 |
ກອງປະຊຸມເຈົ້າໜ້າທີ່ອາວຸໂສຊາວໜຸ່ມອາຊຽນບວກສາມ ຄັ້ງທີ 7
ກອງປະຊຸມຄັ້ງນີ້ພາຍໃຕ້ການເປັນປະທານຮ່ວມຂອງເຈົ້າໜ້າທີ່ອາວຸໂສ ຂອງລາວ ໂດຍທ່ານ ສົມກ້ຽວ ກິ່ງສະດາ ຫົວໜ້າກົມພົວພັນຮ່ວມມືຕ່າງປະເທດ (ສຊປລ) ແລະ ປະທານຮ່ວມຂອງຍີ່ປຸ່ນ, ມີບັນດາເຈົ້າໜ້າທີ່ອາວຸໂສຈາກປະເທດສະມາຊິກອາຊຽນ (ຍີ່ປຸ່ນ, ຈີນ ແລະ ເກົາຫຼີ). ກອງປະຊຸມຄັ້ງນີ້ຈັດຂຶ້ນເພື່ອຮັບຮອງເອົາວາລະກອງປະຊຸມ, ສັງລວມຜົນຂອງກອງປະຊຸມເຈົ້າໜ້າທີ່ອາວຸໂສຊາວໜຸ່ມອາຊຽນບວກສາມຄັ້ງທີ 8 ທີ່ຈາກາຕາ ປະເທດອິນໂດເນເຊຍ (8 th SOM+3) ພ້ອມທັງທົບທວນແຜນງານຂອງເຈົ້າໜ້າທີ່ອາວຸໂສຊາວໜຸ່ມອາຊຽນບວກສາມ, ສະຖານະການ ການຮ່ວມມືຂອງປະເທດຄູ່ຮ່ວມເຈລະຈາໃນກອບຊາວໜຸ່ມ,ກອງປະຊຸມຍັງໄດ້ເປີດໃຫ້ຄູ່ຮ່ວມງານອາຊຽນ ລາຍງານກິດຈະກຳທີ່ໄດ້ຈັດຂຶ້ນຮ່ວມກັບອົງການຕ່າງໆ, ການກະກຽມສໍາລັບກອງປະຊຸມລັດຖະມົນຕີຊາວໜຸ່ມອາຊຽນບວກສາມຄັ້ງທີ VII ໄດ້ມີການແລກປ່ຽນຄຳຄິດຄຳເຫັນ ວັນເວລາ ແລະ ສະຖານທີ່ໆຈະຈັດກອງປະຊຸມເຈົ້າໜ້າທີ່ອາວຸໂສຊາວໜຸ່ມອາຊຽນບວກສາມຄັ້ງທີ 9 ຊຶ່ງໄດ້ພິຈາລະນາຮັບຮອງຈາກເຈົ້າໜ້າທີ່ອາວຸໂສຊາວໜຸ່ມອາຊຽນບວກສາມຄັ້ງທີ 7 ໃນວັນດຽວກັນຍັງໄດ້ຈັດກອງປະຊຸມປິ່ນອ້ອມຕ່າງໆເປັນຕົ້ນແມ່ນ ກອງປະຊຸມຊາວໜຸ່ມອາຊຽນ, ພິທີມອບລາງວັນນັກທຸລະກິດໜຸ່ມດີເດັ່ນປະຈໍາປີ 2019 ແລະ ງານວາງສະແດງຜະລິດຕະພັນຂອງຊາວໜຸ່ມອາຊຽນ ເປັນກຽດກ່າວເປີດໂດຍ ທ່ານ ອາລຸນໄຊ ສູນນະລາດ ກໍາມະການສໍາຮອງສູນກາງພັກ ເລຂາຄະນະບໍລິຫານງານ (ສຊປລ).
（ແຫຼ່ງຂໍ້ມູນ： pasaxon.org.la）
