 |
ນັກຮຽນທີເຂົ້າຮ່ວມໂຮງຮຽນພັກແລ້ງ ທີ່ມະຫາວິທະຍາໄລ ຮ່າໂນ້ຍ.
ກິດຈະກຳ ເປົ້າໝາຍເພື່ອຈະສ້າງການເຄື່ອນໄຫວຊ່ວຍໃຫ້ນັກຮຽນພາກພາສາຝລັ່ງ ມາຈາກມະຫາວິທະຍາໄລຫຼາຍແຫ່ງໃນພູມິພາກ ຍົກສູງຄວາມຮູ້ທາງດ້ານພາສາຝລັ່ງ, ປະກອບສ່ວນໃນການປືກສາຫາລື ແລະ ຄົ້ນຫາທາງດ້ານວັດທະນະທຳຂອງພາກພື້ນ.
ດ້ວຍຫົວຂໍ້ “ເຊີດຊູ ປູນີຍະສະຖານ : ພົບກັບເສດຖະກິດສັງຄົມ”, ແມ່ນໜຶ່ງໃນຫົວຂໍ້ທີ່ສຳຄັນທັນເຫດການ, ໂຄງການນີ້ມີເປົ້າໝາຍເພື່ອຊ່ວຍໃຫ້ນັກຮຽນຮັບຮູ້ຄວາມສຳຄັນຂອງວຽກອະນຸລັກ ແລະ ຍົກສູງປູນີຍະສະຖານທາງປະຫວັດສາດ ເພື່ອພັດທະນາຢ່າງຍືນຍົງ, ເຮັດໃຫ້ນັກຮຽນຄຸ້ນເຄີຍກັບໂລກເສດຖະກິດສັງຄົມ-ໜຶ່ງໃນຄູ່ຮ່ວມມືໃນວຽກງານການອະນຸລັກ ແລະ ເຊີດຊູປູນິຍະສະຖານ.
ໂຮງຮຽນພັກແລ້ງຈະດຳເນີນໄປປະມານ 1 ອາທິດເຊິ່ງຈະມີກິດຈະກຳຄື: ການສຳມະນາກ່ຽວກັບໝູ່ບ້ານຫັດຖະກຳ-ວິຊາຊີບ, ການພັດທະນາແບບຍືນຍົງ, ທ່ອງທ່ຽວແບບຍືນຍົງ , ສື່ອອນລາຍ ເຟດສບຸກ: ພາຫະນະນຳສົ່ງຂໍ້ມູນສື່ສານມວນຊົນ; ຢ້ຽມຊົມສະຖານທີ່ທ່ອງທ່ຽວທີ່ມີຊື່ສຽງຂອງ ຮ່າໂນ້ຍ: ວັນມ໋ຽວກ້ວກຕື້ຢາມ(ມະຫາວິທະຍາໄລອັນເກົ່າແກ່ແຫ່ງທຳອິດຂອງຫວຽດນາມ), ຫໍ ຫງ໋ອກເຊີນ(ວັດທີ່ຕັ້ງຢູ່ໜອງເຕົ່າ), ໂຮງລະຄອນ, ຫໍພິພິດຕະພັນຊົນເຜົ່າຫວຽດນາມ; ຢ້ຽມຊົມໝູ່ບ້ານເຮັດເຄື່ອງປ້ຳດິນເຜົາ ບ໋າດຈ່າງ, ເຂົ້າຮ່ວມໃນການທົດລອງປ້ຳຜົນງານດ້ວຍຕົນເອງ.
ພ້ອມກັນນັ້ນ ນ້ອງນັກຮຽນຍັງຈະໄດ້ພົບປະກັບບັນດາ ບໍລິສັດທ່ອງທ່ຽວ, ຮັບຝັງການແບ່ງປັນບັນດາໂອກາດກ່ຽວກັບວິຊາຊີບ ແລະ ຮຽນຮູ້ການເປັນນັກຂ່າວ, ຂຽນຂ່າວໃນກິດຈະກຳນີ້.
ໃນປີ 2018 ອົງການມະຫາວິທະຍາໄລ ພາກພາສາຝລັ່ງ (AUF)- ຫ້ອງການ ອາຊີ-ຕາເວັນອອກສ່ຽງໃຕ້ ປະສານກັບກັບ ມະຫາວິທະຍາໄລ 5 ແຫ່ງໃນພາກພື້ນຈັດ ໂຮງຮຽນພັກແລ້ງຢູ່ບັນດາມະຫາວິທະຍາໄລ ດົງເຕ໋ ຊຽງໄຮ້, ປະເທດຈີນ; ມະຫາວິທະຍາໄລ ວິຈິດສິນ ລາຊະອານາຈັກກຳປູເຈຍ; ມະຫາວິທະຍາໄລ ສະຂຸພາບວິທະຍາ ກຳປູເຈຍ; ມະຫາວິທະຍາໄລແຫ່ງຊາດ ມົງໂກນ ແລະ ມະຫາວິທະຍາໄລ ຮ່າໂນ້ຍ.
（ຫັດທະບູນ）
