 |
ທ່ານ ເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ ໄດ້ເປັນປະທານໃນການພົບປະ, ອວຍພອນປີໃໝ່ບັນດານັກປະຕິວັດຜູ້ອາວຸໂສ, ການນຳ, ອະດີດການນຳພັກ, ລັດ, ແນວໂຮມປະເທດຊາດ ຫວຽດນາມ, ພໍ່ແມ່ພີ່ນ້ອງ, ນັກທົບໃນທົ່ວປະເທດ ແລະ ຊາວ ຫວຽດນາມ ອາໄສຢູ່ຕ່າງປະເທດ. (ພາບ: TTXVN)
ກ່າວຄຳເຫັນທີ່ການພົບປະ, ທ່ານ ເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ ໄດ້ເນັ້ນໜັກເຖິງ ປີ 2020 ແມ່ນປີ ທີ່ມີຄວາມໝາຍສຳຄັນພິເສດ, ແມ່ນປີທີ່ມີຫຼາຍເຫດການດ້ານການເມືອງທີ່ຍິ່ງໃຫຍ່ສຳລັບປະເທດຊາດ, ທ່ານ ເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ ຮຽກຮ້ອງໃຫ້ ທົ່ວພັກ, ທົ່ວປວງຊົນທັງຊາດ, ທົ່ວກອງທັບເສີມຂະຫຍາຍຄວາມສາມາດບົ່ມຊ້ອນ, ທ່າໄດ້ປ່ຽບ, ແຫຼ່ງກຳລັງ, ສືບຕໍ່ປັບປຸງ, ເພີ່ມທະວີພື້ນຖານເສດຖະກິດ ມະຫາພາກ, ຄຸ້ມຄອງໄພເງິນເຟິ້, ຍົກສູງກຳລັງພາຍໃນ ແລະ ລັກສະນະເປັນເຈົ້າຕົນເອງຂອງ ພື້ນຖານເສດຖະກິດ. ເສັ້ນທາງຕໍ່ໜ້າ ແມ່ນເສັ້ນທາງທັງມີຫຼາຍຄວາມຫຍຸ້ງຍາກ, ສິ່ງທ້າທາຍ ທັງມີບັນດາໂອກາດ, ສິ່ງທ້າທາຍໃໝ່. ດ້ວຍມູນເຊື້ອຮັກຊາດທີ່ເຕັມລົ້ົ້ນ, ຈິດໃຈ ສ້າງຄວາມເຂັ້ມ ແຂງດ້ວຍຕົນເອງ, ຄວາມສາມັກຄີເປັນຈິດໜຶ່ງໃຈດຽວ, ດຸໝັ່ນຂະຫຍັນພຽນປະດິດຄິດສ້າງ, ພວກເຮົາຍັງເຊື່ອໝັ້ນວ່າ ປີຊວດ - 2020 ປະເທດຊາດຈະບັນລຸໄດ້ຜົນງານທີ່ໃຫຍ່ຫຼວງຫຼາຍກວ່າອີກ.
ຕອນເຊົ້າວັນທີ 22 ມັງກອນ, ເນື່ອງໃນໂອກາດບຸນເຕັດປີຊວດ, ຄະນະຜູ້ແທນຄະນະບໍລິຫານງານສູນກາງພັກ, ສະພາແຫ່ງຊາດ, ປະທານປະເທດ, ລັດຖະບານ, ຄະນະສູນກາງແນວໂຮມປະເທດຊາດ ຫວຽດນາມ ໄດ້ໄປວາງພວງມາລາ, ເຂົ້າຄຳນັບສຸສານ ອາໄລຫາປະທານໂຮ່ຈີມິນ. ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ, ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ, ທ່ານ ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ເຈິ່ນແທັງເມີ້ນ ໄດ້ເຂົ້າຄຳນັບສຸສານອາໄລຫາປະທານໂຮ່ຈີມິນ. ຫຼັງຈາກນັ້ນ ຄະນະໄດ້ໄປວາງພວງມາລາອາໄລຫາບັນດານັກຮົບວິລະຊົນທີ່ເສຍສະຫຼະຊີວິດເພື່ອຊາດ ຢູ່ ອະນຸສາວະລີນັກຮົບວິລະຊົນທີ່ເສຍສະຫຼະຊີວິດເພື່ອຊາດ, ທີ່ ຖະໜົນບັກເຊີນ, ຮ່າໂນ້ຍ.
（ໄຊພອນ）
