ທ່ານນາຍົກລັດຖະມົນຕີສິ້ນສຸດການຢ້ຽມຢາມ ລັດເຊຍ, ນອກແວ ແລະ ສະວິດເດັນ ຢ່າງຈົບງາມ

ໃນຕອນເຊົ້າວັນທີ 29 ພຶດສະພາ 2019, ທ່ານນາຍົກລັດຖະມົນຕີ ຫງວຽນ ຊວນ ຟຸກ ພ້ອມກັບພັນລະຍາ ແລະ ຄະນະຜູ້ແທນຂັ້ນສູງ ຫວຽດນາມ ໄດ້ກັບມາຮອດຮ່າໂນ້ຍ.(ພາບ:TTXVN)

ບັນດາການຢ້ຽມຢາມໄດ້ປະຕິບັດຕາມຄຳເຊີນຂອງທ່ານນາຍົກລັດຖະມົນຕີ ລັດເຊຍ Dmitri Medvedev, ທ່ານນາງນາຍົກລັດຖະມົນຕີ ນອກແວ Erna Solberg, ທ່ານນາຍົກລັດຖະມົນຕີ ສະວິດເດັນ Stegan Lofven.

ການຢ້ຽມຢາມບັນດາປະເທດດັ່ງກ່າວໄດ້ດຳເນີນຢ່າງປະສົບຜົນສຳເລັດອັນຈົບງາມ, ປະກອບສ່ວນປັບປຸງ ແລະ ພັດທະນາການພົວພັນທາງການເມືອງ, ປຶກສາຫາລືບັນດາມາດຕະການຮ່ວມມືທາງການຄ້າ, ການລົງທຶນ, ການສຶກສາ ບຳລຸງສ້າງ, ວິທະຍາສາດ - ເຕັກໂນໂລຢີ, ພັດທະນາເສດຖະກິດທະເລ, ຮ່ວມມືຂຸດຄົ້ນນ້ຳມັນອາຍແກັດ ແລະ ພັດທະນາພະລັງງານສະອາດ, ຮ່ວມມືໃນການປ່ຽນແປງໃໝ່ປະດິດຄິດສ້າງ ແລະ ຄົ້ນຄ້ວາພັດທະນາ… ພ້ອມກັນນັ້ນແມ່ນຊຸກຍູ້ການຮ່ວມມືໃນຂົງເຂດວັດທະນະທຳ, ການທ່ອງທ່ຽວ ແລະ ອື່ນໆ.

（ໄຊພອນ）