 |
ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ແລະ ທ່ານ Mark Rutte ນາຍົກລັດຖະມົນຕີ ລາຊະອານາຈັກໂຮນລັງ. (ພາບ: ສໍານັກຂ່າວສານຫວຽດນາມ)
ໃນສະພາບການພົວພັນລະຫວ່າງ ຫວຽດນາມ - ໂຮນລັງ ພວມມີການພັດທະນາຢ່າງດີງາມນັ້ນ, ການຢ້ຽມຢາມຫວຽດນາມ ຢ່າງເປັນທາງການໃນຄັ້ງນີ້ຂອງທ່ານນາຍົກລັດຖະມົນຕີ ລາຊະອານາຈັກໂຮນລັງ ແມ່ນເຫດການສຳຄັນໃນການສ້າງບາດກ້າວພັດທະນາໃໝ່ຂອງການພົວພັນສອງຝ່າຍ. ນີ້ແມ່ນໂອກາດເພື່ອໃຫ້ບັນດາການນຳຂັ້ນສູງສອງປະເທດແລກປ່ຽນມາດຕະການຮັດແໜ້ນການພົວພັນດ້ານການເມືອງ - ການຕ່າງປະເທດ, ເພີ່ມທະວີການຮ່ວມມືດ້ານການຄ້າ - ການລົງທຶນ ແລະເຮັດໃຫ້ບັນດາຂອບເຂດການຮ່ວມມືທີ່ພວມໄດ້ຮັບການຜັນຂະຫຍາຍເລິກເຊິ່ງກວ່າອີກ, ພິເສດໃນສອງຂົງເຂດແມ່ນຄູ່ຮ່ວມມືຍຸດທະສາດກ່ຽວກັບການຮັບມືກັບການປ່ຽນແປງຂອງດິນຟ້າອາກາດ - ການຄຸ້ມຄອງນ້ຳ ແລະກະສິກຳແບບຍືນຍົງ ແລະຄວາມໝັ້ນຄົງດ້ານສະບຽງອາຫານ.
（ແຫຼ່ງຂໍ້ມູນ： VOVWORLD）
