 |
ທ່ານເລຂາທິການໃຫຍ່ ຫງວ໋ຽນຟູ໋ ຈ້ອງ ພ້ອມຄະນະ ຢູ່ສະໜາມຫຼວງ Szentendre. (ພາບ: ສຳນັກຂ່າວຫວຽດນາມ)
ທີ່ການຕ້ອນຮັບ, ທ່ານ Verseghi-Nagy Miklos ເຈົ້າຄອງນະຄອນ Szentendre ສະແດງຄວາມປິຕິຊົມຊື່ນທີ່ໄດ້ຕ້ອນຮັບ ທ່ານ ຫງວ໋ຽນຟູ໋ ຈ້ອງ; ຖືວ່າການຢ້ຽມຢາມ ຮົງກາຣີ ຢ່າງເປັນທາງການຂອງທ່ານເລຂາທິການໃຫຍ່ ແລະຄະນະຜູ້ແທນຂັ້ນສູງຫວຽດນາມໃນຄັ້ງນີ້ແມ່ນເຫດການສຳຄັນພິເສດ, ປະກອບສ່ວນນຳການພົວພັນ ຮົງກາຣີ - ຫວຽດນາມ ຂຶ້ນສູ່ລະດັບສູງໃໝ່ ແລະຊຸກຍູ້ການພົວພັນພົບປະແລກປ່ຽນ, ການຮ່ວມມືລະຫວ່າງບັນດາທ້ອງຖິ່ນຂອງສອງປະເທດ, ໃນນ້ັນມີ Szentendre.
ທ່ານເລຂາທິການໃຫຍ່ ຫງວ໋ຽນຟູ໋ ຈ້ອງ ຢືນຢັນວ່າ: ຈຸດປະສົງຂອງການຢ້ຽມຢາມຄັ້ງນີ້ແມ່ນແນໃສ່ຊຸກຍູ້ ແລະ ເພີ່ມທະວີບັນດາຂົງເຂດຮ່ວມມືຮອບດ້ານ, ໃນນັ້ນມີການພົບປະແລກປ່ຽນວັດທະນະທຳ ແລະ ການຮ່ວມມື ລະຫວ່າງ ບັນດາທ້ອງຖິ່ນຂອງສອງປະເທດ, ທ່ານເລຂາທິການໃຫຍ່ ຊົມເຊີຍການພົວພັນຮ່ວມມື ລະຫວ່າງນະຄອນ Szentendre ແລະ ນະຄອນໂຮ້ຍອານ ຂອງ ຫວຽດນາມ; ພ້ອມທັງປາດຖະໜາວ່າສອງທ້ອງຖິ່ນສືບຕໍ່ຊຸກຍູ້ການຮ່ວມມືໃຫ້ມີເນື້ອແທ້ ແລະ ມີປະສິດທິຜົນ, ແບ່ງປັນບົດຮຽນໃນການອະນຸລັກຮັກສາມໍລະດົກ, ສົມທົບກັນແລກປ່ຽນວັດທະນະທຳ, ສິລະປະ ແລະ ຂຸດຄົ້ນການທ່ອງທ່ຽວ, ປະກອບສ່ວນເຂົ້າໃນການປັບປຸງ ແລະພັດທະນາການພົວພັນມິດຕະພາບທີ່ເປັນມູນເຊື້ອ ລະຫວ່າງ ສອງຊາດ ຫວຽດນາມ ແລະ ຮົງກາຣີ.
（ຫັດທະບູນ）
