ບົດລາຍງານກ່ຽວກັບຜົນສຳເລັດການຈັດຕັ້ງປະຕິບັດ ຂໍ້ຕົກລົງຂອງສະພາແຫ່ງຊາດ ກ່ຽວກັບແຜນການພັດທະນາ ເສດຖະກິດ-ສັງຄົມ ປີ 2018 ແລະ 3 ປີ 2016-2018, ແຜນພັດທະນາ ເສດຖະກິດ-ສັງຄົມ ປີ 2019, ລັດຖະມົນຕີກະຊວງ ແຜນການ ແລະ ການລົງທືນ ຫງວ໋ຽນຈີ໋ ຢຸ໋ງ ໄດ້ໃຫ້ຮູ້ວ່າ: ພື້ນຖານເສດຖະກິດ ຂອງ ຫວຽດນາມ ໃນປີ 2018 ແລະ 3 ປີທຳອິດ ຂອງແຜນພັດທະນາເສດຖະກິດ-ສັງຄົມ 5 ປີ 2016-2020 ໂດຍພື້ນຖານແມ່ນມີຄວາມສະດວກ, ແຕ່ກໍ່ຕ້ອງພົບກັບຂໍ້ຫຍຸ້ງຍາກ ແລະ ທ້າທາຍຫຼາຍແນວ. ໂດຍສະເພາະແມ່ນ ປີ 2016 ໄພທຳມະຊາດ ແລະ ສະພາບແວດລ້ອມເປັນມົນລະພິດ ໄດ້ມີຜົນກະທົບບໍ່ໜ້ອຍເຖິງການເຕີບໂຕຂອງເສດຖະກິດ. ບັນຫາສາກົນເປັນຕົ້ນແມ່ນ ຄວາມຕືງຄຽດດ້ານການເມືອງ, ຄວາມເຄັ່ງຕຶງດ້ານການຄ້າ ໄດ້ສ້າງຄວາມກົດດັນເຖິງການບໍລິຫານນະໂຍບາຍ ທາງມະຫາພາກ, ຄວບຄຸມເງິນເຟີ້, ຂໍ້ຄົງຄ້າງຈຳນວນໜື່ງ, ຄວາມອ່ອນແອພາຍໃນ ຂອງພື້ນຖານເສດຖະກິດ ສະສົມມາຫຼາຍປີ ຄ່ອຍໆໄດ້ຮັບການປັບປຸງແກ້ໄຂ ແຕ່ກໍ່ຍັງຊ້າທຽບໃສ່ຄວາມຕ້ອງຮຽກຮ້ອງຕ້ອງການ.
 |
ພັດທະນາເສດຖະກິດສັງຄົມ ໄລຍະ 2016-2020 ໄດ້ມີຫຼາຍດ້ານທີ່ຕັ້ງໜ້າ ແລະ ຖືກທາງແລ້ວ
ການກວດສອບບົດລາຍງານຂອງລັດຖະບານ, ຫົວໜ້າຄະນະ ກຳມະການເສດຖະກິດ ຫວູ໋ຮົ່ງ ແທັງ ໄດ້ເນັ້ນໜັກວ່າ: ເພື່ອຈະເຫັນໄດ້ຢ່າງຈະແຈ້ງຕື່ມ ຜົນສຳເລັດທີ່ໄດ້ມາ ແລະ ສືບຕໍ່ຮັກສາໄວ້ ຜົນສຳເລັດດັ່ງກ່າວນັ້ນ, ຮັບປະກັນຄວາມຍືນຍົງ ຂອງການພັດທະນາເສດຖະກິດ, ຄະນະກຳມະການເສດຖະກິດ ສະເໜີໃຫ້ເອົາໃຈໃສ່, ຕີລາຄາເລິກຕື່ມ ບາງບັນຫາດັ່ງນີ້: ໄຈ້ແຍກໃຫ້ແຈ້ງເຖິງກຳລັງຂັບເຂື່ອນຂອງການຂະຫຍາຍຕົວດັ່ງກ່າວເພື່ອຮັບປະກັນໃນການຮັກສາລະດັບຂອງການເຕີບໂຕ ຢ່າງມີສະຖຽນລະພາບ, ຕີລາຄາຜົນສຳເລັດຂອງການບໍລິຫານນະໂຍບາຍ ຜ່ານການປັບປຸງຄ່າບໍລິການສາທາລະນະ ທີ່ ລັດເປັນຜູ້ສະໜອງ, ຮັບປະກັບຄວາມສອດຄ່ອງກັບສິດຜົນປະໂຫຍດຂອງສອງຝ່າຍ ທັງຜູ້ສະໜອງ ແລະ ຜູ້ຊົມໃຊ້.
