ສຳນັກຂ່າວ Reuters ຢັ້ງຢືນວ່າ ຄະນະກຳມະການການເລືອກຕັ້ງແຫ່ງຊາດກຳປູເຈຍ ຫຼື NECໃຫ້ຮູ້ວ່າ: ຈຳນວນຜູ້ມີສິດເລືອກຕັ້ງໄດ້ໄປເລືອກຕັ້ງກວມ 80,49% ຂອງຈຳນວນຜູ້ໄປລົງທະບຽນ. ຮູ້ວ່າມີປະຊາຊົນກຳປູເຈຍ ປະມານ 8,3 ລ້ານຄົນທີ່ລົງທະບຽນ ໄປ ປ່ອນບັດມື້ວານນີ້ 29 ກໍລະກົດ.
ປະທານ NEC, ທ່ານ Sik Bun Hok ໄດ້ໃຫ້ສຳພາດວ່າ: ການເລືອກຕັ້ງຈົບລົງດ້ວຍຄວາມສຳເລັດຢ່າງຈົບງາມ. ປະເທດກຳປູເຈຍ ຄວນພູມໃຈຍ້ອນການເລືອກຕັ້ງສະມາຊິກສະພາແຫ່ງຊາດຄັ້ງນີ້ ປະຊາຊົນອອກມາເລືອກຕັ້ງເປັນຈຳນວນຫຼວງຫຼາຍຖ້າທຽບໃສ່ຫຼາຍປີທີ່ຜ່ານມາ.
 |
ປະຊາຊົນຜູ້ມີສິດເລືອກຕັ້ງອອກໄປກວດລາຍຊື່ຂອງຕົນຄືນ.
ປະຊາຊົນກຳປູເຈຍ ຄາດຫວັງວ່າ ສະພາແຫ່ງຊາດກຳປູເຈຍ ສະໄໝທີ VI ຈະສືບຕໍ່ນຳຄວາມບຸກທະລຸ, ນຳຄວາມພັດທະນາມາໃຫ້ປະເທດກຳປູເຈຍ.
ນາຍົກລັດຖະມົນຕີກຳປູເຈຍ Samdech Hun Sen ໄດ້ອອກໄປປ່ອນບັດຢູ່ຈຸດປ່ອນບັດແຂວງ Kandal ເຊິ່ງເປັນບ້ານເກີດຂອງທ່ານ ຕັ້ງແຕ່ເຊົ້າເພື່ອປະຕິບັດສິດປະຊາທິປະໄຕຂອງຕົນ.
ທ່ານ Kum Sophoan, ປະຊາຊົນນະຄອນຫຼວງ Phnom Penh ໃຫ້ຮູ້ວ່າ: “ມື້ນີ້ເພິ່ນໄດ້ອອກໄປປ່ອນບັດ , ຂ້ອຍຮູ້ສືກມີຄວາມດີໃຈ ແລະ ມີຄວາມສຸກ. ຂ້ອຍຫວັງວ່າຈະເລືອກໄດ້ຜູ້ນຳທີ່ມຄວາມຮູ້ຄວາມສະມາດ, ມີຄຸນສົມບັດດີເພື່ອນຳພາປະເທດຊາດ, ນຳພາປະເທດຊາດໄປສູ່ຄວາມພັດທະນາ”.
ການແຂ່ງຂັນເລືອກຕັ້ງສະມາຊິກສະພາແຫ່ງຊາດກຳປູເຈຍ ສະໄໝທີ 6 ຄັ້ງນີ້.
 |
ນາຍົກລັດຖະມົນຕີ ຮຸນເຊນ ພ້ອມພັນລະຍາ ໄປປ່ອນບັດເລືອກຕັ້ງຢູ່ບ້ານເກີດ.
ເຂົ້າຮ່ວມສັງເກດການ ການເລືອກຕັ້ງສະມາຊິກສະພາແຫ່ງຊາດກຳປູເຈຍ ສະໄໝທີ 6 ບັນດາຜູ້ສັງເກດການສາກົນ ສະແດງຄວາມປະທັບໃຈ ກ່ຽວກັບການເລືອກຕັ້ງທີ່ດຳເນີນໄປບົນບັນຍາການແຫ່ງສັນຕິ. ປະຊາຊົນຜູ້ມີສິດເລືອກຕັ້ງເຂົ້າແຖວຢ່າງເປັນລະບຽນ ແລະ ບໍ່ມີເຫດການໃດຜິດປົກກະຕິໃດໆໃນຂະບວນການການເລືອກຕັ້ງຄັ້ງນີ້.
NEC ກຳລັງສະຫຼຸບຜົນການເລືອກຕັ້ງເບື້ອງຕົ້ນ.
ຕາມໜັງສືພິມ Phnom Penh Post, ການເລືອກຕັ້ງຄັ້ງນີ້ດຳເນີນໄປດ້ວຍຄວາມເລື່ອນໄຫຼ, NEC ໄດ້ຮັບໃບຟ້ອງຮ້ອງໃນຊ່ວງການເລືອກຕັ້ງພຽງແຕ່ 30 ສະບັບເທົ່ານັ້ນ, ໜ້ອຍກວ່າປີ 2013 ເຊິ່ງມີເຖິງ 100 ສະບັບ.
（ຫັດທະບູນ）
