 |
ທ່ານ ນາງ ຫງວຽນ ຖີ້ ກີມ ເງິນ ກ່າວຄໍາເຫັນທີ່ການພົບປະ
ກ່າວຄໍາເຫັນທີ່ການພົບປະ, ໃນນາມສະພາແຫ່ງຊາດຫວຽດນາມ, ທ່ານ ນາງ ຫງວຽນ ຖີ້ ກີມ ເງິນ ໄດ້ກ່າວຄໍາອວຍພອນໄປຍັງບັນດາຜູ້ແທນທັງໝົດເນື່ອງໃນໂອກາດສະເຫຼີມສະຫຼອງວັນແມ່ຍິງສາກົນ ວັນທີ 8 ມີນາ. ທ່ານ ນາງ ຫງວຽນ ຖີ້ ກີມ ເງິນ ກໍ່ໄດ້ກ່າວວ່າ, ປະຈຸບັນແມ່ຍິງຫວຽດນາມສືບຕໍ່ມີບົດບາດອັນສໍາຄັນໃນການປ່ຽນແປງ, ພັດທະນາປະເທດຊາດ, ອະນຸລັກຮັກສາມູນເຊື້ອວັດທະນະທໍາອັນດີງາມຂອງປະເທດຊາດ, ປະກອບສ່ວນເຂົ້າໃນວິວັດການເຊື່ອມໂຍງເຂົ້າກັບສາກົນ.
ທ່ານ ນາງ ຫງວຽນ ຖີ້ ກີມ ເງິນ ປະທານສະພາແຫ່ງຊາດຫວຽດນາມ ໃຫ້ຮູ້ວ່າ ຕົ້ນອາທິດຜ່ານມາ, ຫວຽດນາມເປັນກຽດໄດ້ຮັບການເລືອກເຟັ້ນເປັນປະເທດເຈົ້າພາບຈັດສໍາເລັດ ກອງປະຊຸມຕາໜ່າງສະມາຊິກລັດຖະສະພາເພດຍິງ ແລະ ກອງປະຊຸມຄະນະກໍາມະການການສຶກສາ, ການສື່ສານ, ວັດທະນະທໍາ ຂອງ ສະຫະພັນລັດຖະສະພາໃຊ້ພາສາຝະລັ່ງ. ຫວຽດນາມ ຈະສືບຕໍ່ເປັນສະມາຊິກເຂົ້າຮ່ວມຢ່າງມີຄວາມຮັບຜິດຊອບໃນກອງປະຊຸມລັດຖະສະພາເພດຍິງ ຢູ່ບັນດາເວທີປາໄສ ສະຫະພັນລັດຖະສະພາໂລກ (IPU), ສະພາລະຫວ່າງລັດຖະສະພາສະມາຄົມບັນດາປະເທດອາຊີຕາເວັນອອກສ່ຽງໃຕ້ (AIPA) ແລະ ຕໍ່ໄປແມ່ນເວທີປາໄສລັດຖະສະພາ ອາຊີ - ປາຊີຟີກ (APPF).
 |
ທ່ານ ນາງ ຫງວຽນ ຖີ້ ກີມ ເງິນ ຖ່າຍຮູບກັບບັນດາຜູ້ແທນ
ທ່ານ ນາງ ຫງວຽນ ຖີ້ ກີມ ເງິນ ກໍ່ໄດ້ເນັ້ນໜັກວ່າ ຜ່ານພວກເພື່ອນມິດ, ຫວຽດນາມ ໄດ້ຮັບການແບ່ງປັນບັນດາບົກຮຽນອັນລໍ້າຄ່າຈາກບັນດາປະເທດ, ໄດ້ຮັບການຊ່ວຍເຫຼືອກ່ຽວກັບແຫຼ່ງຊັບພະຍາກອນມະນຸດ ແລະ ເຕັກນິກ ເພື່ອຊຸກຍູ້ວິວັດການໃນການເຊື່ອມໂຍງ, ຈັດຕັ້ງປະຕິບັດບັນດາເປົ້າໝາຍທີ່ໄດ້ວາງອອກໃນໂຄງການດໍາເນີນງານ ປີ 2030 ກ່ຽວກັບການພັດທະນາແບບຍຶນຍົງ ມຸ່ງໄປສູ່ການເຕີບໂຕແບມກວມລວມ, ກໍຄືການຮ່ວມເດີນທາງກັບຫວຽດນາມໃນເສັ້ນທາງມຸ່ງໄປສູ່ເປົ້າໝາຍຄວາມສະເໝີພາບລະຫວ່າງ ຍິງ - ຊາຍ ເພື່ອອະນາຄົດທີ່ຂະຫຍັນຂັນເຄື່ອນ, ກວມລວມ ແລະ ວັດທະນາຖາວອນ.
（ໄຊພອນ）
