 |
ພາບປະກອບ
ຢູ່ບັນດາທ້ອງຖິ່ນ, ພິເສດແມ່ນບັນດາທ້ອງຖິ່ນທີ່ມີ ຄົນຕິດເຊື້ອພະຍາດຈຸລະໂລກສາຍພັນໃໝ່ ແລະ ມີ ຊາວຈີນ ພວມດຳລົງຊີວິດ ແລະ ເຮັດວຽກ ຢູ່ຕາມເຂດອຸດສາຫະກຳເປັນຈຳນວນຫຼາຍນັ້ນກໍ່ໄດ້ຜັນຂະຫຍາຍບັນດາມາດຕະການປ້ອງກັນຕ້ານຄື ແຂວງ ລ້າງເຊີນ, ແທັງຮ໊ວາ, ລາວກາຍ… ກະຊວງສາທາລະນະສຸກ ຫວຽດນາມໄດ້ກ່າວເຕືອນໃຫ້ປະຊາຊົນຈຳກັດການໄປມາຢູ່ເຂດທີ່ມີ ເຊື້ອພະຍາດ ແລະ ສຳຜັດກັບຜູ້ທີ່ມາຈາກເຂດທີ່ເກີດເຊື້ອພະຍາດດັ່ງກ່າວ.
ໃນກອງປະຊຸມກ່ຽວກັບການປ້ອງກັນຕ້ານເຊື້ອພະຍາດອັກເສບປອດ ທີ່ເກີດຈາກເຊື້ອພະຍາດຈຸລະໂລກສາຍພັນໃໝ່ທີ່ຈັດຕັ້ງໃນວັນທີ 30 ມັງກອນ, ທ່ານນາຍົກລັດຖະມົນຕີກໍ່ຮຽກຮ້ອງໃຫ້ບັນດາບໍລິສັດທ່ອງທ່ຽວ ປະຕິບັດການຊີ້ນຳຢ່າງເຂັ້ມງວດ, ບໍ່ຮັບເອົາແຂກທ່ອງທ່ຽວມາຈາກເຂດທີ່ມີເຊື້ອພະຍາດ ແລະ ກົງກັນຂ້າມ. ທ່ານຍັງຮຽກຮ້ອງໃຫ້ບັນດາອົງການສື່ມວນຊົນ ຍູ້ແຮງການໂຄສະນາກ່ຽວກັບເຊື້ອພະຍາດດັ່ງກ່າວ, ລວມທັງຂໍ້ມູນຂ່າວສານ ແລະ ມາດຕະການປ້ອງກັນ, ຕ້ານເຊື້ອພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ເພື່ອໃຫ້ປະຊາຊົນເປັນເຈົ້າການ.
 |
ກະຊວງສາທາລະນະສຸກ ໄດ້ສ້າງຕັ້ງ 45 ທິມງານເຄື່ອນທີ່ໄວເພືື່ອຕ້ານເຊື້ອຈຸລະໂລກສາຍພັນໃໝ່. ພາບປະກອບ
ໂດຍປະຕິບັດຄຳສັ່ງຂອງນາຍົກລັດຖະມົນຕີກ່ຽວກັບການປ້ອງກັນ, ຕ້ານເຊື້ອຈຸລະໂລກສາຍພັນໃໝ່ໂດຍໄວຣັດ ໂກໂຣນາ ກໍ່ຂຶ້ນ, ກະຊວງສາທາລະນະສຸກ ໄດ້ສ້າງຕັ້ງ 45 ທິມງານເຄື່ອນທີ່ໄວເພືື່ອຕ້ານເຊື້ອຈຸລະໂລກສາຍພັນໃໝ່ດັ່ງກ່າວ. ບັນດາທິມງານມີໜ້າທີ່ປະຈຳການ ກຽມພ້ອມມີການເຄື່ອນໄຫວຢ່າງວ່ອງໄວ, ໜູນຊ່ວຍດ້ານວິຊາສະເພາະໃຫ້ແກ່ບັນດາໂຮງໝໍປິ່ນປົວ, ເບິ່ງແຍງດູແລ ແລະ ຄວບຄຸມການຕິດເຊື້ອຈຸລະໂລກດັ່ງກ່າວຢູ່ບັນດາຮາກຖານກວດ, ປິ່ນປົວພະຍາດ ເມື່ອມີຄວາມຮຽກຮ້ອງຕ້ອງການ, ປະຕິບັດຕາມຄຳສັ່ງຂອງກະຊວງສາທາລະນະສຸກ ແລະ ຄະນະຊີ້ນຳແຫ່ງຊາດກ່ຽວກັບການປ້ອງກັນ, ຕ້ານເຊື້ອຈຸລະໂລກສາຍພັນໃໝ່ nCoV.
ວັນທີ 27 ມັງກອນ, ກົມການບິນ ຫວຽດນາມ ໄດ້ອອກແຈ້ງການຮຽກຮ້ອງຍົກເລີກທຸກຖ້ຽວບິນຂອງບັນດາບໍລິສັດການບິນ ຫວຽດນາມ ແລະ ຕ່າງປະເທດທີ່ໄດ້ຮັບການອະນຸຍາດ ແລະ ບໍ່ອະນຸຍາດຂຸດຄົ້ນຖ້ຽວບິນລະຫວ່າງ ຫວຽດນາມ ແລະ ນະຄອນ ອູ່ຮານ, ແຂວງ ວູ້ຮັ້ນ, ຈີນ.
（ໄຊພອນ）
