 |
ນາຍົກລັດຖະມົນຕີ ຫວຽດນາມ ຕ້ອນຮັບບັນດາເອກອັກຄະລັດຖະທູດ, ຫົວໜ້າອົງການຜູ້ຕາງໜ້າຫວຽດນາມ ປະຈໍາຕ່າງປະເທດ.(ພາບ:nhandan.com.vn)
ກ່າວຄໍາເຫັນທີ່ການຕ້ອນຮັບ, ທ່ານ ຫງວຽນຊວນຟຸກ ມີຄວາມປາດຖະໜາຢາກໃຫ້ບັນດາເອກອັກຄະລັດຖະທູດ, ຫົວໜ້າອົງການຜູ້ຕາງໜ້າເດັດດ່ຽວກວ່າອີກ, ມີຄວາມຕັດສິນໃຈ ແລະມີຫົວຄິດປະດິດສ້າງໃນອາຍຸການປະຕິບັດງານໃໝ່ ແລະຊີ້ແຈ້ງວ່າ, ບັນດາອົງການຜູ້ຕາງໜ້າມີຖານະບົດບາດສໍາຄັນໃນການສົ່ງເສີມບັນດາການເຄື່ອນໄຫວຮ່ວມມືດ້ານການເມືອງ, ການທູດ, ເສດຖະກິດ, ວັດທະນະທໍາ, ການທ່ອງທ່ຽວ. ສະນັ້ນ, ຄຽງຂ້າງກັບການຊຸກຍູ້ການຮ່ວມມືທາງດ້ານການເມືອງ, ການທູດ, ບັນດາຫົວໜ້າອົງການຜູ້ຕາງໜ້າຄວນເອົາໃຈໃສ່ເປັນພິເສດເຖິງໜ້າທີ່ຊຸກຍູ້ການຮ່ວມມືດ້ານເສດຖະກິດ, ການຄ້າ... ທີ່ສອດຄ່ອງກັບຄວາມຕ້ອງການພັດທະນາເສດຖະກິດ - ສັງຄົມຂອງປະເທດໃນໄລຍະໃໝ່.
ທ່ານນາຍົກລັດຖະມົນຕີຫວຽດນາມ ເຊື່ອໝັ້ນວ່າບັນດາເອກອັກຄະລັດຖະທູດ, ຫົວໜ້າສຳນັກງານຜູ້ຕາງໜ້າຈະປະຕິບັດສຳເລັດພາລະໜ້າທີ່ສຳຄັນນີ້ເປັນຢ່າງດີ, ເໝາະສົມກັບພາລະໜ້າທີ່ສຳຄັນເຊີ່ງພັກ,ລັດຖະບານ ແລະ ປະຊາຊົນມອບໝາຍໃຫ້. ທ່ານນາຍົກລັດຖະມົນຕີຫວຽດນາມ ເນັ້ນໜັກວ່າການທູດເສັດຖະກິດແມ່ນໜ້າທີ່ຈຸດສຸມ, ບັນດາເອກອັກຄະລັດຖະທູດ, ຫົວໜ້າສຳນັກງານຜູ້ຕາງໜ້າຕ້ອງອັບເດດສະພາບການ, ຊອກຫາ, ແນະນຳບັນດາກຸ່ມບໍລິສັດໃຫຍ່ມາຫວຽດນາມ, ຄາດຄະເນ ແລະ ເປັນເສນາທີການໃຫ້ແກ່ພັກ, ລັດຖະບານກ່ຽວກັບສະພາບການໂລກ. ທ່ານນາຍົກລັດຖະມົນຕີຫວຽດນາມ ຖືວ່າໃນອາຍຸການຂອງຕົນ, ບັນດາເອກອັກຄະລັດຖະທູດ, ຫົວໜ້າສຳນັກງານຜູ້ຕ້ອງມີແຜນການລະອຽດ, ໃກ້ຊິດຕິດແທດກັບຄວາມຮຽກຮ້ອງຕ້ອງການໜ້າທີ່; ເຄື່ອນໄຫວການທູດຕ້ອງມີຫົວຄິດປະດິດສ້າງ, ມີໄຫວພິບ, ສະຫຼາດຄ່ອງແຄ້ວ.
（ໄຊພອນ）
