ພິທີສະເຫຼີມສະຫຼອງກໍ່ເພື່ອໂຄສະນາເຜີຍແຜ່ອັນຢ່າງກວ້າງຂວາງໃນສັງຄົມ, ໂດຍສະເພາະແມ່ນເຮັດໃຫ້ລຸ້ນຄົນໄວໜຸ່ມເຂົ້າໃຈກ່ຽວກັບຄວາມໝາຍ ແລະ ສິ່ງສໍາຄັນແຫ່ງການປົກປັກຮັກສາ, ເພີ່ມພູນຄຸນສ້າງ ແລະ ພັດທະນາສາຍພົວພັນຂອງສອງປະເທດ ຫວຽດນາມ - ກໍາປູເຈຍ, ການສູ້ຮົບເພື່ອປົກປ້ອງຊາຍແດນຕາເວັນຕົກສ່ຽງໃຕ້ຂອງປະຊາຊົນຫວຽດນາມ ພ້ອມກັບກໍາລັງທະຫານ ແລະ ປະຊາຊົນຫວຽດນາມ - ກໍາປູເຈຍໄດ້ໄຊຊະນະລະບອບຂ້າລ້າງເຜົ່າພັນ. ພ້ອງກັນນັ້ນ, ກໍ່ຊ່ວຍໃຫ້ປະຊາຄົມສາກົນເຂົ້າໃນຄວາມຈິງກ່ຽວກັບພາລະກິດອັນຊອບທໍາຂອງທະຫານອາສາສາໝັກຫວຽດນາມຊ່ວຍປະເທດກໍາປູເຈຍໄດ້ໄຊຊະນະລະບອບຂ້າລ້າງເຜົ່າພັນ, ສະກັດກັ້ນລະບອບຂ້າລ້າງເຜົ່າພັນກັບຄືນມາ, ຟື້ນຟູປະເທດຊາດ.
ນີ້ແມ່ນໂອກາດເພື່ອທົບທວນຄືນຄວາມສາມັກຄີອັນເປັນມູນເຊື້ອ, ສະໜັບສະໜຸນ ແລະ ຊ່ວຍເຫຼືອເຊິ່ງກັນ ແລະ ກັນ ລະຫວ່າງກໍາລັງທະຫານ ແລະ ປະຊາຊົນສອງປະເທດ ໃນໄລຍະທີ່ຫວຽດນາມຊ່ວຍກໍາປູເຈຍທີ່ໄດ້ພົ້ນອອກຈາກໄພຂ້າລ້າງເຜົ່າພັນ ແລະ ຟື້ນຟູປະເທດຊາດ.
 |
ນາຍົກລັດຖະມົນຕີ ຫງວຽນ ຊວນ ຟຸກ ກ່າວຄໍາເຫັນທີ່ພິທີສະເຫຼີມສະຫຼອງ
ທີ່ພິທີສະເຫຼີມສະຫຼອງ, ນາຍົກລັດຖະມົນຕີ ຫງວຽນ ຊວນ ຟຸກ ເນັ້ນໜັກວ່າເວລາຄົນເຮົາມີຄວາມສຸກກະຕ້ອງຄິດເຖິງເວລາທີ່ເຮົາພົບກັບຄວາມລໍາບາກທຸກຍາກ, ສະນັ້ນ, ໃນມື້ນີ້ພວກເຮົາພ້ອນກັນທົບທວນຄືນປະຫວັດຊາດສາຍພົວພັນສາມັກຄີ, ຄຽງບ່າຄຽງໄລ່ກັນຂອງສອງປະເທດ ຫວຽດນາມ ແລະ ກໍາປູເຈຍ, ເວລາລໍາບາກທຸກຍາກ ກໍ່ຄື ໃນເວລາມີ່ມີຄວາມສັນຕິພາບ, ວັດຖະນາຖາວອນ, ຄວາມຜາສຸກ.
ຍາໄດ້ໄຊຊະນະແຫ່ງບັ້ນສູ້ຮົບນັ້ນມາ ແລະ ການລຸກຮື້ຂຶ້ນໃນລະດຸບານໃໝ່ ປີ 1975 ຂອງກໍາລັງທະຫານ ແລະ ປະຊາຊົນຫວຽດນາມ ກໍ່ໄດ້ປ່ຽນໃບໜ້າຂອງສະໜາມຮົບ, ສ້າງເງື່ອນໄຂສະດວກໃຫ້ທະຫານປົດປ່ອຍກໍາປູເຈຍໂຈມຕີ ແລະ ປົດປ່ອຍເມືອງຫຼວງພະນົມເປັນໃນມື້ວັນທີ 17 ເດືອນ ເມສາ ປີ 1945, ສິ້ນສຸດການຕໍ່ສູ້ຂອງປະຊາຊົນ ກໍາປູເຈຍ. ນີ້ກະແມ່ນໄຊຊະນະລວມແຫ່ງຄວາມສາມັກຄີຕໍ່ສູ້ຂອງປະຊາຊົນສາມປະເທດ ຫວຽດນາມ, ກໍາປູເຈຍ ແລະ ລາວ.
