 | ກອງປະຊຸມໃຫຍ່ຜູ້ແທນທົ່ວປະເທດ ແນວໂຮມປະເທດຊາດ ຫວຽດນາມ ຄັ້ງທີ XI ຄາດວ່າຈະຈັດຂຶ້ນແຕ່ວັນທີ 11-13 ພຶດສະພາ 2026 |
| ປະກາດລາຍຊື່ກຳມະການສູນກາງພັກກອມມູນິດ ຫວຽດນາມ ສະໄໝທີ XIV ຈຳນວນ 200 ສະຫາຍ |
ໂດຍເຂົ້າຮ່ວມກອງປະຊຸມມີທ່ານນາງ ບຸຍທິມິງຮວ່າຍ (Bùi Thị Minh Hoài), ກຳມະການກົມການເມືອງ, ເລຂາສູນກາງພັກ, ເລຂາຄະນະພັກແນວໂຮມປະເທດຊາດ, ບັນດາອົງການຈັດຕັ້ງມະຫາຊົນສູນກາງ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ; ບັນດາກຳມະການສູນກາງພັກ ທີ່ເປັນກຳມະການຄະນະປະທານ, ກຳມະການຄະນະກຳມະການສູນກາງແນວໂຮມປະເທດຊາດ ຫວຽດນາມ; ຕົວແທນການນຳສູນກາງບັນດາອົງການຈັດຕັ້ງການເມືອງ - ສັງຄົມ; ການນຳລະດັບກົມ ຂອງບັນດາອົງການສູນກາງທີ່ຕິດຕາມຂົງເຂດ...
ຕົກລົງເຫັນດີແຕ່ງຕັ້ງຮອງປະທານ 3 ທ່ານ, ປັບປຸງກົງຈັກຄະນະປະຈຳໃຫ້ສົມບູນ
ຕາມຂໍ້ມູນຈາກແນວໂຮມປະເທດຊາດ ຫວຽດນາມ, ກ່າວປາໄສໄຂກອງປະຊຸມ, ທ່ານນາງປະທານ ບຸຍທິມິງຮວ່າຍ ໃຫ້ຮູ້ວ່າ, ຄະນະກຳມະການສູນກາງສຸມໃສ່ພິຈາລະນາ, ປະກອບຄຳເຫັນໃສ່ບັນດາຮ່າງເອກະສານທີ່ຈະສະເໜີຕໍ່ກອງປະຊຸມໃຫຍ່ຜູ້ແທນທົ່ວປະເທດ ແນວໂຮມປະເທດຊາດ ຫວຽດນາມ ຄັ້ງທີ XI, ອາຍຸການ 2026 - 2031 ດ້ວຍບັນດາເນື້ອໃນ: ຮ່າງບົດລາຍງານການເມືອງທີ່ຈະສະເໜີຕໍ່ກອງປະຊຸມໃຫຍ່ຜູ້ແທນທົ່ວປະເທດ ແນວໂຮມປະເທດຊາດ ຫວຽດນາມ ຄັ້ງທີ XI, ອາຍຸການ 2026 - 2031; ຮ່າງບົດລາຍງານສຳຫຼວດກວດກາການເຄື່ອນໄຫວຂອງຄະນະກຳມະການສູນກາງ, ຄະນະປະທານ ແລະ ຄະນະປະຈຳຄະນະກຳມະການສູນກາງແນວໂຮມປະເທດຊາດ ຫວຽດນາມ ສະໄໝທີ X; ຮ່າງລາຍການກອງປະຊຸມໃຫຍ່; ຮ່າງລະບຽບການຂອງກອງປະຊຸມໃຫຍ່; ຮ່າງກົດລະບຽບແນວໂຮມປະເທດຊາດ ຫວຽດນາມ ສະບັບປັບປຸງ, ເພີ່ມເຕີມ; ແຜນການບຸກທະລາກອນ ຄະນະກຳມະການສູນກາງແນວໂຮມປະເທດຊາດ ຫວຽດນາມ ສະໄໝທີ XI. ພ້ອມກັນນັ້ນ, ແມ່ນຕົກລົງເຫັນດີແຕ່ງຕັ້ງບຸກທະລາກອນເຂົ້າຮ່ວມຄະນະກຳມະການສູນກາງ, ຄະນະປະທານ, ຄະນະປະຈຳ ແລະ ດຳລົງບັນດາຕຳແໜ່ງຮອງປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ສະໄໝທີ X, ອາຍຸການ 2024-2029.
