ກອງເຊຍແດນປາດີບສ້າງຄວາມປະທັບໃຈໃຫ້ຄົນທັງໂລກ
ສຍສ - ກອງເຊີຍທີມເຕະບານທີມຊາດ ຢີປຸ່ນ ສ້າງຄວາມປະທັບໃຈໃຫ້ຄົນຫຼາຍຄົນເມື່ອເຫັນການກະທຳຂອງພວກເຂົາທີ່ສະໝາຍກິລາເຕະບານ ພາຍຫຼັງທີມຂອງພວກເຂົາ ເສຍໄຊໃຫ້ຄູ່ແຂ່ງຄື ເບວຢ້ຽມ ຮອບ 1/8. ພວກເຂົາໄດ້ເລາະເກັບຂີ້ເຫຍື້ອໃນສະໝາມ ສ່ວນນັກເຕະແມ່ນມ້ຽນຫ້ອງປ່ຽນເຄື່ອງນັກກິລາ ຢ່າງສະອາດຄືກັບສະພາບເດີມພາຍຫຼັງອອກຈາກເດີ່ນ.
ຫ້ອງປ່ຽນເຄື່ອງນັກກິລາ ຂອງທີມຊາດຢີປຸ່ນ ພາຍຫຼັງເສຍໄຊໃຫ້ຄູ່ຕໍ່ສູ້. ກອງເຊີຍອາດຈະຜິດຫວັງຕໍ່ກັບຜົນການແຂ່ງ ແຕ່ບໍ່ໄດ້ເຮັດໃຫ້ພວກເຂົາລືມກ່ຽວກັບຄວາມສະອາດ. ກອງເຊີຍທີມຊາດມີທຸກເພດທຸກໄວ ຜູ້ເກັບມ້ຽນຂີ້ເຫື້ຍອພາຍຫຼັງການແຂ່ງຂັນຈົບລົງກໍ່ເຊັນກັນ. ເຂົາເຮັດໃຫ້ຄົນອ້ອມຂ້າງຕ້ອງຫັນກັບມາເບິ່ງການກະທຳຂອງພວກເຂົາ. ຍິງຊາຍຊ່ວຍກັນຢ່າງບໍ່ມີຂໍຮຽກຮ້ອງໃດໆໝົດ. ອຸປະກອນໃນການເຊີຍກໍ່ມີຄົບແຕ່ຍັງມີມືທີ່ຈະໃຊ້ເກັບສິ່ງເສດເຫຼືອພາຍຫຼັງການແຂ່ງຂັນ. ໂລກນີ້ອາດຈະບໍ່ແມ່ນຂອງເຮົາຜູ້ດຽວແຕ່ລາວແມ່ນຜູ້ໜື່ງທີ່ເປັນເຈົ້າຂອງໂລກໃບນີ້. ສອງມືທີ່ວ່າງໄວ້ເພື່ອເຮັດໃຫ້ໂລກນີ້ມີຄວາມສວຍງາມ. ຊະນະຫຼືເສຍແມ່ນໃນເກມກິລາ ນອກສະໝາມ ກອງເຊຍຊາວຢີປຸ່ນ ຊະນະໃຈຄົນທັງໂລກ. ແບບຢ່າງທີ່ດີ ແລະ ຄວນເອົາເປັນແບບຢ່າງ.
