 |
ເພີ່ມທະວີການຄ້າ ແລະ ການລົງທຶນພາຍໃນກຸ່ມອາຊຽນ.(ພາບ:congthuong.vn)
ບັນດາການຫັນປ່ຽນທີ່ບໍ່ເຄີຍມີມາກ່ອນຂອງສະພາບການເສດຖະກິດໂລກ, ບັນດາຄວາມກ້າວໜ້າຂອງເຕັກໂນໂລຢີ ໄດ້ນໍາມາເຊິ່ງຄວາມສາມາດບ່ົມຊ້ອນອັນໃຫຍ່ຫຼວງ ໃຫ້ແກ່ສັນຕິພາບ ແລະ ພັດທະນາແບບຍືນຍົງ ກໍຄືການເຊື່ອມໂຍງທາງດ້ານເສດຖະກິດ ຢ່າງເລິກເຊິ່ງກວ້າງຂວາງ. ບັນດາປະເທດ ກໍຕ້ອງປະເຊີນໜ້າກັບສິ່ງທ້າທາຍຢ່າງໃຫຍ່ຫຼວງ, ນັ້ນແມ່ນ ທ່າອ່ຽງແກ້ງແຍ້ງກັນ ແລະ ຕ້ານໂລກາພິວັດ. ການເພີ່ມທະວີເສດຖະກິດພາຍໃນກຸ່ມ ແລະ ການລົງທຶນຈະປະກອບສ່ວນຫັນບັນດາບຸລິມະສິດຂອງ ອາຊຽນ ໃນໄລຍະຈະມາເຖິງ ໃຫ້ປະກົດຜົນເປັນຈິງ, ໃນກອງປະຊຸມສໍາມະນາຄັ້ງນີ້ ຈະມີການສະເໜີ, ສະເໜີແນະກ່ຽວກັບນະໂຍບາຍທີ່ເປັນປະໂຫຍດໃຫ້ແກ່ການເຊື່ອມໂຍງເສດຖະກິດໃນພາກພື້ນ. ໃນສະພາບການເພີ່ມທະວີີການອາລັກຂາການຄ້ານັ້ນ, ອາຊຽນ ຕ້ອງເພີ່ມທະວີລັກສະນະເອກະພາບ ແລະ ຮັກສາຄວາມສະໜິດຕິດພັນ ເພື່ອຜ່ານຜ່າສິ່ງທ້າທາຍນາໆປະການ.
ວັນທີ 10 ມັງກອນ, ຢູ່ຮ່າໂນ້ຍ, ຄະນະເລຂາອາຊຽນ ແຫ່ງຊາດ ໄດ້ສົມທົບກັບກະຊວງອຸດສາຫະກຳ ແລະ ການຄ້າຫວຽດນາມ, ກະຊວງແຜນການ ແລະ ການລົງທຶນຫວຽດນາມ ພ້ອມກັບສະຖາບັນຄົ້ນຄວ້າອາຊຽນ ແລະ ອາຊີຕາເວັນອອກ (ERIA) ຈັດກອງປະຊຸມສຳມະນາຫົວເລື່ອງສະເພາະຂັ້ນສູງທີ່ວ່າ “ຊຸກຍູ້ການຄ້າ ແລະ ການລົງທຶນພາຍໃນກຸ່ມ ເພື່ອອາຊຽນ ສະໜິດຕິດພັນ ແລະ ເປັນເຈົ້າການຮັບມື”. ກອງປະຊຸມໄດ້ສະແດງໃຫ້ເຫັນແງ່ມູມຫຼາຍດ້ານກ່ຽວກັບການຮ່ວມມືດ້ານການຄ້າ, ການລົງທຶນໃນອາຊຽນ ແລະ ບັນດາຂໍ້ສະເໜີແນະດ້ານນະໂຍບາຍ; ສະພາບການຕົວຈິງໃນການຮ່ວມມືດ້ານການຄ້າ, ການລົງທຶນພາຍໃນກຸ່ມໃນປະຈຸບັນ, ບັນດານັກບັນລະຍາຍໄດ້ເນັ້ນໜັກເຖິງຄວາມສຳຄັນ ແລະ ຄວາມໝາຍຍຸດທະສາດຂອງການຊຸກຍູ້ການຄ້າ - ການລົງທຶນພາຍໃນກຸ່ມອາຊຽນ; ສະເໜີບາງການກຳນົດທິດເພື່ອແນໃສ່ຫັນວິໄສທັດປະຊາຄົມອາຊຽນ 2025 ໃຫ້ປະກົດຜົນເປັນຈິງ ກໍ່ຄືເສີມຂະຫຍາຍບົດບາດໃຈກາງຂອງອາຊຽນ ໃນສະພາບການໂລກ ແລະ ພາກພື້ນມີການຜັນແປຫຼາຍໃຫ້ມີປະສິດທິຜົນ, ໂດຍສະເພາະແມ່ນບັນດາການປ່ຽນແປງຢ່າງເລິກເຊິ່ງຈາກການປະຕິວັດອຸດສາຫະກຳຄັ້ງທີ 4.
（ໄຊພອນ）