 |
| ກອງປະຊຸມຄະນະກຳມະການສູນກາງແນວໂຮມປະເທດຊາດ ຫວຽດນາມ ຄັ້ງທີ 7 ສະໄໝທີ X. (ພາບ: ກວາງວິງ) |
ທ່ານນາງ ບຸຍທິມິງຮວ່າຍ (Bùi Thị Minh Hoài) ຊີ້ແຈ້ງວ່າ, ໃນໄລຍະຜ່ານມາ, ແນວໂຮມປະເທດຊາດ ຫວຽດນາມ ໄດ້ຕັ້ງໜ້າເຂົ້າຮ່ວມບັນດາໜ້າທີ່ສຳຄັນຂອງປະເທດຊາດ ເຊັ່ນ: ການປະກອບຄຳເຫັນໃສ່ບັນດາຮ່າງເອກະສານທີ່ຈະສະເໜີຕໍ່ກອງປະຊຸມໃຫຍ່ຂອງພັກທຸກຂັ້ນ ແລະ ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XIV ຂອງພັກ; ສືບຕໍ່ຊຸກຍູ້ບັນດາການເຄື່ອນໄຫວຕິດຕາມກວດກາ, ວິຈານສັງຄົມ, ກຳແໜ້ນສະພາບການຂອງປະຊາຊົນ, ສະທ້ອນໃຫ້ທັນການເຖິງຄວາມມຸ່ງມາດປາດຖະໜາຂອງປະຊາຊົນຕໍ່ກັບພັກ ແລະ ລັດ. ໂດຍສະເພາະ, ແນວໂຮມປະເທດຊາດ ຫວຽດນາມ ໄດ້ຕັ້ງໜ້າເຂົ້າຮ່ວມ ແລະ ປະກອບສ່ວນເຂົ້າໃນຜົນສຳເລັດຂອງການເລືອກຕັ້ງຜູ້ແທນສະພາແຫ່ງຊາດ ສະໄໝທີ XVI ແລະ ການເລືອກຕັ້ງຜູ້ແທນສະພາປະຊາຊົນທຸກຂັ້ນ ອາຍຸການ 2026-2031 ດ້ວຍອັດຕາສ່ວນຜູ້ມີສິດເລືອກຕັ້ງໄປປ່ອນບັດບັນລຸ 99,7%, ສູງທີ່ສຸດຜ່ານບັນດາຄັ້ງການເລືອກຕັ້ງແຕ່ກ່ອນຈົນຮອດປັດຈຸບັນ.
ໃນກອງປະຊຸມ, 100% ຂອງຜູ້ແທນໄດ້ລົງຄະແນນສຽງຜ່ານເນື້ອໃນບົດສະເໜີ ກ່ຽວກັບການຕົກລົງເຫັນດີແຕ່ງຕັ້ງບຸກທະລາກອນເຂົ້າຮ່ວມຄະນະກຳມະການ, ຄະນະປະທານ ແລະ ດຳລົງຕຳແໜ່ງຮອງປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ສະໄໝທີ X, ອາຍຸການ 2024 - 2029.
ມາຮອດປັດຈຸບັນ, ຄະນະປະຈຳຄະນະກຳມະການສູນກາງແນວໂຮມປະເທດຊາດ ຫວຽດນາມ ປະກອບມີ 9 ທ່ານ, ຮັບປະກັນໂຄງປະກອບຕາມກົດລະບຽບ ແລະ ເໝາະສົມກັບຮູບແບບການຈັດຕັ້ງໃໝ່.
ສະເໜີການປ່ຽນແປງໃໝ່ຈິນຕະນາການ, ຊຸກຍູ້ການຫັນເປັນດີຈີຕອນ
ໃນກອງປະຊຸມ, ທ່ານຮອງປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຮວ່າງກົງທຸຍ (Hoàng Công Thủy) ໄດ້ສະເໜີບັນດາບົດສະເໜີລາຍງານ, ຂໍຄຳເຫັນຕໍ່ກັບ: ຮ່າງບົດລາຍງານການເມືອງທີ່ຈະສະເໜີຕໍ່ກອງປະຊຸມໃຫຍ່ຜູ້ແທນທົ່ວປະເທດ ແນວໂຮມປະເທດຊາດ ຫວຽດນາມ ຄັ້ງທີ XI, ອາຍຸການ 2026 - 2031; ຮ່າງບົດລາຍງານສຳຫຼວດກວດກາການເຄື່ອນໄຫວຂອງຄະນະກຳມະການສູນກາງ, ຄະນະປະທານ ແລະ ຄະນະປະຈຳຄະນະກຳມະການສູນກາງແນວໂຮມປະເທດຊາດ ຫວຽດນາມ ສະໄໝທີ X; ຮ່າງລາຍການກອງປະຊຸມໃຫຍ່; ຮ່າງລະບຽບການຂອງກອງປະຊຸມໃຫຍ່.
