ປຸກລຸກກຳລັງແຮງເຄື່ອງໝາຍການຄ້າແຫ່ງຊາດ

ຍສໝ - ຕາມ Brand Finance, ຄູນຄ່າເຄື່ອງໝາຍການຄ້າ (ຍີ່ຫໍ້) ຂອງຫວຽດນາມ ໃນປີ 2024 ຈບັນລຸ 507 ຕື້ USD, ຢືນຢູ່ອັນດັບທີ 32 ໃນຈຳນວນ 193 ປະເທດທີ່ໄດ້ຕີລາຄາ, ເພີ່ມຂັ້ນໜຶ່ງກ່ຽວກັບອັນດັບ ແລະ ເພີ່ມ 2% ກ່ຽວກັບຄູນຄ່າເມື່ອທຽບໃສ່ປີ 2023. ບັນດາຕົວເລກຊີ້ບອກທີ່ໜ້າປະທັບໃຈດັ່ງກ່າວໄດ້ມາຈາກຄວາມພະຍາຍາມຂອງລັດຖະບານ ໃນການປະຕິຮູບສະພາບແວດລ້ອມແຫ່ງການລົງທຶນ, ຍູ້ແຮງການນຳເຂົ້າ ແລະ ສົ່ງອອກ, ໜູນຊ່ວຍການພັດທະນາຍີ່ຫໍ້ຜະລິດຕະພັນ ແລະ ຄວາມຕັດສິນໃຈຂອງວິສາຫະກິດ.

	ພິທີມອບລາງວັນ ຢຽນຮົ່ງ ເຊີດຊູ 83 ຜົນງານດີເດັ່ນ
	ເວທີປາໄສ Startup ແຫ່ງຊາດ ນະວັດຕະກໍາ ຄັ້ງທີ 5

ໜ້າພິເສດສະເພາະ “ເຄື່ອງໝາຍການຄ້າແຫ່ງຊາດ” ຂອງໜັງສືພິມ ປະຊາຊົນ ແມ່ນໜ້າພິເສດສະເພາະທຳອິດຢູ່ຫວຽດນາມ ເພື່ອສະໜອງລະບົບຂໍ້ມູນຮອບດ້ານ, ເປັນທາງການ, ທັນສະໄໝ ແລະ ສຳຜັດໂດຍກົງ ກ່ຽວກັບບັນດາຍີ່ຫໍ້ສິນຄ້າ, ວິສາຫະກິດແຖວໜ້າຂອງ ຫວຽດນາມ

ເຄື່ອງໝາຍການຄ້າຫວຽດນາມ ມີຂອບຂະໜາດທົ່ວໂລກ

ຕອນຄ່ຳວັນທີ 15 ສິງຫາ 2023, ພາຍຫຼັງສຽງລະຄັງການເປີດຕົວໃນ Nasdaq Global Select, VinFast - ເຄື່ອງໝາຍການຄ້າມາຈາກຫວຽດນາມ ໄດ້ກາຍເປັນບໍລິສັດຕິດປະກາດສື່ມວນຊົນທີ່ມີຂອບຂະໜາດທົ່ວໂລກ. ທ້າຍປີ 2023, FPT ປະກາດບັນລຸຍອດລາຍຮັບການບໍລິການເຕັກໂນໂລຢີຂໍ້ມູນ ຈາກຕະຫຼາດຕ່າງປະເທດ 1 ຕື້ USD, ເຮັດໃຫ້ບໍລິສັດນີ້ກາຍເປັນວິສາຫະກິດເຕັກໂນໂລຊີແຫ່ງທຳອິດຂອງຫວຽດນາມ ທີ່ບັນລຸລາຍຮັບ “ຕື້ USD” ຍ້ອນການສົ່ງອອກຊອບແວ.

