 |
ຫວຽດນາມ - ລັດເຊຍ: ເພີ່ມທະວີການຮ່ວມມືດ້ານປ້ອງກັນຊາດ.(ພາບ: TTXVN)
ທ່ານ ພົນເອກ Valery Gerasimov ໄດ້ຢັ້ງຢືນວ່າ: ຫວຽດນາມ ແມ່ນປະເທດເພື່ອນມິດທີ່ເປັນມູນເຊື້ອດ້ວຍການພົວພັນອັນດີງາມເຊິ່ງໄດ້ພິສູດຜ່ານການເວລາ. ລັດເຊຍ ໄດ້ຕີລາຄາສູງລັກສະນະຂະຫຍັນຂັນເຄື່ອນຂອງບັນດາການສົນທະນາລະດັບຍຸດທະສາດ ແລະ ຂໍ້ຕົກລົງທີ່ບັນລຸໄດ້ລະຫວ່າງການນຳຂັ້ນສູງສອງປະເທດ. ທ່ານ ພົນເອກ Valery Gerasimov ໃຫ້ຮູ້ວ່າ: ສະຫະພັນ ລັດເຊຍ ຕີລາຄາສູງຕໍ່ ໝາກຜົນຂອງການຮ່ວມມືເຫຼົ່າທັບທະຫານ, ເຕັກນິກການທະຫານ, ລະບອບນິຕິກຳ, ການແພດທະຫານ, ການບຳລຸງສ້າງພ້ອມທັງຢັ້ງຢືນວ່າຈະສືບຕໍ່ສະຫງວນບັນດາທຶນການສຶກສາໃຫ້ແກ່ກະຊວງປ້ອງກັນປະເທດ ຫວຽດນາມ ໃນປີ 2019 - 2020.
ທ່ານພົນໂທ ຟານວັນຢາງ ຢືນຢັນວ່າ: ຫວຽດນາມ ຍາມໃດກໍ່ຖືເປັນສໍາຄັນການປັບປຸງ, ພັດທະນາການພົວພັນມິດຕະພາບທີ່ເປັນມູນເຊື້ອ, ຄູ່ຮ່ວມມືຍຸດທະສາດຮອບດ້ານກັບສະຫະພັນລັດເຊຍ. ຫວຽດນາມ ຖືການຮ່ວມມືກັບສະຫະພັນລັດເຊຍ ແມ່ນໜຶ່ງໃນບັນດາບຸລິມະສິດສໍາຄັນແຖວໜ້າໃນນະໂຍບາຍການຕ່າງປະເທດຂອງຕົນ.
ຫົວໜ້າເສນາທິການໃຫຍ່ສອງປະເທດໄດ້ເຫັນດີເປັນເອກະພາບກ່ຽວກັບແຜນນະໂຍບາຍ, ເພີ່ມທະວີການຮ່ວມມືດ້ານປ້ອງກັນຊາດຕາມທິດຍາວນານ, ແທດຈິງ ແລະ ໄວ້ເນື້ອເຊື່ອໃຈ, ບົນພື້ນຖານບັນດາສົນທິສັນຍາ, ຂໍ້ຕົກລົງສາກົນສອງຝ່າຍ, ໃນນັ້ນສຸມໃສ່ປະຕິບັດແຜນການຮ່ວມມືພັດທະນາການພົວພັນຮ່ວມມືດ້ານປ້ອງກັນຊາດໄລຍະ 2018 – 2020 ທີ່ໄດ້ຮັບການລົງນາມແລ້ວ ຢ່າງມີປະສິດທິຜົນ; ສອງຝ່າຍຈະສືບຕໍ່ຊຸກຍູ້ການລົງນາມໃນບັນດາເອກະສານເພີ່ມທະວີການຮ່ວມມື, ໃນນັ້ນມີຖະແຫຼງການວິໄສທັດຮ່ວມກ່ຽວກັບການພົວພັນຮ່ວມມືປ້ອງກັນຊາດໄລຍະ 2019 - 2023.
（ໄຊພອນ）
