ພາຍໃນ6ເດືອນຕົ້ນປີ ການສົ່ງອອກເຂົ້າ ຂອງຫວຽດນາມ ບັນລຸໄດ້ ເຖິງ 44,3% ມີມູນຄ່າ 1,84 ຕື້ ໂດລາສະຫະລັດ.
ຜລິດຕະພັນສິນຄ້າສົ່ງອອກ 20 ປະເພດ ມີມູນຄ່າການສົ່ງອອກເຖິງ 1 ຕື້ໂດລາສະຫະລັດ
ອີງຕາມບົດລາຍງານຂອງກະຊວງອຸດສາຫະກໍາ ແລະ ການຄ້າ, ການສົ່ງອອກ 6 ເດືອນຕົ້ນ ປີ 2018 ສາມາດບັນລຸໄດ້ 113,93ຕື້ ໂດລາສະຫະລັດ ເພີ່ມຂຶ້ນ 16% ເມື່ອທຽບກັບໄລຍະເວລາດຽວກັນຂອງປີ 2017. ໃນນັ້ນການສົ່ງອອກຂອງຂະແໜງ ການລົງທືນພາຍໃນ 100% ແມ່ນ ບັນລຸໄດ້ 33 , 1 ຕື້ ໂດລາສະຫະລັດ, ເພີ່ມຂຶ້ນ 19,9% ແລະ ຂະແໜງການລົງທືນຕ່າງປະເທດ 100% ຫຼື FDI (ລວມທັງນ້ໍາມັນດິບ) ບັນລຸໄດ້ 80,9 ຕື້ ໂດລາສະຫະລັດ, ເພີ່ມຂຶ້ນ 14,5% ຖ້າທຽບໃສ່ໄລຍະດຽວກັນຂອງປີກ່ອນ.
ຄິດໄລ່ມາຮອດເດືອນ ມິຖຸນາ 2018, ໄດ້ມີ ສິນຄ້າສົ່ງອອກ 20 ປະເພດ ບັນລຸມູນຄ່າສົ່ງອອກ 1 ຕື້ໂດລາສະຫະລັດ ຊຶ່ງໃນນັ້ນ, ກຸ່ມສິນຄ້າອຸດສາຫະກໍາ ປຸງແຕ່ງຈະຍັງຄົງກວມອັດຕາສ່ວນໃຫຍ່ ຂອງລາຍການສິນຄ້າຕົ້ນຕໍ ຄື: ໂທລະສັບແລະ ອາໄລ່; ເຄື່ອງຄອມພິວເຕີ, ຜະລິດຕະພັນເອເລັກໂຕຣນິກ ແລະ ອາໄລ່; ຕັດຫຍິຍ ແລະ ເສື້ອຜ້າ; ເຄື່ອງຈັກ, ອຸປະກອນ, ເຄື່ອງມື, ຊິ້ນສ່ວນ; ເກີບທຸກຊະນິດ ...
ໃນຂະນະດຽວກັນ, ຜະລິດຕະພັນກະສິກຳ ແລະ ຜະລິດຕະພັນອາຫານແລະເຄື່ອງທະເລ ປະກອບສ່ວນຢູ່ 5 ລາຍການ, ຜລິດຕະພັນຫຼືສິນຄ້າທີ່ມີມູນຄ່າການສົ່ງອອກສູງກວ່າ 1 ຕື້ໂດລາສະຫະລັດ. ຫຼັງຈາກ 6 ເດືອນ, ກຸ່ມຜະລິດຕະພັນກະສິກໍາ ແລະ ອາຫານທະເລ ບັນລຸ 13,45 ຕື້ໂດລາສະຫະລັດ, ເພີ່ມຂຶ້ນ 9,5% ຖ້າທຽບໃສ່ໄລຍະດຽວກັນຂອງປີ 2017.
ມີສິນຄ້າຫຼາຍລາຍການໃນກຸ່ມນີ້ມີການຂະຫຍາຍຕົວທີ່ດີຄື: ຜັກ ຄິດສະເລ່ຍໄດ້ 20,9%, ບັນລຸ ມູນຄ່າ 2,01 ຕື້ໂດລາສະຫະລັດ, ເພີ່ມຂຶ້ນ 11% ອາຫານທະເລປະມານ, ລາຍຮັບ 3,96 ຕື້ ໂດລາສະຫະລັດ. ນອກຈາກນີ້, ມູນຄ່າມ່ວງຫິມະພານ ຄິດສະເລ່ຍພີ່ມຂຶ້ນ 17,6% ມູນຄ່າຄ່າການສົ່ງອອກ, ບັນລຸມູນຄ່າ ເຖິງ 1,41 ຕື້ ໂດລາສະຫະລັດ , ເຂົ້າບັນລຸໄດ້ ເຖິງ 44,3% ໃນການສົ່ງອອກມີມູນຄ່າ 1,84 ຕື້ ໂດລາສະຫະລັດ.
