ພາຍຫຼັງສອງປີເຄິ່ງ ກອງປະຊຸມນີ້ຈິ່ງໄດ້ຈັດຂຶ້ນ ນັບຕັ້ງແຕ່ ເດືອນ ພະຈິກ ປີ 2015 ຢູ່ເກົາຫລີໃຕ້. ນາຍົກລັດຖະມົນຕີຍີ່ປຸ່ນ ຊິນໂຊ ອາເບະ, ນາຍົກລັດຖະມົນຕີຈີນ Li Keqiang ແລະ ປະທານາທິບໍດີເກົາຫຼີໃຕ້ ມູນເຈອິນ ໄດ້ເຂົ້າຮ່ວມກອງປະຊຸມ.
 |
ນາຍຍົກລັດຖະມົນຕີ ຢີປູ່ນ ທ່ານ ຊິນໂຊ ອາເບະ(ຊ້າຍ)ຈັບມືກັບ ທ່ານ ລີ໋ເຄິ້ສຽງ ນາຍຍົກລັດຖະມົນຕີ ຈີນ. (ພາບ: Chiang Rai Times).
ທີ່ກອງປະຊຸມສຸດຍອດ, ສາມປະເທດຈະສຸມໃສ່ປຶກສາຫາລືກ່ຽວກັບໝາກຜົນໄດ້ຮັບຂອງກອງປະຊຸມສຸດຍອດລະຫວ່າງສອງເກົາຫຼີ ແລະ ການພົບປະຄັ້ງປະຫວັດສາດລະຫວ່າງປະເທດສະຫະລັດອາເມລິກາ ແລະ ເກົາຫຼີເໜືອເທື່ອທຳອິດກຳລັງຈະເກີດຂື້ນ.
ເວົ້າສະເພາະປະເທດຍີ່ປຸ່ນ, ທ່ານ ອາເບະ ຕ້ອງຢືນຢັນຄືນວ່າການຮ່ວມມືຢ່າງໃກ້ຊິດລະຫວ່າງສາມປະເທດ ແນໃສ່ ແກ້ໄຂບັນຫານິວເຄຼຍຂອງເກົາຫຼີເຫນືອຢ່າງຮອບດ້ານ ໂດຍການກວດສອບລົງພື້ນທີ່ຈິງກ່ຽວກັບການຖອນຕົວ ແລະ ປະວາງ ສະຖານທີ່ ຜລິດນິວເຄຼຍ ແລະ ລູກສອນໄຟ, ພ້ອມກັນນັ້ນໄກ້ໄຂບັນຫາ ຄົນຢີປູ່ນຖືກ ຄົນເກົາຫຼີເໜືອ ຈັບເປັນຕົວປະກັນໃຫ້ປະກົດຜົນເປັນຈິງ.
ໃນຂົງເຂດເສດຖະກິດ, ໃນປະຈຸບັນ ສາມປະເທດ ກວມປະມານ 20% ຂອງ GDP ລວມທົ່ວໂລກ. ຍ້ອນແນວນັ້ນ, ການເພີ່ມທະວີ ການຮ່ວມມືຂອງສາມປະເທດໃນຂົງເຂດເສດຖະກິດກໍ່ແມ່ນ ຫົວຂໍ້ທີ່ສໍາຄັນເພື່ອປະກອບສ່ວນເພື່ອສ້າງຄວາມສະຖຽນລະພາບ ແລະ ພັດທະນາເສດຖະກິດ ໂລກ. ທັງສາມຝ່າຍໄດ້ຢືນຢັນຈະຮັກສາ ແລະ ພັດທະນາເຂດການຄ້າເສລີ.
ໃນຕອນທ້າຍຂອງກອງປະຊຸມ, ຜູ້ນໍາສາມຈະອອກຖະແຫຼງການຮ່ວມກັນ.
ໃນວັນດຽວກັນ ນາຍົກລັດຖະມົນຕີຍີ່ປຸ່ນ ອາເບະ ຈະຖືໂອ້ລົມ ສ່ວນຕົວກັບນາຍົກລັດຖະມົນຕີຈີນ Li Keqiang ແລະປະທານາທິບໍດີ ມູນແຈອິນ.
（ຫັດທະບູນ）
