ໃນການໂອ້ລົມສົນທະນາ, ທ່ານນາງ ເອກອັກຄະລັດຖະທູດ ເລຖິຕວຽດມາຍ ໄດ້ຊົມເຊີຍຜູ້ອຳນວຍການໃຫຍ່ WIPO, ທ່ານ Francis Gurry ທີ່ໄດ້ປະກອບສ່ວນຢ່າງຕັ້ງໜ້າເຂົ້າໃນວຽກງານຂອງ WIPO ແລະ ສະແດງຄວາມຂອບໃຈຕໍ່ການສະໜັບສະໜູນຂອງ WIPO ແລະ ການສະໜັບສະໜູນຢ່າງຕັ້ງໜ້າຂອງຜູ້ອຳນວຍການໃຫຍ່ ອົງການ WIPO ສຳລັບຫວຽດນາມ, ໂດຍສະເພາະ ໃນການພັດທະນາ ແລະ ສຳເລັດລະບົບກົດໝາຍຂອງຊັບສິນທາງປັນຍາ (IP), ການຝຶກອົບຮົມຊັບພະຍາກອນມະນຸດ ແລະ ໂຄງການຊ່ວຍເຫຼືອດ້ານເຕັກນິກ ກ່ຽວກັບການພັດທະນາສະພາບແວດລ້ອມແຫ່ງການຊັບສິນທາງປັນຍາ ແລະ ຍົກສູງຄວາມຮັບຮູ້ຂອງປະຊາຊົນກ່ຽວກັບຊັບສິນທາງປັນຍາ.

ທ່ານນາງ ເອກອັກຄະລັດຖະທູດ ເລຖິຕວຽດມາຍ ແລະ ທ່ານ Francis Gurry ຜູ້ອຳນວຍການໃຫຍ່ ຂອງ WIPO. (ພາບ: baoquocte)

ສ່ວນທ່ານຜູ້ອຳນວຍການໃຫຍ່ Francis Gurry ໄດ້ຕີລາຄາສູງການຮ່ວມມືລະຫວ່າງ WIPO ແລະຫວຽດນາມ ໃນໄລຍະຜ່ານມາ, ຊົມເຊີຍບັນດາຜົນງານຂອງ ຫວຽດນາມ ໃນ IP ແລະ ບັນດາໝາກ ຜົນເບື້ອງຕົ້ນ ຂອງບັນດາໂຄງການໜູນຊ່ວຍດ້ານເຕັກນິກຂອງ WIPO ສຳລັບຫວຽດນາມ.

ທ່ານ Francis Gurry ກ່າວວ່າ, ໃນສະພາບການດ້ານວິທະຍາສາດ ແລະ ເຕັກໂນໂລຢີກໍ່ຄື IP ແມ່ນ ກຳລັງພັດທະນາຢ່າງໄວວາ, ມີບົດບາດສຳຄັນເພີ່ມຂື້ນຕໍ່ການພັດທະນາເສດຖະກິດ - ສັງຄົມຂອງບັນດາປະເທດ, ການເຄື່ອນໄຫວແລກປ່ຽນປະດິດສ້າງໃໝ່ ແລະ ການປົກປ້ອງສິດຊັບສິນທາງປັນຍາແມ່ນມີຄວາມສຳຄັນຫຼາຍຂຶ້ນ, ມີໂອກາດຫຼາຍຢ່າງ ແຕ່ກໍ່ຍັງມີສິ່ງທ້າທາຍໃຫຍ່ຫຼວງຫຼາຍຢ່າງ.

ນອກຈາກນັ້ນ, ຜູ້ອຳນວຍການໃຫຍ່ Francis Gurry ຍັງໄດ້ສະແດງຄວາມຍິນດີຕໍ່ການປະກອບສ່ວນຂອງຫວຽດນາມ ທີ່ມີຕໍ່ WIPO ໃນຖານະເປັນປະທານ WIPO 2028-2019 ແລະສະແດງຄວາມຫວັງວ່າ ຫວຽດນາມ ຈະສືບຕໍ່ມີການປະກອບສ່ວນທີ່ດີໃຫ້ແກ່ WIPO.

（ຄຳຮຸ່ງ）