ເວົ້າສິນຄ້າປະເພດເຂົ້າ, ອີງຕາມຜູ້ຊ່ຽວຊານດ້ານ ກະສິກຳ ທ່ານ ວໍ໋ຕ່ອງຊົນ, ຂະແຫນງປູກເຂົ້າຂອງ ຫວຽດນາມ ແມ່ນໄດ້ມີບາດກ້າວອັນຕັ້ງໜ້າ. ໂຄງສ້າງເຂົ້າ ໄດ້ຫັນປ່ຽນໄປທາງສູ່ການເພີ່ມຄຸນນະພາບຂອງຂະແຫນງເຂົ້າ, ຫຼຸດເຂົ້າທີ່ມີຄຸນະພາບ າປານກາງ ແລະ ຕ່ຳ. ດັ່ງນັ້ນ, ໃນທ້າຍປີ 2017 ຮອດປັດຈຸບັນ ລາຄາສົ່ງອອກ ຂອງຫວຽດນາມສືບຕໍ່ເຕີບໂຕຢ່າງຕໍ່ເນື່ອງ.
ໃນປັດຈຸບັນ, ລາຄາແມ່ນດີກວ່າຄູ່ແຂ່ງເຊັ່ນ: ປະເທດໄທ, ປາກິສຖານ, ອິນເດຍ ຈາກ 50 ຫາ100 ໂດລາສະຫະລັດຕໍ່ໂຕນ. ນີ້ແມ່ນເຫດຜົນທີ່ວ່າຂະແຫນງການເຂົ້າມີການຂະຫຍາຍຕົວ ດ້ານການສົ່ງອອກ ອັນໜ້າເພິ່ງພໍໃຈ ໃນ6ເດືອນຕົ້ນປີ.
ໃນທາງກົງກັນຂ້າມ ການນໍາເຂົ້າ 6 ເດືອນຕົ້ນປີ 2018 ສະເລ່ຍ ບັນລຸ 111,22 ຕື້ ໂດລາສະຫະລັດ, ເພີ່ມຂຶ້ນ 10% ເມື່ອທຽບກັບໄລຍະດຽວກັນຂອງປີ 2017. ໃນນັ້ນ ການນໍາເຂົ້າ ຂະແໜງການລົງທືນພາຍໃນ 100% ບັນລຸໄດ້ 46 ຕື້ ໂດລາສະຫະລັດ , ເພີ່ມຂຶ້ນ 12.9%; ຂະແຫນງການລົງທຶນຕ່າງປະເທດ ສະເລ່ຍ ຢູ່ທີ່ 65,21 ຕື້ ໂດລາສະຫະລັດ ເພີ່ມຂຶ້ນ 8,1%.
ໃນນັ້ນ ອາຊີກວມເອົາ 80% ຂອງມູນຄ່າ ການນໍາເຂົ້າ ທັງຫມົດຂອງຫວຽດນາມ ໂດຍຕະຫຼາດນຳເຂົ້າຕົ້ນຕໍ ແມ່ນຈາກປະເທດຈີນ (ກວມເອົາ 28% ຂອງການນໍາເຂົ້າທັງຫມົດຂອງປະເທດ, ເຖິງ 15,6%), ເກົາຫລີໃຕ້(ກວມ 20,2% ຫຼຸດລົງ 0,8%), ອາຊຽນ (ກວມ13,7%, ເພີ່ມຂຶ້ນ 11,8%), ຍີ່ປຸ່ນ (ກວມ 8%, ເພີ່ມຂຶ້ນ 12,2%).
ດັ່ງນັ້ນ, ໃນຊ່ວງເຄິ່ງປີທໍາອິດ 2018, ຍອດລວມການນຳເຂົ້າສົ່ງອອກທົ່ວປະເທດ ເກີນດຸນມາປະມານ 2,7 ຕື້ໂດລາສະຫະລັດ, ກວມເອົາເກືອບ 2,.4% ຂອງມູນຄ່າສົ່ງອອກທັງໝົດ. ໃນນັ້ນ ຂົງເຂດ FDI ເຊິ່ງລວມທັງການສົ່ງອອກນ້ຳມັນດີບເກີນດຸນ ແມ່ນ 15,7 ຕື້ໂດລາສະຫະລັດ, ໃນຂະນະຂະແຫນງທຸລະກິດທືນ100% ພາຍໃນປະເທດ ນຳເຂົ້າຂາດດຸນ ສະເລ່ຍປະມານ 12,9 ຕື້ໂດລາສະຫະລັດ.（ຫັດທະບູນ）
