ທ່ານເລຂາທິການໃຫຍ່ ຫງວຽນຝູຈ້ອງ ຕ້ອນຮັບການນຳກຸ່ມບໍລິສັດ Gazprom.

ທ່ານເລຂາທິການໃຫຍ່ ຫງວຽນຝູຈ້ອງ ຊົມເຊີຍບັນດາ ກຸ່ມບໍລິສັດ ທີ່ມີຄວາມມານະພະຍາຍາມໃນການຈັດຕັ້ງປະຕິບັດ ຢ່າງມີປະສິດທິຜົນ ບັນດາສັນຍາທີ່ໄດ້ລົງນາມ, ພ້ອມກັນນັ້ນກໍ່ຍັງຄົງສືບຕໍ່ເພີ່ມທະວີການເຄື່ອນໄຫວຮ່ວມມືຢູ່ຫວຽດນາ; ທ່ານເລຂາຍັງ ໄດ້ຢືນຢັນວ່າ ຫວຽດນາມ ຈະສ້າງເງື່ອນໄຂສະດວກທີ່ສຸດໃຫ້ແກ່ບັນດາວິສາຫະກິດ ລັດເຊຍ, ໃນນັ້ນມີບັນດາກຸ່ມບໍລິສັດດັ່ງກ່າວ ເພື່ອເປີດກ້ວາງຂອບຂະໜາດການຮ່ວມມືລະຫວ່າງ 2 ຝ່າຍ; ທ່ານເຊື່ອໝັ້ນວ່າບັນດາໂຄງການຮ່ວມມືລະຫວ່າງສອງຝ່າຍ ຈະບັນລຸໄດ້ໝາກຜົນອັນສະຫງ່າງາມ, ນຳຜົນສຳເລັດມາໃຫ້ ເສດຖະກິດ, ຮັບໃຊ້ຜົນປະໂຫຍດສ່ວນລວມຂອງທັງສອງຊາດ.

ການນຳບັນດາກຸ່ມບໍລິສັດ Gazprom ແລະ Zarubezneft ສະແດງຄວາມຍິນດີ ຕໍ່ກັບບັນດາໝາກຜົນທີ່ໄດ້ຮັບໃນການຮ່ວມມືຂອງສອງປະເທດ; ຂອບໃຈ ຫວຽດນາ ທີ່ໄດ້ສ້າງເງື່ອນໄຂໃຫ້ແກ່ ກຸ່ມບໍລິສັດ ໃນການເຄື່ອນໄຫວຢ່າງມີປະສິດທິຜົນ ປະກອບສ່ວນເຂົ້າໃນການພັດທະນາ ຂອງ ຫວຽດນາມ ກໍ່ຄືການພັດທະນາ ມິດຕະພາບ ສະຫະພັນ ລັດເຊຍ - ຫວຽດນາມ.

ການນຳບັນດາກຸ່ມບໍລິສັດ Gazprom ແລະ Zarubezneft ໄດ້ສະແດງຄວາມປາດຖະໜາຢາກ: ສືບຕໍ່ການພົວພັນຮ່ວມມືຍາວນານ ແລະ ມີປະສິດທິຜົນ ກັບກຸ່ມບໍລິສັດນ້ຳມັນເຊື້ອໄຟ ຫວຽດນາມ, ພ້ອມກັນນັ້ນ ກໍ່ເປີດກ້ວາງການຮ່ວມມື ສູ່ບັນດາຂົງເຂດການຜລິດອື່ນໆຄື: ຜະລິດໄຟຟ້າ, ຮັກສາສິ່ງແວດລ້ອມ, ກໍ່ສ້າງແຫຼ່ງຊັບພະຍາກອນມະນຸດ…ເພື່ອຜົນປະໂຫຍດ ແລະ ການພັດທະນາ ຂອງແຕ່ລະປະເທດ, ພ້ອມທັງ ປະກອບສ່ວນເຂົ້າໃນການພັດທະນາລວມ ຂອງການພົວພັນມິດຕະພາບ ແລະ ການຮ່ວມມື ຫວຽດນາມ - ສະຫະພັນ ລັດເຊຍ.

（ຫັດ​ທະ​ບູນ）