ໃນຂອບເຂດທີ່ກວ້າງຂວາງກວ່າ, Viettel ແມ່ນວິສາຫະກິດຫວຽດນາມ ແຫ່ງດຽວທີ່ໄດ້ລອດເຂົ້າໃນ “ຕາຕະລາງຈັດອັນດັບ Top 500 ຍີ່ຫໍ້ທີ່ມີມູນຄ່າທີ່ສຸດໃນໂລກ 2024” (Global 500 by Brand Finance). ໃນຂະນະນັ້ນ, Vinamilk ກໍ່ລື່ນກາຍຍີ່ຫໍ້ທີ່ມີຊື່ສຽງໃຫຍ່ເພື່ອກາຍເປັນຕົວແທນດຽວຂອງອາຊີຕາເວັນອອກສຽງໃຕ້ ທີ່ໄດ້ເຂົ້າໃນ Top 5 ຍີ່ຫໍ້ນ້ຳນົມທີ່ມີຄວາມໝັ້ນຄົງທີ່ສູງສຸດໃນໂລກ, ພ້ອມກັນນັ້ນ ກໍ່ຮັກສາອັນດັບທີ 6 ໃນ Top 10 ຍີ່ຫໍ້ທີ່ມີມູນຄ່າທີ່ສຸດໃນທົ່ວໂລກ ແລະ Top 2 ຍີ່ຫໍ້ທີ່ທີ່ມາແຮງໃນຂະແໜງການນ້ຳນົມ.

ຕາມ Brand Finance - ອົງການຕີລາຄາເຄື່ອງໝາຍການຄ້າແຫ່ງຊາດທີ່ມີສຳນັກງານຢູ່ອັງກິດ, ຫວຽດນາມ ໄດ້ຕີລາຄາວ່າແມ່ນຈຸດພົ້ນເດັ່ນໃນຮູບພາບການກໍ່ສ້າງ, ພັດທະນາເຄື່ອງໝາຍການຄ້າແຫ່ງຊາດ ແລະ ແມ່ນເຄື່ອງໝາຍການຄ້າແຫ່ງຊາດທີ່ມີຄວາມໄວໃນການເຕີບໂຕໄວທີ່ສຸດໃນໂລກໄລຍະ 5 ປີຈາກ 2019-2023 ແມ່ນ 102%.

Viettel ເປັນວິສາຫະກິດ ຫວຽດນາມ ແຫ່ງດຽວທີ່ລອດເຂົ້າໃນ “ຕາຕະລາງຈັດອັນດັບ Top 500 ຍີ່ຫໍ້ມີມູນຄ່າທີ່ສຸດໃນໂລກ 2024”. ພາບ: ມາຍຫງອກ

ປ່ຽນແປງເພື່ອປັບຕົວເຂົ້າກັບສັງກາດສີຂຽວ

ຕາມບັນດານັກຊ່ຽວຊານແລ້ວ, ການສ້າງເຄື່ອງໝາຍການຄ້າແຫ່ງຊາດແມ່ນຮີບດ່ວນກ່ວາເວລາໃດໝົດ ເມື່ອມີຫຼາຍປະຕູອອກສູ່ຕະຫຼາດໂລກໄດ້ຮັບການເປີດກ້ວາງຜ່ານບັນດາສັນຍາການຄ້າເສລີ (FTA). ໃນສະພາບການທີ່ຕະຫຼາດພັດທະນາຫຼາຍແຫ່ງນັບມື້ນັບມີຄວາມສົນໃຈເຖິງການຊຸກຍູ້ການພັດທະນາການຄ້າຕິດພັນກັບການພັດທະນາສີຂຽວ ແລະ ພັດທະນາແບບຍືນຍົງໂດຍຜ່ານບັນດານະໂຍບາຍບຸລິມະສິດ ແລະ ໜູນຊ່ວຍວິສາຫະກິດ, ຫວຽດນາມ ກໍ່ຕ້ອງມີຍຸດທະສາດທີ່ເໝາະສົມ.

ຕາມທ່ານ ຫວູບາຟູ, ຫົວໜ້າກົມສົ່ງເສີມການຄ້າ (ກະຊວງອຸດສາຫະກຳ ແລະ ການຄ້າ ຫວຽດນາມ) ແລ້ວ, ກ່ອນອື່ນໝົດ, ບັນດາວິສາຫະກິດຕ້ອງຕັ້ງໜ້າມຸ່ງໝັ້ນປະຕິບັດການພັດທະນາສີຂຽວ ແລະ ແບບຍືນຍົງ, ຈາກນັ້ນ ກໍ່ຍົກສູງຄວາມສາມາດແກ່ງແຍ້ງ, ເປີດກວ້າງຕະຫຼາດສົ່ງອອກ, ຕອບສະໜອງບັນດາມາດຕະຖານ ແລະ ຂໍ້ກຳນົດຢ່າງເຂັ້ມງວດ ກ່ຽວກັບສິ່ງແວດລ້ອມພິເສດຕາມບັນດາ AFTAs ລຸ້ນໃຫມ່.

