 |
ເວທີປາໄສປະຕິຮູບ ແລະ ພັດທະນາ ຫວຽດນາມ 2018. (ພາບ: VGP)
ທີ່ເວທີປາໄສ, ຜູ້ແທນ 500 ຄົນລວມມີບັນດານັກຊ່ຽວຊານ, ການນຳວິສາຫະກິດ, ມະຫາວິທະຍາໄລໃນໂລກ ໄດ້ຍົກອອກຂໍ້ສະເໜີແນະນະໂຍບາຍຊ່ວຍ ຫວຽດນາມ ຊຸກຍູ້ການເຕີບໂຕ ແລະ ການພັດທະນາແບບຍືນຍົງ. ກ່າວຄຳເຫັນທີ່ເວທີປາໄສ, ທ່ານນາຍົກລັດຖະມົນຕີ ຫງວຽນຊວນຟຸກ ຊິີ້ແຈ້ງວ່າ: ຫວຽດນາມ ຈະສືບຕໍ່ສຸມໃສ່ແກ້ໄຂບັນດາຄວາມຫຍຸ້ງຍາກ ເພື່ອຫັນເປັນ 3 ບາດກ້າວບຸກທະລຸຍຸດທະສາດຢ່າງແທດຈິງ ເພື່ອຮັບໃຊ້ການຮຽກຮ້ອງຕ້ອງການການພັດທະນາ. ທ່ານກ່າວວ່າ:
ລັດຖະບານຈະເພີ່ມຄວາມໄວໃນການປະຕິຮູບລະບຽບການບໍລິຫານ, ປັບປຸງສະພາບແວດລ້ອມແຫ່ງການດຳເນີນທຸລະກິດ, ສ້າງຊ່ອງທາງແລກປ່ຽນໂດຍກົງລະຫວ່າງປະຊາຊົນ ແລະ ອຳນາດການປົກຄອງ, ສ້າງກົນໄກ ເຊິ່ງບັນດາອົງການໃນສັງຄົມອາດຈະເຂົ້າຮ່ວມຢ່າງມີປະສິດທິຜົນ, ໂດຍກົງເຂົ້າໃນວິວັດການສ້າງນະໂຍບາຍ.
ພ້ອມກັນກັບການປະຕິບັດບັນດາບາດກ້າວບຸກທະລຸຍຸດທະສາດ, ທ່ານນາຍົກລັດຖະມົນຕີ ຫງວຽນຊວນຟຸກ ໃຫ້ຮູ້ວ່າ: ລັດຖະບານຈະເພີ່ມເຕີມ 2 ບາດກ້າວບຸກທະລຸໃໝ່, ຖືນັ້ນແມ່ນ 2 ກຳລັງໜູນການເຕີບໂຕສຳຄັນຂອງ ຫວຽດນາມ ໃນທົດສະວັດຈະມາເຖິງ, ໃນນັ້ນ ມີການຊຸກຍູ້ກຳລັງຄວາມສາມາດປະດິດຕິດສ້າງ.
ທ່ານນາຍົກລັດຖະມົນຕີ ຫງວຽນຊວນຟຸກ ໃຫ້ຮູ້ວ່າ: ນັບແຕ່ປີ 2019, ລັດຖະບານກໍ່ກະກຽມຍຸດທະສາດການພັດທະນາໃໝ່ໃຫ້ໄລຍະ 2021 – 2030, ແຜນການພັດທະນາເສດຖະກິດສັງຄົມ 2021 – 2025 ແລະ ກະກຽມບັນດາໂຄງການດຳເນີນງານ, ສ້າງພື້ນຖານມຸ່ງໄປສູ່ວິໄສທັດ 2045.
（ແຫຼ່ງຂໍ້ມູນ： VOVWORLD）
