ່າງໆ, ພິເສດແມ່ນໃນຂອບເຂດອາຊຽນ, ບັນດາກົນໄກອະນຸພາກພື້ນຢູ່ອາຊີຕາເວັນອອກສ່ຽງໃຕ້, ສະຫະປະຊາຊາດ...
 |
| ທ່ານຟ້າມບິ່ງມິງ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ແລະ ທ່ານ U Kyaw Tin ລັດຖະມົນຕີວ່າການກະຊວງການຮ່ວມມືສາກົນ (ພາບ: Baoquocte) |
ສອງປະເທດມີຄວາມສົນໃຈຮ່ວມກັນຫຼາຍຢ່າງ ແລະ ມີວິໄສທັດຮ່ວມກັນໃນບັນຫາພາກພື້ນ ແລະ ສາກົນ, ລວມທັງບັນດາບັນຫາຂອງແຕ່ລະປະເທດເຊັ່ນ: ການຮັກສາເອກະລາດ, ການເຊື່ອມໂຍງເຂົ້າກັບສາກົນ, ປະກອບສ່ວນຢ່າງຕັ້ງໜ້າເຂົ້າໃນບັນດາຄວາມມານະພະຍາຍາມລວມເພື່ອສັນຕິພາບ, ສະຖຽນລະພາບ, ການຮ່ວມມື ແລະ ການພັດທະນາຂອງພາກພື້ນ ແລະ ໃນໂລກ.
ດ້ວຍຄວາມໄວ້ເນື້ອເຊື່ອໃຈດ້ານການເມືອງ, ດ້ວຍຄວາມເຫັນດີເຫັນພ້ອມ ແລະ ຄວາມມານະພະຍາຍາມ ຂອງຜູ້ນຳ ແລະ ປະຊາຊົນຂອງສອງປະເທດ, ພ້ອມກັບບັນດາຄວາມສາມາດບົ່ມຊ້ອນ ແລະ ກຳລັງແຮງທີ່ສາມາດປະກອບສ່ວນໃຫ້ກັນ ແລະ ກັນ, ການພົວພັນຫວຽດນາມ - ມຽນມາ ຈະສືບຕໍ່ພັດທະນາ ແລະ ບັນລຸໄດ້ບັນດາໝາກຜົນທີ່ສຳຄັນຍິ່ງກ່ວາອີກໃນທຸກຂົງເຂດໃນໄລຍະຈະມາເຖິງ, ນຳມາເຊິ່ງຜົນປະໂຫຍດຕົວຈິງໃຫ້ແກ່ປະຊາຊົນສອງປະເທດ, ຄວາມສາມັກຄີ, ຄວາມເປັນເອກະພາບ ແລະ ການພັດທະນາຂອງປະຊາຄົມອາຊຽນກໍ່ຄືສັນຕິພາບ, ຄວາມຈະເລີນຮຸ່ງເຮືອງ ແລະ ການຮ່ວມມືໃນພາກພື້ນ ແລະ ໃນໂລກ.
 | ລັດຖະມົນຕີອິນໂດເນເຊຍ: ສະຕິປະຕິບັດລະບຽບວິໄນຂອງຊາວຫວຽດນາມ ແມ່ນຂໍ້ກຸນແຈພາໄປເຖິງຜົນສໍາເລັດໃນການຮັບມືກັບພະຍາດໂຄວິດ-19 ຍສໝ - ທ່ານ Airlangga Hartarto ລັດຖະມົນຕີປະສານງານເສດຖະກິດອິນໂດເນເຊຍ ຖືວ່າ ອິນໂດເນເຊຍ ຍາກທີ່ຈະປະຕິບັດໄດ້ບັນດາມາດຕະການຄືຫວຽດນາມ ຍ້ອນຫຼາຍບັນຫາ, ລະອຽດແມ່ນ “ສະຕິປະຕິບັດລະບຽບວິໄນຂອງວົງຄະນະຍາດ”. |
 | ປະຕິຮູບລະບຽບການບໍລິຫານ ຊ່ວຍໃຫ້ວິສາຫະກິດຟື້ນຟູການຜະລິດ, ດຳເນີນທຸລະກິດພາຍຫຼັງໂລກລະບາດໂຄວິດ- 19 ຍສໝ - ຕອນບ່າຍວັນທີ 26 ພຶດສະພາ, ຢູ່ຮ່າໂນ້ຍ, ສະພາໃຫ້ຄຳປຶກສາການປະຕິຮູບລະບຽບການບໍລິຫານຂອງນາຍົກລັດຖະມົນຕີ ໄດ້ສົມທົບກັບສະຫະສະມາຄົມວິສາຫະກິດຂະໜາດກາງ ແລະ ນ້ອຍຫວຽດນາມ, ອົງການພັດທະນາສາກົນອາເມລິກາ ໄດ້ຈັດກອງປະຊຸມ “ປະກອບແນວຄວາມຄິດກ່ຽວກັບການປະຕິຮູບລະບຽບການບໍລິຫານ ຊ່ວຍໃຫ້ວິສາຫະກິດຟື້ນຟູການຜະລິດ, ດຳເນີນທຸລະກິດພາຍຫຼັງໂລກລະບາດໂຄວິດ- 19”. |
 | ນະຄອນໂຮ້ຍອານ ແຂວງກວາງນາມ ສສ.ຫວຽດນາມ ເຂົ້າບັນຊີລາຍຊື່ 10 ນະຄອນງາມສຸດຍອດຢູ່ໂລກປີ 2020. ຍສໝ - ນີ້ແມ່ນຜົນຂອງການສໍາຫຼວດປະຈໍາປີຂອງວາລະສານກ່ຽວກັບການທ່ອງທ່ຽວຂອງເພື່ອນຜູ້ອ່ານກ່ຽວກັບບັນດານະຄອນທີ່ເຂົາເຄີຍມາຢ້ຽມຢາມ. |
ໄຊພອນ
