 |
ກອງປະຊຸມສຸດຍອດອາຊຽນ 34 ຈະໄດ້ດຳເນີນຢູ່ນະຄອນຫຼວງບາງກອກ, ປະເທດໄທ.
ດ້ວຍຈຸດປະສົງຊຸກຍູ້ການຮ່ວມມື, ສ້າງຄວາມເຫັນດີເຫັນພ້ອມ, ກອງປະຊຸມປີນີ້ດ້ວຍຫົວຂໍ້ວ່າ “ຊຸກຍູ້ການພົວພັນຄູ່ຮ່ວມມືເພື່ອການພັດທະນາແບບຍືນຍົງ”. ການຮ່ວມມືດັ່ງກ່າວໂດຍອີງໃສ່ຜົນປະໂຫຍດລວມໃຫ້ແກ່ອະນາຄົດອັນສົດໄສກວ່າ ແລະ ໝັ້ນຄົງກວ່າ ດ້ວຍເລື່ອງຖືປະຊາຊົນເປັນໃຈກາງ. ໜຶ່ງໃນບັນດາບັນຫາສຳຄັນເຊິ່ງກອງປະຊຸມສຸດຍອດອາຊຽນ ຄັ້ງນີ້ແມ່ນເລື່ອງ ອາຊຽນ ຈະຮັບຮອງເອົາແຜນຮ່າງສະບັບທຳອິດກ່ຽວກັບກົດແຫ່ງການປະພຶດຂອງຝ່າຍຕ່າງໆຢູ່ທະເລຕາເວັນອອກ (COC) ແລະ ວາງຄາດໝາຍສຳເລັດແຜນຮ່າງດັ່ງກ່າວໃນຮອບເວລາ 3 ປີ.
 |
ໄທ ຮັບປະກັນຄວາມປອດໄພໃຫ້ກອງປະຊຸມສຸດຍອດອາຊຽນ.(ພາບ:TTXVN)
ຕໍາຫຼວດໄທ ໄດ້ກຽມພ້ອມບັນດາແຜນການຮັບປະກັນຄວາມປອດໄພ ແລະ ແບ່ງທາງຈະລາຈອນເນື່ອງໃນໂອກາດໄທ ເປັນເຈົ້າພາບຈັດຕັ້ງກອງປະຊຸມສຸດຍອດອາຊຽນ ຄັ້ງທີ 34. ຕາມທ່ານ Srivara ຮອງຜູ້ບັນຊາການ ຕໍາຫຼວດໄທ ໃຫ້ຮູ້ວ່າ: ທ່ານໄດ້ຊີ້ນໍາກົມເຂົ້າ-ອອກເມືອງເປີດຊ່ອງທາງພິເສດເພື່ອຮັບໃຊ້ແຂກເຂົ້າຮ່ວມກອງປະຊຸມສຸດຍອດອາຊຽນ, ພ້ອມທັງຕິດຕາມກວດກາບັນດາຜູ້ເຂົ້າ-ອອກໄທ ຢ່າງແໜ້ນແຟ້ນ. ກົມເຂົ້າ-ອອກເມືອງ ຈະບໍ່ໃຫ້ບັນດາຜູ້ເຄີຍຖືກຄະດີມາກ່ອນ ຫຼື ຜູ້ຖືກສົງໄສວ່າຈະກໍ່ຄວາມວຸ້ນວາຍເຂົ້າໄທ. ນອກຈາກນັ້ນ, ຕໍາຫຼວດໄທຈະເປີດສູນບໍລິຫານຄວາມໝັ້ນຄົງເພື່ອຕິດຕາມຂໍ້ມູນຂ່າວສານ ແລະ ສະພາບການກ່ອນ, ໃນ ແລະ ພາຍຫຼັງດໍາເນີນກອງປະຊຸມ.
（ໄຊພອນ）
