ຈະລົງນາມຂໍ້ຕົກລົງການຄ້າເສລີລົດໃຫຍ່ ລະຫວ່າງປະເທດອາຊຽນ

ພາບປະກອບ

ກອງປະຊຸມເຈົ້າໜ້າທີ່ເສດຖະກິດລະດັບສູງອາຊຽນທ່ີຈັດຂຶ້ນຢູ່ບາງກອກ ປະເທດໄທ ໄດ້ອັດລົງເມື່ອທ້າຍອາທິດຜ່ານມາ. ກອງປະຊຸມຄັ້ງນີ້ໄດ້ຢືນຢັນວ່າ: ກອງປະຊຸມ ລະດັບ ລັດຖະມົນຕີເສດຖະກິດອາຊຽນຈະຈັດຂື້ນ ໃນເດືອນກັນຍາ ປີນີ້ ແລະ ຄາດວ່າຈະມີການລົງນາມຂໍ້ຕົກລົງ 2 ສະບັບຄື: ຂໍ້ຕົກລົງກົນໄກການຍອມຮັບ ແລະ ອະນຸມັດຮ່ວມກັນກ່ຽວກັບການສົ່ງອອກລົດໃຫຍ່ ລວມໄປເຖິງ ອຸປະກອນ ແລະ ຂໍ້ຕົກລົງກ່ຽວກັບການປັບປຸງກົນໄກແກ້ໄຂຄວາມຂັດແຍ້ງເພື່ອສົ່ງເສີມ ແລະ ກະຕຸ້ນການຄ້າເສລີລະຫວ່າງປະເທດອາຊຽນ.

ພາບປະກອບ

ສ.​ເກົາຫລີ​ສົ່ງ​ອອກ​ ລົ​ດ​ໃຫຍ່​ໃນ​ໄລຍະ 6 ​ເດືອນ​ຜ່ານ​ມາ ​ເພີ່ມ​ຂຶ້ນ 2,5% ​ເມື່ອ​ທຽບ​ໃສ່​ ປີ​ກາຍ​ນີ້ ​ເນື່ອງ​ຈາກ​ຄວາມ​ຕ້ອງການ​​ໃນ​ຕະຫລາດ​ເພີ​່ມຂຶ້ນ​ສົ່ງ​ຜົນ​ໃຫ້​ມູນ​ຄ່າ​ການ​ສົ່ງ​ອອກລົ​ດ​ໃຫຍ່​ ສ.​ເກົາຫລີ​ ໄປ​ຍັງ​ເຂດ​ອາ​ເມ​ລິ​ກາ​ເໜືອ ​ບັນລຸ 9,47 ຕື້​ໂດ​ລາ​ສະຫະລັດ,​ ເພີ່ມ​ 21,3% ​ ​ໃນ​ຂະນະ​ທ່ີສົ່ງ​ອອກ​ໄປ​ຍັງ​ສະຫະພັນ​ເອີຣົບ (EU) ​ແລະ ​ເຂດ​ຕາ​ເວັນ​ອອກ​ກາງ ລວມມີ 4,45 ຕື້​ໂດ​ລາ​ສະຫະລັດ ​ແລະ 1,74 ຕື້​ໂດ​ລາ​ສະຫະລັດ ຫລຸດ​ລົງ 0,9% ​ແລະ 20,9% ຕາມ​ລຳດັບ. ສ່ວນ​ຈຳນວນ​ລົດ​​ໃຫຍ່​ພາຍ​ໃນ​ ສ.​ເກົາຫລີ ຫລຸດ​ລົງ 3,7% ​ເຫລືອ 867.380 ຄັນ.

（ໄຊພອນ）