 |
ພາບປະກອບ
ຈີນເປີດເສັ້ນທາງ ລົດໄຟຄວາມໄວສູງໃໝ່ກວ່າ 10 ສາຍໃນປີນີ້, ຄິດເປັນ ໄລຍະທາງກວ່າ 4.000 ກິໂລແມັດ ເປັນເສັ້ນທາງ ທີ່ຢູ່ໃນຫລາຍມົນທົນ ແລະ ເຂດທົ່ວປະເທດ, ຊ່ວຍໃຫ້ຫລາຍພື້ນທີ່ ມີເສັ້ນທາງ ລົດໄຟຄວາມໄວສູງ ສາຍທຳອິດ ຂອງຈີນ ຄິດເປັນໄລຍະທາງ 35.000 ກິໂລແມັດ ເປັນອັນດັບໜຶ່ງ ຂອງໂລກ. ເສັ້ນທາງ ລົດໄຟຄວາມໄວສູງ ຈາກນະຄອນຫລວງ ປັກກິງ-ເມືອງຈາງເຈຍໂຂວ ຊຶ່ງເປັນທາງລົດ ໄຟຄວາມໄວສູງ ອັດສະຣີຍະ ທີ່ມີຄວາມໄວ 350 ກິໂລແມັດຕໍ່ຊົ່ວໂມງ ສາຍທຳອິດ ຂອງໂລກ ເປີດໃຫ້ບໍລິການ, ມີຄວາມຍາວ174 ກິໂລແມັດ, ນອກນີ້ ຍັງໄດ້ຂະຫຍາຍ ເສັ້ນທາງສູ່ໝູ່ບ້ານ ນັກກິລາ ໂອລິມປິກ ລະດູໜາວ ທີ່ເຂດສົງຫລີ່ ເມືອງຈາງເຈຍໂຂວ. ລົດໄຟຄວາມໄວສູງ ສາຍນີ້ ໃຊ້ລະບົບ ເຕັກໂນໂລຊີນຳທາງ ເປຍໂຕວ ລະບົບເຕືອນໄພ, ການຄວາມຄຸມ ອັດຕະໂນມັດ, ເອເລັກໂຕຣນິກ ແລະ ອື່ນໆ ເພື່ອອຳນວຍ ຄວາມສະດວກ ໃຫ້ແກ່ຜູ້ ໂດຍສານ ແລະ ສາມາດຫລຸດຜ່ອນ ເວລາການເດີນທາງ ລົງຈາກ 3 ຊົ່ວໂມງ 7 ນາທີ ເຫລືອພຽງ 47 ນາທີ.
ອົງການທາງລົດໄຟແຫ່ງຊາດໄທ ແລະ ບໍລິສັດ ສັນຍານໂທລະຄົມ ທາງລົດໄຟຈີນ ຈຳກັດ ໄດ້ລົງນາມ ໃນສັນຍາຮ່ວມມື ໂຄງການຍົກລະດັບທາງລົດໄຟ ສອງສາຍໄປ-ກັບ ຈາກແຂວງ ນະຄອນປະຖົມໄປຫາ ແຂວງຊຸມພອນ ຂອງໄທ ມີຄວາມຍາວ ປະມານ 420 ກິໂລແມັດ ແລະ ມີສະຖານີ 59 ແຫ່ງ.ໃຫ້ສຳລັດພາຍໃນ 3 ປີຕໍ່ໜ້າ. ພາຍຫຼັງສ້າງສຳເລັດແລ້ວ ຈະກາຍເປັນພາກສ່ວນສຳຄັນ ໃນລະບົບທາງລົດໄຟຂອງໄທ. ການເປີດນຳໃຊ້ທາງລົດໄຟ ສອງສາຍໄປ-ກັບດັ່ງກ່າວ ຈະມີຜົນດີ ຕໍ່ການພັດທະນາເສດຖະກິດ-ສັງຄົມຂອງໄທ ແລະ ຍົກຄຸນນະພາບ ຂອງຊີວິດການເປັນຢູ່ ຂອງປະຊາຊົນ ໃຫ້ສູງຂຶ້ນ.ນອກນີ້ ຍັງເປັນໂຄງການໜຶ່ງ ທີ່ນອນຢູ່ໃນແຜນ ການພັດທະນາ ຍຸດທະສາດ ທາງລົດໄຟຂອງໄທ.
（ໄຊພອນ）
