 |
ເລຂາທິການໃຫຍ ປະທານປະເທດ ສສ ຫວຽດນາມ ຫງວ໋ຽນ ຟູ໋ຈ້ອງ ແລະ ທ່ານ ຮຸນເຊນ ນາຍົກລັດຖະມົນຕີ ກຳປູເຈຍ. (ພາບ:vietnamplus.vn)
ທ່ານ ຮຸນເຊນ ນາຍົກລັດຖະມົນຕີ ກຳປູເຈຍ ສະແດງຄວາມດີໃຈທີ່ໄດ້ຕ້ອນຮັບ ເລຂາທິການໃຫຍ ປະທານປະເທດ ຫງວ໋ຽນ ຟູ໋ຈ້ອງ ຢ້ຽມຢາມຂັ້ນລັດຖະບານ ກຳປູເຈຍ ຕາມຄຳເຊີນຂອງ ສົມເດັດ Norodom Sihamoni, ຢືນຢັນວ່າການຢ້ຽມຢາມມີຄວາມສຳຄັນປະຫັວດສາດ, ເປັນສິ່ງທີ່ສະແດງຢ່າງມີຊີວິດຊີວາ ໃຫ້ແກ່ສາຍພົວພັນບ້ານໄກ້ເຮືອນຄຽງອັນດີງາມ, ມິດຕະພາບອັນເກົ່າແກ່, ຮັດແໜ້ນຍາວນານລະຫວ່າງສອງພັກສອງລັດ ແລະ ປະຊາຊົນສອງຊາດ, ເປີດສາກວິວັດການໃໝ່ແກ່ການພົວພັນ ຫວຽວດນາມ-ກຳປູເຈຍ.
ທ່ານ ຮຸນເຊນ ນາຍົກລັດຖະມົນຕີ ກຳປູເຈຍ ສະແດງຄວາມຂອບໃຈຢ່າງເລິກເຊິ່ງຕໍ່ກັບການຊ່ວຍເຫຼືອອັນຍິ່ງໃຫຍ່ທີ່ບັນດາການນຳ ແລະ ປະຊາຊົນຫວຽດນາມ ໄດ້ມອບໃຫ້ແກ່ ກຳປູເຈຍ ໃນອາດີດກໍ່ຄືປະຈຸບັນ, ຢືນຢັນປະຊາຊົນກຳປູເຈຍ ຈະຈົດຈຳໄວ້ຕະຫຼອດ ການຊ່ວຍເຫຼືອຍູ້ໜູນ ອັນຈິງໃຈ ແລະ ມີປະສິດທິຜົນຂອງຫວຽດນາມ, ປະກອບສ່ວນອັນໃຫຍ່ຫຼວງ ຮ່ວມກັບປະຊາຊົນກຳປູເຈຍ ປົດປ່ອຍປະເທດກຳປູເຈຍ ຫຼຸດພົ້ນອອກຈາກລະບອບຂ້າລ້າງເຜົ່າພັນໃນປີ 1979, ກໍ່ຄືໃນຂະບວນການສ້າງສາຟື້ນຟູຊີວິດການເປັນຢູ່ ແລະ ສ້າງສາປະເທດກຳປູເຈຍ.
ເລຂາທິການໃຫຍ່ປະທານປະເທດ ຫງວ໋ຽນ ຟູ໋ຈ້ອງ ສະແດງຄວາມຍິນດີຢ່າງສຸດອົກສຸດໃຈຕໍ່ກັບຜົນສຳເລັດອັນຍິ່ງໃຫຍ່ຂອງຂະບວນການສ້າງສາ, ປົກປັກຮັກສາ ແລະ ພັດທະນາປະເທດກຳປູເຈຍ; ຊົມເຊີຍກຳປູເຈຍ ສຳເລັດການເລືອກຕັ້ງ ສະມາຊິກສະພາແຫ່ງຊາດ ສະໄໝທີ VI, ສ້າງຕັ້ງສະພາແຫ່ງຊາດ, ລັດຖະບານສະໄໝໃໝ່, ສ້າງຮາກຖານຮັກສາສະຖຽນລະພາບດ້ານການເມືອງ, ສັນຕິພາບ ແລະ ພັດທະນາ ຢູ່ກ ຳປູເຈຍ; ສະແດງຄວາມເຊື່ອໝັ້ນຕໍ່ກັບການສະໜັບສະໜູນຂອງປະຊາຊົນກຳປູເຈຍ, ສະພາແຫ່ງຊາດ, ລັດຖະບານຣາຊາອານາຈັກກຳປູເຈຍ ສະໄໝໃໝ່ ຈະນຳພາປະຊາຊົນກຳປູເຈຍຜ່ານພົ້ນຄວາມຫຍຸ້ງຍາກ, ທ້າທາຍ, ສືບຕໍ່ຍາດໄດ້ຜົນສະເລັດໃໝ່, ຍິ່ງໃຫຍ່ກວ່າເກົ່າໃນການຈັດຕັ້ງປະຕິບັດ ອຸດົມການດ້ານການເມືອງ ຂອງພັກປະຊາຊົນກຳປູເຈຍ ແລະ ຍຸດທະສາດສີແຈ ໄລຍະ 4 ຂອງລັດຖະບານຣາຊະອານາຈັກກຳປູເຈຍ.
