 |
ຫໍວາງສະແດງກ່ຽວກັບ ໝູ່ເກາະ ຮວ່່າງຊາ ຢູ່ນະຄອນດ່າໜັງ.(ພາບ:TTXVN)
ທ່ານ Trofimchuk ໄດ້ຍົກໃຫ້ເຫັນຢ່າງຈະແຈ້ງບັນດາຄວາມປະທັບໃຈຢ່າງແຮງຂອງທ່ານ ເມື່ອໄດ້ເຫັນປະຈັກຕາບັນດາວັດຖຸພັນປະຫວັດສາດ ທີ່ມີລັກສະນະເກ້ຍກ່ອມຂອງຫວຽດນາມ ກ່ຽວກັບ ອະທິປະໄຕສໍາລັບໝູ່ເກາະຮວ່າງຊາ ຢູ່ ທະເລຕາເວັນອອກ. ນັກຊ່ຽວຊານ ລັດເຊຍ ຖືວ່າ ບັນດາວັດຖຸພັນທີ່ໄດ້ວາງສະແດງຢູ່ນີ້ ແມ່ນບັນດາວັດຖຸເອກະສານປະຫວັດສາດຕົວຈິງ ອັນໄດ້ພິສູດຢ່າງຈະແຈ້ງ, ກ່ຽວກັບເກາະ, ໝູ່ເກາະ ທີ່ຂຶ້ນກັບກໍາມະສິດຂອງຫວຽດນາມ ນັບແຕ່ຫຼາຍສະຕະວັດຜ່ານມາ. ໂດຍເປັນນັກຄົ້ນຄວ້າກ່ຽວກັບບັນດາການຂັດແຍ້ງທາງດ້ານຜືນແຜ່ນດິນ ແລະ ກ່ຽວກັບສະພາບຢູ່ທະເລຕາເວັນອອກ, ທ່ານ Trofimchuk ປາດຖະໜາວ່າ ໃນໄລຍະຈະມາເຖິງ, ບັນດານັກຊ່ຽວຊານທີ່ຄົ້ນຄວ່າກ່ຽວກັບທະເລຕາເວັນອອກ ຢູ່ລັດເຊຍ ອາດຈະຈັດຕັ້ງກອງປະຊຸມວິທະຍາສາດ ຢູ່ທີ່ບໍລິເວນຂອງຫໍວາງສະແດງແຫ່ງນີ້.
ເພື່ອແນໃສ່ໂຄສະນາເຜີຍແຜ່ຢ່າງເລິກເຊິ່ງກວ້າງຂວາງ ກ່ຽວກັບບັນຫາປົກປັກຮັກສາອະທິປະໄຕເຂດທະເລໝູ່ເກາະຂອງປະເທດຊາດ, ຢັ້ງຢືນບັນດາຫຼັກຖານປະຫວັດສາດ, ນິຕິກໍາ ກ່ຽວກັບອະທິປະໄຕຂອງຫວຽດນາມ ຢູ່ທະເລຕາເວັນອອກ; ກ່ຽວກັບຄວາມໝາຍຄວາມສໍາຄັນຂອງທະເລ, ໝູ່ເກາະໃນພາລະກິດແຫ່ງການສ້າງສາ ແລະ ພັດທະນາປະເທດຊາດ; ຈາກນັ້ນ, ສ້າງຄວາມເຫັນດີເຫັນພ້ອມ, ຄວາມເປັນເອກະພາບ; ເສີມຂະຫຍາຍໜ້າທີ່ຄວາມຮັບຜິດຊອບຂອງພົນລະເມືອງໃນການປົກປົກຮັກສາອະທິປະໄຕເຂດທະເລ,ໝູ່ເກາະ ອັນສັກກະລະບູຊາຂອງປະເທດຊາດ... ຕອນເຊົ້າວັນທີ 14 ຕຸລາ, ໜັງສືພິມເອເລັກໂຕນິກພັກກອມມູນິດຫວຽດນາມ ໄດ້ຈັດຕັ້ງກອງປະຊຸມໂອ້ລົມສົນທະນາ ດ້ວຍຫົວຂໍ້ “ສິດ ແລະ ຜົນປະໂຫຍດອັນຊອບທໍາຂອງຫວຽດນາມ ຢູ່ທະເລຕາເວັນອອກ ຕາມກົດໝາຍສາກົນ”.
ໂດຍເປັນປະເທດແຄມທະເລ, ຕັ້ງຢູ່ທາງທິດຕາເວັນຕົກຂອງທະເລຕາເວັນອອກ, ຫວຽດນາມ ມີຝັ່ງທະເລຍາວກວ່າ 3.260 ກິໂລແມັດ; ບັນດາເຂດທະເລຂຶ້ນກັບອະທິປະໄຕ, ສິດອະທິປະໄຕ, ສິດອໍານາດສານ ແມ່ນມີເນື້ອທີ່ກວ່າ 1 ລ້ານ km2, ກວ້າງທົບກວ່າ 3 ເທົ່າເມື່ອທຽບໃສ່ເນື້ອທີ່ທາງບົກ, ດ້ວຍ 2 ໝູ່ເກາະແມ່ນ ຮວ່າງຊາ ແລະ ເຈື່ອງຊາ ແລະ ມີເກາະຫຼາຍກວ່າ 3.000 ແຫ່ງ ແລະ ຫຼາຍໝູ່ເກາະອື່ນໆ. ຫວຽດນາມ ມີພົນລະເມືອງກວ່າ 50% ດໍາລົງຊີວິດຢູ່ 28 ແຂວງ, ນະຄອນແຄມທະເລ. ຫຼາຍບໍລິເວນແຄມທະເລ, ກໍຄືເກາະແຫ່ງຕ່າງໆຢູ່ຫວຽດນາມ ມີທີ່ຕັ້ງພູມີສາດ ແມ່ນມີຄວາມສໍາຄັນທີ່ສຸດສໍາລັບການພັດທະນາເສດຖະກິດ ແລະ ການປ້ອງກັນຊາດ, ປ້ອງກັນຄວາມສະຫງົບ.
（ໄຊພອນ）
