 |
ທ່ານ ຟ້າມບິ່ງມິງ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ.(ພາບ: thegioi)
ທີ່ກອງປະຊຸມ, ທ່ານຮອງນາຍົກລັດຖະມົນຕີ ຟ້າມບິ່ງມິງ ຖືວ່າ ການຮ່ວມມື MLC ຄວນມຸ່ງໄປເຖິງການຍົກສູງກຳລັງຄວາມສາມາດຕ້ານທານຂອງພື້ນຖານເສດຖະກິດ ຕໍ່ໜ້າບັນດາການຜັນປ່ຽນ ແລະ ການຂາດສະຖຽນລະພາບຍາກທີ່ຈະຄາດຄະເນໄດ້ ສຸມແຫຼ່ງກຳລັງໃຫ້ບັນດາຂົງເຂດມີຄວາມສ່ຽງສູງກ່ວາໝູ່ ແລະ ມີຄວາມໝາຍສຳຄັນຕໍ່ການພັດທະນາເສດຖະກິດບັນດາປະເທດສະມາຊິກ. ລະອຽດ: ການຮ່ວມມືກະສິກຳສຸມໃສ່ຍົກສູງກຳລັງຄວາມສາມາດດ້ານເຕັກໂນໂລຢີໃຫ້ບັນດາວິສາຫະກິດ ແລະ ປົວແປງລັກສະນະສະຖຽນລະພາບ ແລະ ຄວາມເຊື່ອໝັ້ນ ຂອງທ້ອງຕະຫຼາດທາງສົ້ນອອກໃຫ້ຜະລິດຕະພັນກະສິກຳ; ສະພາບການໄພແຫ້ງແລ້ງນັບມື້ນັບຮ້າຍແຮງຢູ່ຍ່ານລຸ່ມແມ່ນ້ຳຂອງ ຮຽກຮ້ອງໃຫ້ບັນດາປະເທດແຄມແມ່ນ້ຳຕ້ອງມີການກະທຳຢ່າງຂ້ຽວຂາດເພື່ອຮັບປະກັນການພັດທະນາແບບຍືນຍົງຂອງແມ່ນ້ຳ. ທ່ານ ຟ້າມບິ່ງມິງ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ຢັ້ງຢືນເຖິງການປະກອບສ່ວນຢ່າງມີປະສິດທິຜົນຂອງ ຫວຽດນາມໃນການຮ່ວມມື MLC, ພ້ອມທັງເນັ້ນໜັກວ່າກົນໄກນີ້ ຕ້ອງປະກອບສ່ວນປັບປຸງການສົມທົບລະຫວ່າງບັນດາປະເທດໃນການແກ້ໄຂບັນດາສິ່ງທ້າທາຍລວມຂອງພາກພື້ນ ແລະ ນຳເອົາຜົນປະໂຫຍດຍາວນານ ມາໃຫ້ປະຊາຊົນ.
ກອງປະຊຸມຄັ້ງນີ້ ຍັງໄດ້ປຶກສາຫາລືທິດທາງການຮ່ວມມືໃນຕໍ່ໜ້າ ເພື່ອເພີ່ມທະວີຂອບການຮ່ວມມືແມ່ ນ້ຳຂອງ-ແມ່ນ້ຳລ້ານຊ້າງ ກ້າວໄປສູ່ລວງເລິກ ແລະ ລວງກວ້າງ ກໍຄື ການຂະຫຍາຍການຮ່ວມມືໄປສູ່ຂົງ ເຂດອື່ນ ທີ່ມີຄວາມຈຳເປັນ ແລະ ເໝາະສົມ ເປັນຕົ້ນ ຂົງເຂດສາທາລະນະສຸກ ແລະ ສຶກສາ ພ້ອມນີ້ ສປ ຈີນ ຍັງໄດ້ປະກາດອະນຸມັດໂຄງການງວດໃໝ່ ປະຈຳປີ 2020 ພາຍໃຕ້ກອງທຶນພິເສດແມ່ນ້ຳຂອງ-ແມ່ນ້ຳລ້ານຊ້າງ 152 ໂຄງການ ເພື່ອສືບຕໍ່ຈັດຕັ້ງປະຕິບັດຢູ່ປະເທດສະມາຊິກ ນອກນີ້ກອງປະຊຸມຍັງໄດ້ຮັບຮອງເອົາຖະແຫຼງຂ່າວຮ່ວມກອງປະຊຸມລັດຖະມົນຕີຕ່າງປະເທດແມ່ນ້ຳຂອງ-ແມ່ນ້ຳລ້ານຊ້າງ ຄັ້ງທີ 5 ແລະ ຮັບຊາບເອກະສານແນບທ້າຍ 3 ສະບັບ ເພື່ອເປັນບ່ອນອີງໃຫ້ແກ່ການຮ່ວມມືໃນຕໍ່ໜ້າ.
（ໄຊພອນ）