ການຈັດຕັ້ງປະຕິບັດ ດຳລັດ ເລກທີ 42/2017/QH14 ກ່ຽວກັບການທົດລອງແກ້ໄຂບັນຫາໜີ້ເສຍຂອງບັນດາ ອົງການສິນເຊື່ອ ຍັງມີຫຼາຍບັນຫາຫຍຸ້ງຍາກ ຍ້ອນການຜັນຂະຫຍາຍ ແລະ ການປະສານສົມທົບ ລະຫວ່າງ ຂະແໜງການ ແຕ່ລະຂັ້ນຍັງບໍ່ທັນເດັດຂາດເອົາຈິງເອົາຈັງ, ຂາດຄວາມເປັນເອກະພາບ, ພິເສດແມ່ນການຮຽກເກັບຊັບສົມບັດຄຳ້ປະກັນ, ການຕັດສິນຄະດີອາຍາ, ການແກ້ໄຂຂໍ້ຂັດແຍ່ງ ຢູ່ ສານທີ່ກ່ຽວຂ້ອງກັບການແກ້ໄຂໜີ້ເສຍ. ສ້າງຄວາມກະຈ່າງເຖິງສາຍເຫດທີ່ພາໃຫ້ເກີດສະພາບການປີ້ນກັນ ກ່ຽວກັບຂະໜາດທືນສະເລ່ຍ ແລະຂະໜາດທືນສະເລ່ຍແຮງງານຂອງວິສາຫະກິດເອກກະຊົນ ຈົດທະບຽນສ້າງຕັ້ງໃໝ່. ຕົວເລກວິສາຫະກິດທີ່ຖືກໂຈະການເຄື່ອນໄຫວ ຍັງບໍ່ທັນໄດ້ຍຸບເລິກ ສຸງ 1,5 ທົບ ທຽບໃສກັນປີທີ່ຜ່ານມາ; ຕີລາຄາຢ່າງຖີ່ຖ້ວນຕື່ມອີກກ່ຽວກັບສະພາບຄວາມເປັນໄປຂອງວິສາຫະກິດ.
 |
ທ່ານ ຫວູ໋ຮົ່ງແທັງ ແລະ ທ່ານ ຫງວ໋ຽນຈີ໋ ຢຸ໋ງ.
ພ້ອມດຽວກັນນັ້ນ ສະເໜີລັດຖະບານ ອະທິບາຍໃຫ້ແຈ້ງຕື່ມ ກ່ຽວກັບບັນຫາທີ່ຍັງຄົງຄ້າງບໍ່ສາມາດແກ້ໄຂໄດ້ໃຫ້ເດັດຂາດ ຂອງຂົງເຂດການສືກສາ. ຄຸນນະພາບຂອງການໃຫ້ບໍລິການກວດພະຍາດ, ຮັກສາຄົນໄຂ້ ເຖິງວ່າຈະໄດ້ຮັບການຍົກລະດັບ ແຕ່ກໍ່ຍັງມີຄວາມແຕກຕ່າງ ຫຼືຫຼຸດລື່ນກັນຫຼາຍ ລະຫວ່າງສາຍຕັ້ງ ແລະ ເຂດ. ການແກ້ໄຂບັນຫາຊັກຊ້າຕໍ່ການກະທຳຜິດ ຂອງການຜລິດສິນຄ້າປອມ ຄືຍາດປົວພະຍາດ, ຮັກສາຄົນໄຂ້, ຢາບຳລຸງສຸກຂະພາບສ້າງຄວາມຢ້ານກົວ(ແຂະ) ແລະ ຄວາມສັບສົນໃນສັງຄົມ...
ກ່ຽວກັບແຜນພັດທະນາ ເສດຖະກິດ-ສັງຄົມ ປີ 2019 , ຄະນະກຳມະການກວດສອບ ຕີລາຄາໂດຍລວມ ສະພາບເສດຖະກິດໂລກ ປີ 2019 ໄດ້ຄາດຄະເນວ່າ ເປັນທິດທາງທີ່ຕັ້ງໜ້າ ແມ່ນຕ້ອງຕື່ນຕົວ, ເຖິງວ່າຈະແຝງໄປດ້ວຍຄວາມສ່ຽງ ແລະ ທ້າທາຍ. ໃນວຽກງານການບໍລິຫານ ຕ້ອງໄດ້ເອົາໃຈໃສ່ ຕໍ່ຄວາມກົດດັນໃນການເພີ່ມຂື້ນຂອງລາຄານຳ້ມັນ, ດອກເບ້ຍ ເງິນໂດລາ, ຄວາມເຄັ່ງຕຶງຂອງການຄ້າ ອາເມລິກາ-ຈີນ ແລະ ສິ່ງທີ່ທ້າທາຍພາຍໃນຄືພື້ນຖານເສດຖະກິດ. ຄະນະກຳມະການ ກວດສອບ ໄດ້ເຫັນດີເປັນເອກກະພາບ ຕໍ່ກັບເນື້ອໃນຂອງລັດຖະບານ ກ່ຽວກັບການສືບຕໍ່ປັບປຸງ ພື້ນຖານເສດຖະກິດມະຫາພາກ, ຄວບຄຸມອັດຕາເງິນເຟີ້, ຍົກລະດັບຄວາມສາມາດພາຍໃນ ແລະ ຄວາມເປັນເຈົ້າຕົນເອງຂອງເສດຖະກິດ.
（ຫັດທະບູນ）