ທ່ານນາງຮອງປະທານ - ເລຂາໃຫຍ່ຄະນະກຳມະການສູນກາງແນວໂຮມປະເທດຊາດ ຫວຽດນາມ ຮ່າທິຫງາ (Hà Thị Nga) ໄດ້ສະເໜີບັນດາບົດສະເໜີລາຍງານຂໍຄຳເຫັນໃສ່ເນື້ອໃນຂອງ ຮ່າງກົດລະບຽບແນວໂຮມປະເທດຊາດ ຫວຽດນາມ ສະບັບປັບປຸງ, ເພີ່ມເຕີມ; ແຜນການບຸກທະລາກອນ ຄະນະກຳມະການສູນກາງແນວໂຮມປະເທດຊາດ ຫວຽດນາມ ສະໄໝທີ XI.
 |
| ທ່ານນາງ ຫງວຽນທິຢວານ (Nguyễn Thị Doan), ອະດີດຮອງປະທານປະເທດ, ຮອງປະທານບໍ່ປະຈຳການຄະນະກຳມະການສູນກາງແນວໂຮມປະເທດຊາດ ຫວຽດນາມ, ປະທານສະມາຄົມສົ່ງເສີມການສຶກສາ ຫວຽດນາມ ກ່າວປາໄສໃນກອງປະຊຸມ. (ພາບ: ກວາງວິງ) |
ບັນດາຄຳເຫັນໃນກອງປະຊຸມໄດ້ເປັນເອກະພາບຕີລາຄາວ່າ ຮ່າງບົດລາຍງານການເມືອງໄດ້ຕິດຕາມຢ່າງໃກ້ຊິດກັບບັນດາມະຕິຂອງພັກ, ໄດ້ຮັບການຫັນກຽມຢ່າງລະອຽດລະອໍ, ສະແດງໃຫ້ເຫັນແນວທາງການກຳນົດເອົາປະຊາຊົນເປັນໃຈກາງ ແລະ ຫັນເປັນລາຍລະອຽດດ້ວຍບັນດາແຜນງານເຄື່ອນໄຫວ, ໃນນັ້ນມີເນື້ອໃນກ່ຽວກັບການພັດທະນາວິທະຍາສາດເຕັກໂນໂລຊີ, ການປ່ຽນແປງໃໝ່ປະດິດສ້າງ ແລະ ການຫັນເປັນດີຈີຕອນ.
ຫຼາຍຄຳເຫັນໄດ້ສະເໜີໃຫ້ເພີ່ມເຕີມຂອດບຸກທະລຸດ້ານຈິນຕະນາການ, ເຮັດໃຫ້ແຈ້ງຂຶ້ນຕື່ມກ່ຽວກັບຕຳແໜ່ງ ແລະ ບົດບາດຂອງແນວໂຮມປະເທດຊາດ ຫວຽດນາມ ໃນສະພາບການໃໝ່, ທັງເນັ້ນໜັກເຖິງຄວາມຮຽກຮ້ອງຕ້ອງການໃນການປ່ຽນແປງໃໝ່ວິທີການເຄື່ອນໄຫວຕາມທິດທາງຫັນຈາກການຄຸ້ມຄອງບໍລິຫານ ໄປສູ່ການສ້າງສັນ, ການບໍລິຫານທີ່ທັນສະໄໝ, ຍົກສູງປະສິດທິຜົນການເຕົ້າໂຮມ ແລະ ປັບປຸງກຸ່ມມະຫາສາມັກຄີທົ່ວປວງຊົນທັງຊາດ.
