 |
ພະຍາດ ອີ່ສຸກອີ່ໄສ.
ອີງຕາມການນຳຂອງ ກົມສາທາລະນະສຸກ ຕ້ານພະຍາດຕິດແປດ ໄດ້ລາຍງານວ່າ: ເຖິງວ່າພະຍາດກຳລັງມີທິດທາງ ແຜ່ລາມຫຼາຍຂື້ນ ແຕ່ວ່າບໍ່ມີຄວາມຜິດປົກກະຕິແຕ່ວ່າຍັງຢູ່ໃນການຄາດຄະເນ ແລະ ຍັງສາມາດຄວບຄຸມໄດ້.
ເຖິງຢ່າງໃດກໍ່ຕາມ ມີຄຳຖາມເກີດຂື້ນ ວ່າ ຍ້ອນຫຍັງ ຈິ່ງມີຜູ້ເປັນພະຍາດ ມືຕີນປາກ ຍັງຄົງສືບຕໍ່ເພີ່ມຂື້ນໄວ ແລະ ເປັນໄປດ້ວຍຄວາມສັບສົນໃນຫຼາຍແຂວງພາກກາງ ແລະ ພາກໃຕ້, ໃນຄະນະທີ່ພະຍາດອີ່ສຸກອີ່ໄສ ແລະ ໄຂ້ເລືອດອອກ ກໍ່ເລີ່ມມີການເພີ່ມຂື້ນໃນບາງແຂວງ, ນະຄອນພາກເໜືອ ໃນນັ້ນປະກອບມີ ຮ່າໂນ້ຍ ສ້າງຄວາມລະແວງໃຫ້ແກ່ປະຊາຊົນເປັນຈຳນວນຫຼວງຫຼາຍ?
ເພື່ອສ້າງຄວາມເຂົ້າໃຈກ່ຽວກັບສາຍເຫດທີ່ພາໃຫ້ເກີດມີການລະບາດ ແລະ ວີທີປ້ອງກັນ, ຮັກສາຜູ້ຕິດພະຍາດ, ສູນຖະແຫຼງຂ່າວຂອງລັດຖະບານ ໄດ້ຈັດກອງປະຊຸມສຳມະນາໃນຫົວຂໍ້ “ເຂົ້າໃຈຖືກຕ້ອງ ແລະ ເລິກເຊີ່ງ ວິທີຕ້ານ ແລະ ປ້ອງກັນ ພະຍາດມືຕີນປາກ, ອີ່ສຸກອີ່ໄສ ແລະ ໄຂ້ເລືອດອອກແນວໃດ?”
ກອງປະຊຸມສຳມະນາ ຈະໄດ້ຈັດຂື້ນ ເວລາ 9ໂມງ ຕອນເຊົ້າຂອງວັນທີ 12 ຕຸລານີ້ ຢູ່ ສູນຖະແຫຼງຂ່າວເອເລັກໂຕນິກ ລັດຖະບານ, ເລກທີ 16 ຖະໜົນ ເລຮົ່ງຟອງ, ເມືອງບາດິ່ງ ນະຄອນຫຼວງ ຮ່າໂນ້ຍ.
ເຂົ້າຮ່ວມໃນການສຳມະນາປືກສາຫາລືໃນຄັ້ງນີ້ປະກອບມີແຂກທີ່ຖືກເຊີນມີ: ປອ. ທ່ານໝໍ ຫງວ໋ຽນວັນ ເລິມ, ຫົວໜ້າພະແນກ ພະຍາດຕິດແປດ ໂຮງໝໍ ເດັກສູນກາງ; ທ່ານ ຫງວ໋ຽນດຶກ ຄວາ ຮອງຫົວໜ້າຫ້ອງຄວບຄຸມພະຍາດຕິແປດ, ກົມສາທາລະນະສຸກ ຕ້ານພະຍາດຕິດແປດ ກະຊວງສາທາລະນະສຸກ.
（ຫັດທະບູນ）
