ງານບຸນດໍາເນີນແຕ່ວັນທີ 26 – 28 ກໍລະກົດ ທີ່ເຂດສວນສາທາລະນະ ເກົາຣົ່ງ (ເມືອງເຊີນຈ່າ), ດ້ວຍຮ້ານວາງສະແດງ 60 ຮ້ານຂອງບັນດາອົງການ, ຫົວໜ່ວຍພາຍໃນປະເທດ ແລະສາກົນ, ລວມມີບັນດາຂົງເຂດ: ແນະນໍາວັດທະນະທໍາຫວຽດນາມ - ຍີ່ປຸ່ນ; ອາຫານພື້ນເມືອງຫຼາຍເຍື່ອງຂອງສອງປະເທດ; ຂໍ້ມູນກ່ຽວກັບການສຶກສາ, ທ່ອງທ່ຽວ ແລະການຄ້າ.
 |
ຜູ້ຕາງຫນ້າຂອງສອງປະເທດໄດ້ປະຕິບັດພິທີໄຂເຫຼົ້າ Sake ປະເພນີຂອງຍີ່ປຸ່ນ. (ພາບ: giaoducthoidai.vn)
ໃນຂອບເຂດງານບຸນຈະມີຫຼາຍກິດຈະກໍາທີ່ຟົດຟື້ນ, ເປັນເອກະລັກສະເພາະທີ່ແນະນໍາສີສັນວັດທະນະທໍາສິລະປະຂອງສອງປະເທດ ຄື: ສິລະປະການແຕ້ມໂຕໜັງສືຈີນ, ປັກດອກໄມ້ Ikebana, ສິລະປະຊົງຊາ, ເຮັດເຂົ້າໜົມ, ຟ້ອນບູຮານ ແລະທັນສະໄໝ... ນອກຈາກນີ້ງານບຸນຍັງຈັດບັນດາກິດຈະກໍາອື່ນໆອີກຄື: ກອງປະຊຸມສໍາມະນາສົ່ງເສີມການຮ່ວມມືແຫຼ່ງແຮງງານລະຫວ່າງນະຄອນດ່ານັ້ງ ແລະອໍານາດການປົກຄອງບັນດາທ້ອງຖິ່ນຂອງຍີ່ປຸ່ນ; ງານແຂ່ງຂັນປາຖະກະຖາດ້ວຍ ພາສາຍີ່ປຸ່ນ...
（ຄຳຮຸ່ງ）