ບັນດາຜູ້ແທນຍັງໄດ້ສະເໜີໃຫ້ຊຸກຍູ້ການຫັນເປັນດີຈີຕອນໃນທົ່ວລະບົບ, ເສີມຂະຫຍາຍປະສິດທິຜົນຂອງ "ປະຕູແນວໂຮມດີຈີຕອນ", ນຳໃຊ້ສື່ສັງຄົມອອນລາຍເພື່ອເພີ່ມທະວີການພົບປະແບບສອງທາງ, ສ້າງເງື່ອນໄຂໃຫ້ປະຊາຊົນໄດ້ສະທ້ອນ ແລະ ສະເໜີຄຳຄິດເຫັນຢ່າງສະດວກ, ໂດຍສະເພາະແມ່ນຢູ່ຂັ້ນຮາກຖານ; ຄົ້ນຄວ້າເພີ່ມເຕີມຕົວຊີ້ບອກລະອຽດກ່ຽວກັບການນຳໃຊ້ພື້ນຖານໂຄງລ່າງດີຈີຕອນຢູ່ຂັ້ນຕາແສງ.
ຫຼາຍຄຳເຫັນສະເໜີວ່າ, ສຳລັບໝາກຜົນວຽກງານແນວໂຮມໄລຍະ 2024-2026 ຈຳເປັນຕ້ອງເພີ່ມເຕີມຂໍ້ມູນກ່ຽວກັບເດັກນ້ອຍເຂົ້າໃນສະພາບການຂອງປະຊາຊົນ; ຕີລາຄາໝາກຜົນຂອງຊາວກສິກອນ ຫວຽດນາມ ໃນການເພີ່ມທະວີການຮ່ວມມື ແລະ ການເຊື່ອມຕໍ່ຫ່ວງໂສ້; ເນັ້ນໜັກໝາກຜົນການປະຕິບັດແຜນງານການຜະລິດທີ່ຕິດພັນກັບການພັດທະນາລະບົບນິເວດ ແລະ ເປັນມິດຕໍ່ສິ່ງແວດລ້ອມ...
ໃນທິດທາງອາຍຸການ 2026-2031, ຜູ້ແທນສະເໜີວ່າຈຳເປັນຕ້ອງຄົ້ນຄວ້າເພີ່ມເຕີມຂອດບຸກທະລຸດ້ານຈິນຕະນາການ; ໃນການສ້າງຕົວຊີ້ບອກ ແລະ ບັນດານຳພາໜ້າທີ່, ວິທີການແກ້ໄຂທີ່ກ່ຽວຂ້ອງ ຈຳເປັນຕ້ອງສະແດງໃຫ້ເຫັນຢ່າງຄົບຖ້ວນເຖິງບົດບາດຂອງບັນດາອົງການຈັດຕັ້ງສະມາຊິກຂອງແນວໂຮມປະເທດຊາດ; ທັງຍົກອອກຕົວຊີ້ບອກກ່ຽວກັບການສ້າງຕັ້ງໜ້າສື່ສັງຄົມອອນລາຍຂອງແນວໂຮມປະເທດຊາດ ຫວຽດນາມ ຂັ້ນຕາແສງ; ຄົ້ນຄວ້າແຜນງານເຄື່ອນໄຫວເຂົ້າຮ່ວມການພັດທະນາເສດຖະກິດ - ສັງຄົມ, ໃນນັ້ນໃຫ້ຄວາມສົນໃຈເຖິງການປະຕິບັດການປະຢັດມັດທະຍັດ ຕ້ານການຟຸ່ມເຟືອຍ.
ບັນດາຜູ້ແທນຍັງໄດ້ສະເໜີວິທີການແກ້ໄຂກ່ຽວກັບການສ້າງສາລັດ; ວິທີການແກ້ໄຂໃນວຽກງານການຕ່າງປະເທດຈຳເປັນຕ້ອງສອດຄ່ອງກັບສະພາບການໂລກໃນປັດຈຸບັນ; ເພີ່ມເຕີມເນື້ອໃນການປ່ຽນແປງໃໝ່ວິທີການເຄື່ອນໄຫວ ຫັນຈາກການຄຸ້ມຄອງບໍລິຫານ ໄປສູ່ການສ້າງສັນ, ການບໍລິຫານທີ່ທັນສະໄໝ ຢູ່ທີ່ແຜນງານເຄື່ອນໄຫວທີ 7.
ກອງປະຊຸມພື້ນຖານແມ່ນເຫັນດີເປັນເອກະພາບກັບຮ່າງກົດລະບຽບແນວໂຮມປະເທດຊາດ ຫວຽດນາມ ສະບັບປັບປຸງ ແລະ ເພີ່ມເຕີມ; ສະເໜີໃຫ້ເຮັດໃຫ້ແຈ້ງຂຶ້ນຕື່ມກ່ຽວກັບຕຳແໜ່ງທາງດ້ານນິຕິກຳຂອງສະພາທີ່ປຶກສາ ແມ່ນຊ່ວຍວຽກຄະນະກຳມະການ, ຄະນະປະທານ ແລະ ຄະນະປະຈຳຄະນະກຳມະການສູນກາງແນວໂຮມປະເທດຊາດ ຫວຽດນາມ.
