 |
ຜູ້ນຳຂອງສາມປະເທດ ລາວ, ຫວຽດນາມ, ກໍາປູເຈຍ ມີການພົບປະເຈລະຈາ ໃນນອກກອງປະຊຸມສຸດຍອດອາຊຽນຄັ້ງທີ 34. (ພາບ: TTXVN)
ນາຍົກລັດຖະມົນຕີ ທັງ 3 ປະເທດ ໄດ້ສະແດງຄວາມຍິນດີ ທີ່ ຫວຽດນາມ, ລາວ ແລະ ກໍາປູເຈຍ ທີ່ກໍາລັງບັນລຸຜົນສໍາເລັດຢ່າງເຂັ້ມແຂງ ໃນການພັດທະນາເສດຖະກິດ - ສັງຄົມ, ປັບປຸງຊີວິດການເປັນຢູ່ ຂອງປະຊາຊົນໃນສາມປະເທດ ນັບມື້ນັບດີຂຶ້ນກວ່າເກົ່າ, ທັງສາມປະເທດ ກໍ່ກໍາລັງມານະພະຍາຍາມໃນການປະຕິຮູບ, ເປີດກວ້າງ ແລະ ການເຊື່ອມໂຍງສາກົນ.
ຜູ້ນໍາທັງສາມປະເທດ ສະແດງ ຄວາມຍິນດີທີ່ໄດ້ເຫັນສາຍພົວພັນມິດຕະພາບ, ຄວາມສາມັກຄີໄກ້ສິດ ລະຫວ່າງຫວຽດນາມ-ລາວ-ກໍາປູເຈຍ ທີ່ນັບມື້ເຕີບໃຫຍ່ຂະຫຍາຍໂຕຢ່າງເຂັ້ມແຂງ, ມີຄວາມເຊື່ອໝັ້ນເຊິ່ງກັນ ແລະ ກັນ, ປະກອບສ່ວນ ປົກປັກຮັກສາ ສະພາບແວດລ້ອມແຫ່ງສັນຕິພາບ, ການຮ່ວມມື ແລະ ການພັດທະນາ ໃນພາກພື້ນ ແລະ ໃນໂລກ.
ນາຍົກລັດຖະມົນຕີ ທັງສາມ ເຫັນດີເປັນເອກະພາບ ໃນການຮ່ວມມື ໃນຂອບເຂດສາມລ່ຽມການພັດທະນາ ກໍາປູເຈຍ - ລາວ - ຫວຽດນາມ , ອະນຸພາກພື້ນແມ່ນນຳ້ຂອງ, ສຳເລັດແຜນແມ່ບົດ ເຊື່ອມໂຍງ 3 ພື້ນຖານ ເສດຖະກິດ ຂອງສາມ ປະເທດ, ເນັ້ນຫນັກເຖິງຄວາມສໍາຄັນຂອງການດຶງດູດ ແຫ່ຼ່ງການເງິນ, ເຕັກໂນໂລຊີ ໃຫ້ແກ່ໂຄງການອະນຸພາກພື້ນ.
ນາຍົກລັດຖະມົນຕີ ສາມປະເທດຍັງ ເຫັນດີເປັນເອກະພາບໃນການເພີ່ມທະວີຮ່ວມມື, ຮັກສາຄວາມສະຫົງບລຽບຕາມແນວຊາຍແດນ, ຊຸກຍູ້ການຄ້າ, ການລົງທືນ, ເຊື່ອມໂຍງເຂດຊາຍແດນ, ຢືນຢັນໃນການຕັດສິນໃຈສ້າງເຂດຊາຍແດນ ສາມປະເທດ ໃຫ້ມີສັນຕິພາບ, ມິດຕະພາບ ແລະ ພັດທະນາ.
ຢືນຢັນວ່າຫວຽດນາມ ຈະສືບຕໍ່ສະຫນັບສະຫນູນ ສປປ ລາວ ແລະ ກໍາປູເຈຍ ໃນການກໍ່ສ້າງຊັບພະຍາກອນມະນຸດ, ແບ່ງປັນປະສົບການໃນການຄຸ້ມຄອງ ແລະ ການພັດທະນາເສດຖະກິດ-ສັງຄົມ.
ພ້ອມນີ້ ຜູ້ນໍາທັງສາມປະເທດ ເຫັນດີເປັນເອກະພາບໃນການປະສານສົມທົບກັນຢ່າງໃກ້ຊິດ ຢູ່ ທີ່ບັນດາເວທີກອງປະຊຸມລະດັບພາກພື້ນ ແລະ ສາກົນ, ສົ່ງເສີມການສ້າງປະຊາຄົມ ອາຊຽນ ສາມັກຕີ, ເປັນເອກກະພາບ, ຕື່ນຕົວສ້າງຄວາມເຂັ້ມແຂງ ແລະ ມີບົດບາດສູນກາງ.
ທ່ານນາຍົກລັດຖະມົນຕີ ທອງລຸນ ສີສຸລິດ ແລະ ນາຍົກລັດຖະມົນຕີ Hunsen ໄດ້ສະແດງຄວາມຍິນດີ ກັບ ຫວຽດນາມ ທີ່ໄດ້ຮັບການເລືອກຕັ້ງເປັນສະມາຊິກ ສະພາຄວາມໝັ້ນຄົງ ສະຫະປະຊາຊາດ ດ້ວຍຄະແນນສຽງທີ່ສູງ ແລະ ຢືນຢັນຈະສະໜັບສະໜູນ ຫວຽດນາມ ໃນສະໄໝອາຍຸການ -ເປັນປະທານ ASEAN 2020.
（ຄຳຮຸ່ງ）