ນາຍົກລັດຖະມົນຕີ ຫງວຽນ ຊວນ ຟຸກ ໃຫ້ຮູ້ຕື້່ມອີກວ່າ, ຫລັງຈາກທີ່ຕໍ່ສູ້ໄຊຊະນະສົງຄາມບຸກໂຈມຕີຊາຍແດນຕາເວັນຕົກສ່ຽງໃຕ້ - ຫວຽດນາມ ຂອງກຸ່ມພວກປະຕິການປົນປົດແລ້ວ, ເພື່ອຕອບສະໜອງຕາມຄວາມຮຽກຮ້ອງຕ້ອງການຂອງປະຕິວັດກໍາປູເຈຍ, ຝ່າຍຫວຽດນາມກໍ່ໄດ້ສົ່ງທະຫານອາສາສາໝັກໄປຊ່ວຍກໍາລັງປະກອບອາວຸດປະຕິວັດກໍາປູເຈຍປົດປ່ອຍປະເທດຊາດພົ້ນອອກຈາກໄພຂ້າລ້າງເຜົ່າພັນ, ຟື້ນຟູ, ສ້າງສາປະເທດຊາດ.
ຮອດວັນທີ 7 ເດືອນ ມັງກອນ ປີ 1979 ໄດ້ປົດປ່ອຍນະຄອງຫຼວງພະນົມເປັນ. ໄຊຊະນະນີ້ມີຄວາມໝາຍທາງດ້ານປະຫວັດສາດອັນໃຫຍ່ຫຼວງ, ຈາກນັ້ນ, ປະຊາຊົນກໍາປູເຈຍໄດ້ພົ້ນອອກຈາກລະບອບຂ້າລ້າງເຜົ່າພັນ, ເຂົ້າສູ່ຍຸກເອກະລາດ, ອິດສະຫຼະ, ສ້າງສາປະເທດຊາດ. ນາຍົກລັດຖະມົນຕີ ຮູນແຊນ ໄດ້ໃຫ້ການສັງເກດວ່າໄຊຊະນະທີ່ຍາດມາໄດ້ນັ້ນກໍ່ແມ່ນເນື່ອງຈາກກໍາລັງປະຕິວັດ ແລະ ປະຊາຊົນ ກໍາປູເຈຍ ສົມທົບກັບກໍາລັງທະຫານອາສາສາມັກຫວຽດນາມ.
 |
ບັນດາຜູ້ແທນເຂົ້າຮ່ວມພິທີສະເຫຼີມສະຫຼອງ
ທ່ານ ແຕບ ງອນ, ກໍາມະທິການປະຈໍາການ ຄະນະປະຈໍາ ຄະນະບໍລິຫານງານສູນກາງພັກປະຊາຊົນກໍາປູເຈຍ, ຮອງປະທານສະພາສູງອານາຈັກກໍາປູເຈຍ, ຄະນະປະທານກຽດສັກສີ ສະພາແຫ່ງຊາດແນວໂຮມສາມັກຄີພັດທະນາປະເທດຊາດກໍາປູເຈຍໃຫ້ຮູ້ວ່າ: ເນື່ອງໃນໂອກາດນີ້, ຕາງໜ້າໃຫ້ສະພາແຫ່ງຊາດ, ສະພາສູງ, ລັດຖະບານ, ແນວໂຮມ ແລະ ປະຊາຊົນ ກໍາປູເຈຍ, ອີກເທື່ອໜຶ່ງ ຂາພະເຈົ້າຂໍສະແດງຄວາມຮູ້ບຸນຄຸນ ແລະ ບໍ່ສາມາດລື່ມໄດ້ຕໍ່ຄວາມຊ່ວຍເຫລືອ ແລະ ເສຍສະຫຼະເລືອດເນື້ອຂອງກໍາລັງທະຫານ ແລະ ປະຊາຊົນ ຫວຽດນາມ ເພື່ອປົດປ່ອຍ ປະເທດກໍາປູເຈຍ ແລະ ປະຊາຊົນກໍາປູເຈຍ ພົ້ນອອກຈາກໄພຂ້າລ້າງເຜົ່າພັນ, ປະກອບສ່ວນເຂົ້າໃນວິກິດການສ້າງສາຄວາມສັນຕິພາບຂອງປະເທດກໍາປູເຈຍ. ຄວາມຈິງຢູ່ແລ້ວ, ການຊ່ວຍເຫຼືອ ແລະ ສະໜັບສະໜຸນອັນຍິ່ງໃຫຍ່ທີ່ທັນການ ແລະ ມີຄວາມອິທິຜົນຂອງປະເທດຫວຽດນາມທີ່ໄດ້ປະກອບສ່ວນໃນການພາປະເທດກໍາປູເຈຍພົ້ນອອກຈາກສົງຄາມ ແລະ ມິສັນຕິພາບ, ພັດທະນາຢ່າງຮອບດ້ານ ແລະ ປົດປ່ອຍປະເທດຊາດ.
ຜູ້ແທນອາວຸໂສປະຕິວັດ, ແມ່ຫວຽດນາມວິລະຊົນ, ວິລະຊົນກໍາລັງປະກອບອາວຸດປະຊາຊົນ, ວິລະຊົນອອກແຮງງານ; ຕາງໜ້າອະດີດຊ່ຽວຊານ, ທະຫານອາສາສະໝັກ, ຕາງໜ້າຄອບຄົວນັກຮົບສົງເຄາະ ທີ່ມີພີ່ນ້ອງເຄີຍປະຕິບັດໜ້າທີ່ສາກົນຢູ່ກໍາປູເຈຍ, ຕາງໜ້າຊາວໜຸ່ມຂອງສອງປະເທດກໍ່ໄດ້ເຂົ້າຮ່ວມງານຄັ້ງນີ້.
（ໄຊພອນ）