ກອງປະຊຸມພື້ນຖານແມ່ນເຫັນດີເປັນເອກະພາບກັບແຜນການບຸກທະລາກອນ ແລະ ລາຍຊື່ບຸກທະລາກອນທີ່ໄດ້ຮັບການແນະນຳໃຫ້ເຂົ້າຮ່ວມຄະນະກຳມະການ, ຄະນະປະທານ ແລະ ຄະນະປະຈຳຄະນະກຳມະການສູນກາງແນວໂຮມປະເທດຊາດ ຫວຽດນາມ ສະໄໝທີ XI. ມອບໃຫ້ຄະນະປະຈຳສືບຕໍ່ກວດກາຄືນເພື່ອຮັບປະກັນຄວາມຖືກຕ້ອງຂອງຂໍ້ມູນບຸກທະລາກອນທີ່ໄດ້ຮັບການແນະນຳ; ເປັນເຈົ້າການປະສານສົມທົບກັບບັນດາອົງການ, ອົງການຈັດຕັ້ງ ແລະ ທ້ອງຖິ່ນ ເພື່ອແນະນຳບຸກທະລາກອນທີ່ລະອຽດ ແລະ ເໝາະສົມ, ຮັບປະກັນຄວາມຮຽກຮ້ອງຕ້ອງການຫາກມີການປ່ຽນແປງ.
 |
| ທ່ານນາງ ບຸຍທິມິງຮວ່າຍ (Bùi Thị Minh Hoài), ກຳມະການກົມການເມືອງ, ເລຂາສູນກາງພັກ, ເລຂາຄະນະພັກແນວໂຮມປະເທດຊາດ, ບັນດາອົງການຈັດຕັ້ງມະຫາຊົນສູນກາງ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ກ່າວປາໄສປິດກອງປະຊຸມ. (ພາບ: ກວາງວິງ) |
ກ່າວປາໄສປິດກອງປະຊຸມ, ທ່ານນາງປະທານ ບຸຍທິມິງຮວ່າຍ (Bùi Thị Minh Hoài) ໃຫ້ຮູ້ວ່າ, ກອງປະຊຸມໄດ້ສຳເລັດທຸກເນື້ອໃນລາຍການທີ່ວາງໄວ້ ດ້ວຍຈິດໃຈປະຊາທິປະໄຕ, ຄວາມຮັບຜິດຊອບ ແລະ ມີຄວາມເປັນເອກະພາບສູງ. ຫຼາຍຄຳເຫັນທີ່ອອກມາຈາກໃຈ ໄດ້ປະກອບສ່ວນເຮັດໃຫ້ແຈ້ງຂຶ້ນຕື່ມກ່ຽວກັບໝາກຜົນ, ຂໍ້ຈຳກັດ, ບົດຮຽນປະສົບການໃນວຽກງານແນວໂຮມ, ທັງໄດ້ສະເໜີບັນດານຳພາໜ້າທີ່, ວິທີການແກ້ໄຂຈຸດສຸມສຳລັບອາຍຸການຕໍ່ໜ້າ.
ໂດຍເນັ້ນໜັກເຖິງຄວາມໝາຍຂອງໄລຍະເວລາປັດຈຸບັນ ໃນຂະນະທີ່ປະເທດຊາດພວມຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XIV ຂອງພັກ ແລະ ກ້າວເຂົ້າສູ່ອາຍຸການໃໝ່ຂອງສະພາແຫ່ງຊາດ, ທ່ານນາງປະທານ ບຸຍທິມິງຮວ່າຍ ຢືນຢັນທັດສະນະທີ່ສະເໝີຕົ້ນສະເໝີປາຍແມ່ນ "ປະຊາຊົນແມ່ນຮາກຖານ", ເປົ້າໝາຍສູງສຸດແມ່ນເພື່ອໃຫ້ປະຊາຊົນໄດ້ຊົມໃຊ້ໝາກຜົນແຫ່ງການພັດທະນາ.
