 |
ເຕືອນໄພແຫ້ງແລ້ງຄັ້ງຮ້າຍແຮງຢູ່ ກຳປູເຈຍ, ລາວ ແລະ ຫວຽດນາມ.(ພາບ: AFP/TTXVN)
ວັນທີ 19 ພະຈິກ 2019 ນີ້ ຊ່ຽວຊານ ຄະນະກຳມາທີການ ອົງການແມ່ນໍ້າຂອງ ໄດ້ອອກມາແຈ້ງເຕືອນໄພພິບັດດັ່ງກ່າວ ໃນຂະນະທີ່ລະດັບແມ່ນໍ້າຂອງແຫ້ງລົງໃນລະດັບຕໍ່າສູດໃນຮອບ 60 ປີ ຊຶ່ງມີຫຼາຍຊ່ວງຂອງແມ່ນໍ້າຂອງທີ່ໄຫຼອອກສູ່ 4 ປະເທດ ແຫ້ງຂອດນັບແຕ່ເດືອນ ມີຖຸນາ ເປັນຕົ້ນມາ.
ນັກຊ່ຽວຊານໄທ ແລະ ກຳປູເຈຍ ໃຫ້ຮູ້ວ່າ: ໄທ ແລະ ກຳປູເຈຍ ຈະໄດ້ຮັບຜົນກະທົບຮ້າຍແຮງກ່ວາ ລາວ ແລະ ຫວຽດນາມ.ເຫດຜົນຂອງການແຫ້ງແລ້ງ ແມ່ນຍ້ອນລະດູຝົນປີນີ້ ສັ້ນກ່ວາທຸກໆປີ 5 ອາທິດ ແລະ ກໍເລີ່ມຕົ້ນຊ້າກ່ວາ 2 ອາທິດ ແລະ ຢຸດເຊົາໄວກ່ວາ 3 ອາທິດ ສົມທົບກັບປາກົດການ El Nino ຊຶ່ງເຮັດໃຫ້ອຸນຫະພູມສູງຂຶ້ນຜິດປົກະຕິ ຈຶ່ງເຮັດໃຫ້ນໍ້າລະເຫີຍອາຍໄວກ່ວາ.
ສູນຄວບຄຸມໄພແຫ້ງແລ້ງ ແລະ ອຸທົກກະສາດ ພາກພື້ນທີ່ ພະນົມເປັນ ໄດ້ອອກມາແຈ້ງເຕືອນວ່າ ຄວາມແຫ້ງແລ້ງຍັງຈະສືບຕໍ່ແກ່ຍາວອອກໄປ, ປະຊາຊົນທີ່ດຳລົງຊີວິດຢູ່ໃນຂົງເຂດດັ່ງກ່າວ ອາດຈະຕົກຢູ່ໃນສະພາບຂາດນໍ້າໃຊ້. ຄາດວ່າ ສະພາບຄວາມແຫ້ງແລ້ງຈະຮູນແຮງຂຶ້ນໃນໄລຍະແຕ່ເດືອນ ທັນວາ ຫາ ຕົ້ນເດືອນມັງກອນ ປີ 2020.
ຄະນະກຳມາທິການ ອົງການແມ່ນໍ້າຂອງ ສ້າງຕັ້ງຂຶ້ນເມື່ອປີ 1995 ຊຶ່ງເປັນອົງການຈັດຕັ້ງສຳພັນທະມິດຂອງບັນດາລັດຖະບານ ກຳປູເຈຍ, ລາວ, ໄທ ແລະ ຫວຽດນາມ ຮ່ວມກັນຄຸ້ມຄອງຕົ້ນແມ່ນໍ້າ ແລະ ພັດທະນາແມ່ນໍ້າຂອງໃຫ້ຢັ້ງຢືນ./.
（ນົກແອ່ນແດນໜາວ）
