ວັນທີ 6 ກຸມພານີ້, ໃນກອງປະຊຸມຖະແຫຼງຂ່າວປະຈຳ ຂອງກະຊວງການຕ່າງປະເທດ, ໂດຍຕອບສະໜອງຄຳສະເໜີຂໍໃຫ້ຮູ້ຜົນກະທົບຂອງການຕິດເຊື້ອລະບົບຫາຍໃຈ ໄວຣັດ Corona (nCoV) ກ່ຽວກັບວຽກງານການຕ່າງປະເທດຂອງ ຫວຽດນາມ, ພິເສດແມ່ນການເຄື່ອນໄຫວຂອງປີປະທານອາຊຽນ 2020, ໂຄສົກກະຊວງການຕ່າງປະເທດ, ທ່ານນາງ ເລຖິທູຫັ່ງ ຢືນຢັນວ່າ, ຫວຽດນາມຈະປະຕິບັດພັນທະສະມາຊິກຢ່າງຄົບຖ້ວນ ແລະ ຕັດສິນໃຈຮັບຜິດຊອບບົດບາດຂອງປະທານອາຊຽນ 2020 ຢ່າງມີປະສິດທິຜົນ.
ຫວຽດນາມ ພວມປະຕິບັດບັນດາມາດຕະການຢ່າງຕັ້ງໜ້າເພື່ອຮັບມື ແລະ ຄວບຄຸມການລະບາດພະຍາດ. ພ້ອມກັນນັ້ນ, ໃນຖານະທີ່ເປັນປະທານອາຊຽນ, ຫວຽດນາມໄດ້ສະເໜີຢ່າງຕັ້ງ ໜ້າ ແລະ ຊຸກຍູ້ຄວາມພະຍາຍາມຮ່ວມຂອງອາຊຽນໃນການປະສານງານການຕອບໂຕ້ຢ່າງມີປະສິດຕິຜົນຕໍ່ການລະບາດຂອງພະຍາດດັ່ງກ່າວ.
 |
ໂຄສົກກະຊວງການຕ່າງປະເທດ, ທ່ານນາງ ເລຖິທູຫັ່ງ. (ພາບ: TTXVN)
ວັນທີ 30 ມັງກອນ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຟ້າມບິ່ງມິງ ໄດ້ສົ່ງຈົດໝາຍເຖິງບັນດາປະເທດອາຊຽນ ເພື່ອສະເໜີສ້າງຕັ້ງຄະນະປະຕິບັດງານຮ່ວມໃນລະດັບລັດຖະມົນຕີ, ເພີ່ມທະວີຄວາມເຂັ້ມແຂງການຮ່ວມມື, ການແລກປ່ຽນຂໍ້ມູນຂ່າວສານ, ການປະສານງານກັບການຕອບໂຕ້ຕໍ່ການລະບາດພະຍາດ.
ຫວຽດນາມສືບຕໍ່ຕິດຕາມຢ່າງໃກ້ຊິດການພັດທະນາຂອງການລະບາດພະຍາດ, ໃນກໍລະນີຈຳເປັນຕ້ອງມີການປັບປຸງເຂົ້າກັບການເຄື່ອນໄຫວຂອງປີປະທານອາຊຽນ, ຫວຽດນາມຈະແຈ້ງໃຫ້ຊາບ, ປຶກສາກັບປະເທດອື່ນໆ ແລະ ຈັດຕັ້ງປະຕິບັດໂດຍອີງໃສ່ຄວາມເຫັນດີເຫັນພ້ອມຂອງອາຊຽນ, ຮັບປະກັນ ການເຄື່ອນໄຫວຂອງປີປະທານອາຊຽນໄດ້ເກີດຂື້ນໃນເງື່ອນໄຂຄວາມໝັ້ນຄົງ ແລະ ຄວາມປອດໄພໃນລະດັບສູງສຸດ.
（ຄຳຮຸ່ງ）