ທ່ານນາງຢືນຢັນວ່າ, ກອງປະຊຸມໃຫຍ່ຜູ້ແທນທົ່ວປະເທດ ແນວໂຮມປະເທດຊາດ ຫວຽດນາມ ຄັ້ງທີ XI ແມ່ນເຫດການການເມືອງທີ່ມີຄວາມໝາຍອັນໃຫຍ່ຫຼວງ, ແມ່ນກອງປະຊຸມໃຫຍ່ຄັ້ງທຳອິດທີ່ວາງໜ້າທີ່ຍຸດທະສາດຂອງທັງລະບົບແນວໂຮມ ແຕ່ສູນກາງລົງຮອດຮາກຖານ ຕາມຮູບແບບກົງຈັກການຈັດຕັ້ງໃໝ່, ສືບຕໍ່ສ້າງສາ, ປັບປຸງກົງຈັກການຈັດຕັ້ງຂອງລະບົບການເມືອງຕາມທິດທາງໃຫ້ກະທັດຮັດ, ເຂັ້ມແຂງ, ຮັບປະກັນສະມັດຖະພາບ, ສັກສີ ແລະ ປະສິດທິຜົນ, ປະກອບສ່ວນເຂົ້າໃນຂະບວນການສ້າງສາ ແລະ ພັດທະນາປະເທດຊາດໃນຍຸກສະໄໝໃໝ່. ທ່ານນາງໃຫ້ຮູ້ວ່າ ການຮັບປະກັນຈັດຕັ້ງກອງປະຊຸມໃຫຍ່ ແນວໂຮມປະເທດຊາດ ຫວຽດນາມ ຄັ້ງທີ XI ໃຫ້ປະສົບຜົນສຳເລັດ ແມ່ນໜ້າທີ່ການເມືອງຈຸດສຸມ, ແມ່ນຄວາມຮັບຜິດຊອບ ແລະ ຄວາມຮູ້ສຶກຂອງແນວໂຮມ ທີ່ມີຕໍ່ພາລະກິດມະຫາສາມັກຄີທົ່ວປວງຊົນທັງຊາດ, ຕອບສະໜອງຄວາມເຊື່ອໝັ້ນ ແລະ ຄວາມມຸ່ງຫວັງຂອງພັກ, ລັດ ແລະ ປະຊາຊົນ.
 | ຫວຽດນາມ ເຂົ້າຮ່ວມເວທີປຶກສາຫາລືສາກົນ ການສົນທະນາ ເຢເຣວານ 2026 ຢູ່ Armenia ຍສໝ - ໃນລະຫວ່າງວັນທີ 5 ແລະ 6/5, ຫວຽດນາມ ໄດ້ເຂົ້າຮ່ວມເວທີປຶກສາຫາລືສາກົນ ການສົນທະນາ ເຢເຣວານ (Yerevan Dialogue) 2026 ຢູ່ທີ່ນະຄອນຫຼວງ ເຢເຣວານ ຂອງ Armenia. ເວທີປຶກສາຫາລືໄດ້ເຕົ້າໂຮມບັນດານັກການເມືອງ, ນັກວິຊາການ, ຊ່ຽວຊານ ແລະ ຕົວແທນຈາກບັນດາອົງການຈັດຕັ້ງສາກົນຢ່າງຫຼວງຫຼາຍ ແນໃສ່ແລກປ່ຽນກ່ຽວກັບບັນຫາຄວາມໝັ້ນຄົງ, ພູມສາດການເມືອງ, ການເຊື່ອມຕໍ່ພາກພື້ນ ... |
 | ເສີມຂະຫຍາຍບົດບາດຂອງສື່ມວນຊົນປະຕິວັດ - ກຳລັງແນວໜ້າໃນການປົກປັກຮັກສາຮາກຖານແນວຄິດຂອງພັກໃນຍຸກສະໄໝໃໝ່ ຍສໝ - ໃນຍຸກສະໄໝແຫ່ງການບືນຕົວຂຶ້ນ, ພ້ອມກັບການຂະຫຍາຍຕົວຢ່າງແຂງແຮງຂອງສື່ສານດີຈີຕອນ, ສື່ມວນຊົນປະຕິວັດ ຫວຽດນາມ ຈຳເປັນຕ້ອງເສີມຂະຫຍາຍບົດບາດເປັນກຳລັງແນວໜ້າ, ແມ່ນອາວຸດທາງດ້ານແນວຄິດທີ່ແຫຼມຄົມຂອງພັກ ແລະ ລັດ ໃນການຕໍ່ສູ້ປ້ອງກັນ, ສະກັດກັ້ນ ແລະ ຕອບໂຕ້ບັນດາຖ້ອຍທຳນອງທີ່ບິດເບືອນຂອງບັນດາກຳລັງປໍລະປັກ. |