ເລຂາທິການໃຫຍ່ປະທານປະເທດ ຫງວ໋ຽນ ຟູ໋ຈ້ອງ ຢືນຢັນ ຫວຽດນາມຍາມໃດກໍ່ໃຫ້ຄວາມສຳຄັນ ແລະ ໃຫ້ບູລິມະສິດສູງຕໍ່ການປັບປຸງ, ເພີ່ມທະວີສາຍພົວພັນກັບ ຣາຊະອານາຈັກ ກຳປູເຈຍ ແລະ ພັກປະຊາຊົນກຳປູເຈຍ ນັບມື້ນັບພັດທະນາ ສູ່ລວງເລິກ, ໝັ້ນຄົງ; ສະຫາຍເນັ້ນໜັກວ່າ: ພັກ, ລັດ ແລະ ປະຊາຊົນ ຫວຽດນາມ ຈະເຮັດສຸດຄວາມສາມາດຂອງຕົນ ຮ່ວມກັບພັກປະຊາຊົນກຳປູເຈຍ, ລັດຖະບານ ແລະ ປະຊາຊົນກຳປູເຈຍ ຮັກສາ ແລະ ເພີ່ມພູນຄູນສ້າງ ໃຫ້ແກ່ສາຍພົວພັນ ບ້ານໄກ້ເຮືອນຄຽງອັນດີງາມ, ມິດຕະພາບອັນເກົ່າແກ່, ຮ່ວມມືຮອບດ້ານ, ຍືນຍົງຍາວນານ ຫວຽດນາມ-ກຳປູເຈຍ ພັດທະນາຢ່າງບໍ່ຢຸດຢັ້ງ, ເພື່ອຄວາມຈະເລີນຮຸ່ງເຮືອງຂອງປະຊາຊົນແຕ່ລະປະເທດ, ເພື່ອສັນຕິພາບ, ສະຖຽນລະພາບ, ຮ່ວມມື, ພັດທະນາພູມມິພາກ ແລະ ທົ່ວໂລກ.
ສະຫາຍອີກເທື່ອໜຶ່ງຂອບໃຈມາຍັງນາຍົກລັດຖະມົນຕີກຳປູເຈຍ, ບັນດາການນຳແຕ່ລະລຸ້ນ ແລະປະຊາຊົນ ກຳປູເຈຍ ໄດ້ມອບໃຫ້ຫວຽດນາມ ການສະໜັບສະໜູນ, ຊ່ວຍເຫຼືອອັນຍິ່ງໃຫຍ່ໃນພາລະກິດຕໍ່ສູ້ປົດປ່ອຍປະຊາຊົນບັນດາເຜົ່າ, ທ້ອນໂຮມຊາດໃນເມື່ອກ່ອນ, ກໍ່ຄືໃນພາລະກິດປ່ຽນແປງໃໝ່, ສ້າງສາ ແລະ ປົກປັກຮັກສາປະເທດຫວຽດນາມໃນປະຈຸບັນ. ໃນບັນຍາກາດອັນເຕັມໄປດ້ວຍຄວາມສາມັກຄີ, ມິດຕະພາບອັນຍາວນານ ແລະ ເຊື່ອໝັ້ນທັງສອງໄດ້ລາຍງານໃຫ້ແກ່ກັນ ກ່ຽວກັບສະພາບຂອງແຕ່ລະປະເທດ, ແລກປ່ຽນຄວາມຄິດຄວາມເປັນເປີດກ້ວາງ ແລະ ເລິກ ກ່ຽວກັບມາດຕະການ ແລະ ທິດທາງໃຫຍ່ແນໃສ່ສ້າງກຳລັງແຮງຊຸກຍູ້ການຮ່ວມມືສອງຝ່າຍໃນທຸກໆຂົງເຂດ.
（ຫັດທະບູນ）
