ໂດຍປະເຊີນໜ້າກັບການພັດທະນາທີ່ສັບສົນຂອງການລະບາດ Covid-19, ສະຖາບັນສຸຂະພາບອາຊີບ ແລະ ສິ່ງແວດລ້ອມຮ່ວມກັບມະຫາວິທະຍາໄລສັບພະວິຊາຮ່າໂນ້ຍ ໄດ້ອອກແບບ ແລະ ຜະລິດຫ້ອງຂະຈັດເຊື້ອທົ່ວຕົນຕົວທີ່ເຄື່ອນຍ້າຍໄດ້ ຢ່າງປະສົບຜົນສຳເລັດ ໂດຍນຳໃຊ້ສານເຄມີ ion ແລະ ຫ້ອງຫຼຸດຜ່ອນເຊື້ອໃຊ້ຄວາມຮ້ອນໂອໂຊນ. ປະຈຸບັນ, ຫ້ອງຂະຈັດເຊື້ອທົ່ວຕົນຕົວ ໄດ້ກຳລັງຕິດຕັ້ງຢູ່ປະຕູສະຖາບັນສຸຂະພາບອາຊີບ ແລະ ສິ່ງແວດລ້ອມ.
 |
ຫວຽດນາມ ໄດ້ຜະລິດຫ້ອງຂະຈັດເຊື້ອທົ່ວຕົນຕົວທີ່ເຄື່ອນຍ້າຍໄດ້ ເພື່ອປ້ອງກັນການລະບາດຂອງ Covid-19. (ພາບ: thanhnien.vn)
ພາຍໃນຫ້ອງຂະຈັດເຊື້ອ, ມີລະບົບຂ້າເຊື້ອແມ່ນອີງໃສ່ຫຼັກການໃນການນຳໃຊ້ທາດລະລາຍເກືອ ຢ່າງແລກປ່ຽນອີອົງ (Anolyte) ໃນຮູບແບບນ້ຳຄ້າງ ເພື່ອສີດເຂົ້າຮ່າງກາຍທັງໝົດ ໂດຍອັດຕະໂນມັດເພື່ອຂ້າເຊື້ອໂລກດ້ານຮ່າງກາຍຢ່າງວ່ອງໄວ. ຫ້ອງຂະຈັດເຊື້ອ ປະສົມປະສານກັບເຄື່ອງດັດປັບທີ່ຕິດຕັ້ງພາຍໃນຫ້ອງ, ມັນຈະເຮັດໃຫ້ຂັ້ນຕອນການສີດພົ່ນຂ້າເຊື້ອໂລກໂດຍອັດຕະໂນມັດ ເມື່ອກວດພົບຄົນທີ່ຜ່ານ.
ນັບແຕ່ມື້ນີ້ເປັນຕົ້ນໄປ, ບັນດາກຳມະກອນ ແລະ ນັກທ່ອງທ່ຽວທຸກຄົນ ທີ່ມາທີ່ນີ້ຕ້ອງໄດ້ຜ່ານຫ້ອງຂະຈັດເຊື້ອທົ່ວຕົນຕົວ. ວຽກງານນີ້ໄດ້ຮັບຄວາມເຫັນອົກເຫັນໃຈຫຼາຍຈາກພະນັກງານ, ເພາະສະຖາບັນໄດ້ສະແດງຄວາມເອົາໃຈໃສ່ຕໍ່ບັນຫາສຸຂະພາບທົ່ວໄປຂອງພະນັກງານ ແລະ ຊຸມຊົນ.
ອີງຕາມໜ່ວຍງານຄົ້ນຄວ້າ ແລະ ຜະລິດ, ຜົນຂອງການທົດສອບກ່ຽວກັບຕົວຢ່າງດ້ານຈຸນລະຊີວິນຂອງມະນຸດ ໄດ້ສະແດງໃຫ້ເຫັນວ່າ ເຊື້ອແບັກທີເຣັຍຫຼາຍກວ່າ 90% ໃນຮ່າງກາຍ, ເຄື່ອງນຸ່ງ ... ຖືກຖອດອອກຫຼັງຈາກຜ່ານເຂົ້າໄປໃນຫ້ອງຂະຈັດເຊື້ອ.
（ຄຳຮຸ່ງ）
