ຮອງເລຂາຄະນະປະຈຳພັກແຂວງ ເຂົ້າວາງພວງມາລາ ຢູ່ ສຸສານວິລະຊົນສາກົນ ຫວຽດ-ລາວ

ຕອນເຊົ້າຂອງວັນທີ 22 ກໍລະກົດ, ເພື່ອສະເຫຼີມສະຫຼອງ ວັນຜູ້ເສຍອົງຄະ-ວິລະຊົນ (27/7/1947-27/7/2019) ຄະນະບໍລິຫານງານແຂວງ, ສະພາປະຊາຊົນ, ອົງການແນວໂຮມຊາດແຂວງ ໂດຍ ສະຫຫາຍ ຫງວ໋ຽນ ຊົນ ເຊີນ - ຮອງເລຂາຄະນະປະຈຳພັກແຂວງ, ປະທານສະພາປະຊາຊົນແຂວງ ໄດ້ນຳພາ ເຂົ້າວາງພວງມາລາ, ຈູດທູບທຽນອາໄລ ຢູ່ ສຸສານວິລະຊົນສາກົນ ຫວຽດນາມ-ລາວ, ແລະ ມອບຂອງຂັວນໃຫ້ແກ່ຜູ້ທີ່ມີຜົນງານດີເດັ່ນ ຢູ່ ແຂວງເຫງະອານ.

ເຂົ້າຮ່ວມພິທີວາງພວງມາລາ ມີ ສະຫາຍ ເລ ຮົ່ງ ວິງ - ກຳມະການຄະນະປະຈຳພັກແຂວງ, ຮອງປະທານຄະນະກຳມະການປະຊາຊົນແຂວງ; ຕາງໜ້າອົງການແນວໂຮມສ້າງຊາດແຂວງ, ຕໍາຫຼວດແຂວງ, ກອງບັນຊາການທະຫານແຂວງ, ກອງບັນຊາການທະຫານຊາຍແດນແຂວງ, ບັນດາພະແນກ, ຂະແໜງການທີ່ກ່ຽວຂ້ອງ; ການນຳຂັ້ນເມືອງແອັງເຊີນ.(ພາບ: ໝີງາ)

ຄະນະຜູ້ແທນ ໄດ້ເຂົ້າວາງພວງມາລາ ຢູ່ ອະນຸສອນສະຖານ ປະທານ ໂຮ່ຈີ໋ມິນ ຢູ່ ສຸສານວິລະຊົນສາກົນ ຫວຽດນາມ-ລາວ.(ພາບ: ໝີງາ)

ຄະນະຜູ້ແທນໄດ້ເຂົ້າວາງພວງມາລາ, ຈູດທູບທຽນ ອາໄລເຖິງດວງວິນຍານັກຮົບວິລະຊົນ, ນັກຮົບຜູ້ອົງອາດກ້າຫານ ຢູ່ ສຸສານ, ເພື່ອສະແດງເຖິງຄວາມອາໄລຫາ ຈົດຈຳເຖິງຄຸນງາມຄວາມດີຂອງບັນດານັກຮົບວິລະຊົນ ທີ່ເສຍຊີວິດ ເພື່ອ ເອກະລາດຂອງປະຊາຊົນບັນດາເຜົ່າ, ເພື່ອມິດຕະພາບ ສອງປະເທດຫວຽດນາມ - ລາວ. (ພາບ: ໝີງາ)

ສຸສານວິລະຊົນແຫ່ງຊາດ ຫວຽດນາມ - ລາວ ຕັ້ງຢູ່ໃຈກາງເມືອງ ແອັງເຊີນ, ເປັນສະຖານທີ່ເຕົ້າໂຮມອັດຖິທະຫານວິລະຊົນ ຫຼາຍກວ່າ 11 ອັດຖິ, ເຊິ່ງແມ່ນທະຫານອາສາສະຫມັກ ແລະ ຜູ້ຊ່ຽວຊານຫວຽດນາມ ທີ່ເສຍສະຫຼະ ຊີວິດ ຢູ່ ປະເທດລາວ. ໃນນັ້ນ, ມີປະມານ 3.500 ຫຼຸມຝັງສົບທີ່ມີຊື່, ບ້ານເກີດເມືອງນອນ, ສ່ວນທີ່ຍັງເຫຼືອແມ່ນ ຍັງບໍ່ທັນມີຊື່ ແລະ ທີ່ຢູ່ຄັກແນ່.(ພາບ: ໝີງາ)

ຈູບທູບຫອມເພີ່ມສະແດງຄວາມອາໄລເຖິງບັນດານັກຮົບວິລະຊົນ, ສະຫາຍ ຫງວ໋ຽນ ຊົນ ເຊີນ ແລະ ຄະນະຜູ້ແທນ ໃຫ້ຄຳໝັ້ນສັນຍາວ່າຈະມານະພະຍາຍາມ ອຸທິດຕົນເພື່ອສ້າງສາພັດທະນາບ້ານເກີດເມືອງນອນ ໃຫ້ນັບມື້ນັບຮັ່ງມີ ແລະ ເຂັ້ມແຂງ; ຫວັງເປັນຢ່າງຍິ່ງວ່າດວງວິນຍານຂອງນັກຮົບວິລະຊົນຈະຄຸ້ມຄອງ ໃຫ້ບ້ານເມືອງມີແຕ່ຄວາມສະຫົງບສຸກ, ປະເທດກໍ່ຄືແຂວງເຫງະອານ ນັບມື້ນັບໄດ້ຮັບການພັດທະນາ.(ພາບ: ໝີງາ)

ຈາກນັ້ນ, ຄະນະຜູ້ແທນໄດ້ໄປຢ້ຽມຢາມ ແລະ ມອບຂອງຂວັນໃຫ້ ແມ່ຫວຽດນາມວິລະຊົນ ວີ ຖິ ກຸ໋ຍ (ເກີດ ປີອ1920) ຢູ່ ບ້ານ ເກິ້ມເລີ້ຍ, ຕາແສງເກິ້ມເຊີນອ(ແອັງເຊີນ). ແມ່ ກຸ໋ຍ ມີລູກ 7 ຄົນ, ໃນນັ້ນມີລູກ 2 ຄົນ, ແມ່ນນັກຮົບວິລະຊົນ.(ພາບ: ໝີງາ)

ມອບຂອງຂວັນໃຫ້ທະຫານຜູ້ເສຍອົງຄະ ບຸ່ຍວັນມຸ່ຍ (ເສຍອົງຄະ ¼ ຂອງຮ່າງກາຍ) ຢູ່ ບ້ານ ເກິ້ມເລີ້ຍ, ຕາແສງເກິ້ມເຊີນ(ແອັງເຊີນ). (ພາບ:ໝີງາ)

ໂອກາດນີ້, ຕາງໜ້າການນຳແຂວງ, ຮອງກຳມະການຄະນະປະຈຳພັກແຂວງ ສະຫຫາຍ ຫງວ໋ຽນ ຊົນ ເຊີນ ໄດ້ມອບຂອງຂວັນໃຫ້ແກ່ຄະນະຄຸ້ມຄອງ ສຸສານນັກຮົບວິລະຊົນສາກົນ ຫວຽດ-ລາວ, ຍ້ອນການປະກອບສ່ວນໃນພາລະກິດປົກປັກຮັກສາ, ເບິ່ງແຍງ, ສ້ອມແປງ ບັນດາຫຼຸມຝັງສົບນັກຮົບວິລະຊົນ.(ພາບ: ໝີງາ)

（ຫັດ​ທະ​ບູນ）