 |
ທ່ານ ຫວູ ແທງ ຊວນ ກ່າວຄໍາເຫັນທີ່ພິທີໄຂ.(ພາບ:moha.gov.vn)
ກ່າວຄໍາເຫັນທີ່ພິທີດັ່ງກ່າວ, ທ່ານ ຫວູ ແທງ ຊວນ ຮອງອໍານວຍການສະຖາບັນການເມືອງການປົກຄອງແຫ່ງຊາດຫວຽດນາມ ໄດ້ເນັ້ນໜັກເຖິງຄວາມຈໍາເປັນໃນວຽກງານກໍ່ສ້າງ, ບໍາລຸງສ້າງພະນັກງານຄຸ້ມຄອງ, ນໍາພາໃນພາລະກິດສ້າງສາ ແລະ ພັດທະນາ ສອງປະເທດ ຫວຽດນາມ-ລາວ ໃນສະພາບໂລກາພິວັດ ແລະ ເຊື່ອມໂຍງກັບສາກົນ ທີ່ກຳລັງດໍາເນີນໄປຢ່າງຂຸ້ນຂ້ຽວ; ທ່ານຍັງຢັ້ງຢືນວ່າການຈັດຊຸດຝຶກອົບຮົມໃຫ້ແກ່ພະນັກງານຄຸ້ມຄອງ, ນໍາພາ ປະເທດລາວອ້າຍນ້ອງ ປະສົບຜົນສໍາເລັດ ແມ່ນໜ້າທີ່ ແລະ ຄວາມເປັນກຽດອັນໃຫຍ່ຫຼວງຂອງສະຖາບັນການເມືອງປົກຄອງແຫ່ງຊາດຫວຽດນາມ, ເຊິ່ງພັກ ແລະ ລັດຖະບານສອງປະເທດ ໄດ້ເອົາໃຈໃສ່ເປັນພິເສດ ແລະ ມອບໝາຍໃຫ້. ທ່ານ ຫວູ ແທງ ຊວນ ກໍ່ໄດ້ກ່າວຕື່ມອີກວ່າ: ນີ້ກໍ່ແມ່ນກິດຈະກໍາກໍ່ຄືການເຄື່ອນໄຫວທີ່ແທດຈິງ ແລະ ມີຄວາມໝາຍ, ປະກອບສ່ວນເພີ່ມທະວີຈິດໃຈສາມັກຄີມິດຕະພາບ ແລະ ການຮ່ວມມື ໃນຖານນະອ້າຍນ້ອງແບບພິເສດ ລະຫວ່າງສອງພັກ, ປະຊາຊົນສອງປະເທດ ຫວຽດນາມ-ລາວ ເພີ່ມຂື້ນ.
 |
ບັນຍາກາດທີ່ພິທີໄຂ.(ພາບ:moha.gov.vn)
ທີ່ຊຸດຝຶກອົບຮົມຄັ້ງນີ້, ບັນດາຄູອາຈານ, ຜູ້ຊ່ຽວຊານ ຫວຽດນາມ ທີ່ມີປະສົບການ ໄດ້ແນະນໍາໃຫ້ບັນດານັກສໍາມະນາກອນ ກ່ຽວກັບເນື້ອໃນຕ່າງໆ ທີ່ສຳຄັນເປັນຕົ້ນແມ່ນ: ຄວາມສາມາດໃນການໄຈ້ແຍກສະພາບແວດລ້ອມຂອງການເຮັດວຽກ, ຄວາມຮຽກຮ້ອງຕ້ອງການທີ່ວາງໄວ້ ແລະ ຄວາມສາມາດຂອງພະນັກງານໃນການຈັດຕັ້ງປະຕິບັດວຽກງານຫ້ອງການ ຢູ່ ຂັ້ນສູນກາງ ແລະ ທ້ອງຖິ່ນ; ຄວາມສາມາດໃນການເສນາທິການ, ສັງລວມ; ຄວາມສາມາດພື້ນຖານໃນການຄຸ້ມຄອງ; ຄວາມສາມາດໃນການກໍ່ສ້າງ, ຕິດຕໍ່ປະສານງານ ແລະ ຄຸ້ມຄອງວຽກງານການພົວພັນ; ວິຊາການສະເພາະດ້ານຫ້ອງການ.
（ໄຊພອນ）