ໃນຕົວຈິງ, ມີວິສາຫະກິດ ຫວຽດນາມ ຫລາຍແຫ່ງທີ່ມີຜະລິດຕະພັນບັນລຸເຄື່ອງໝາຍການຄ້າແຫ່ງຊາດ ໄດ້ຢືນຢັນບົດບາດປະຈັນບານມຸ່ງໄປເຖິງສັງກາດສີຂຽວ. ສິ່ງທໍາອິດອາດເວົ້າໄດ້ວ່າ ແມ່ນລົດໄຟຟ້າ VinFast ເມື່ອນຳໜ້າການຫຼຸດຜ່ອນການປ່ອຍອາຍພິດຄາບອນ ແລະ ຫຼຸດຜ່ອນມົນລະພິດຈາກການຈະລາຈອນ. VinFast ບໍ່ພຽງແຕ່ຕອບສະໜອງຄວາມຮຽກຮ້ອງຕ້ອງການຂອງການນຳໃຊ້ພາຫະນະແບບຍືນຍົງເທົ່ານັ້ນ, ຫາກຍັງຊ່ວຍໃຫ້ຜູ້ບໍລິໂພກຫວຽດນາມ ເຂົ້າເຖິງບັນດາວິທີແກ້ໄຂການຈະລາຈອນສີຂຽວຕາມມາດຕະຖານສາກົນ.

ກຳລັງຜັກດັນໃຫຍ່ຈາກນະໂຍບາຍ ແລະ ການສື່ສານ

ໃນໄລຍະມໍ່ໆມານີ້, ລັດຖະບານ, ກະຊວງອຸດສາຫະກຳ ແລະ ການຄ້າ ແລະ ຫຼາຍອົງການ, ຄະນະ, ຂະແໜງການອື່ນໆໄດ້ວາງອອກຫຼາຍນະໂຍບາຍ ເພື່ອໜູນຊ່ວຍ, ຊຸກຍູ້ວິສາຫະກິດ “ມຸ່ງໄປເຖິງສັງກາດສີຂຽວ”. ບັນດາລາຍການໜູນຊ່ວຍວິສາຫະກິດ ຍາມໃດກໍ່ໃກ້ຊິດຕິດແທດນະໂຍບາຍຮອດປີ 2045, ຫວຽດນາມ ຈະກາຍເປັນປະເທດພັດທະນາທີ່ມີລາຍຮັບສູງ ແລະ ຮອດປີ 2050 ຈະບັນລຸການປ່ອຍອາຍພິດລົງເປັນ 0.

ທ່ານລັດຖະມົນຕີກະຊວງອຸດສາຫະກຳ ແລະ ການຄ້າ ຫງວຽນຮົ່ງຢຽນ ເນັ້ນໜັກເຖິງ 3 ກຸ່ມແກ້ໄຂເພື່ອພັດທະນາເຄື່ອງໝາຍການຄ້າແຫ່ງຊາດ ຫວຽດນາມ ຮອດປີ 2030.

ທີໜຶ່ງ, ສົມທົບກັບບັນດາກະຊວງ, ຂະແໜງການທ້ອງຖິ່ນ ເພື່ອປະຕິບັດບັນດາການເຄື່ອນໄຫວໜູນຊ່ວຍໃຫ້ປະຊາຄົມວິສາຫະກິດໃນການອອກແບບ ຫຼາຍກວ່າອີກ, ພັດທະນາຜະລິດຕະພັນ, ປ່ຽນແປງໃໝ່ເຕັກໂນໂລຢີ, ຍົກສູງຄຸນນະພາບຜະລິດຕະພັນ ເພື່ອເຂົ້າເຖິງບັນດາຄຸນຄ່າແກ່ນສານຂອງລາຍການເຄື່ອງໝາຍການຄ້າແຫ່ງຊາດ ຫວຽດນາມ ແມ່ນ: ຄຸນນະພາບ - ນະວັດຕະກໍາ - ຄວາມສາມາດນຳໜ້າ.

ທີສອງ, ສະໜອງຂໍ້ມູນຂ່າວສານໃຫ້ປະຊາຄົມວິສາຫະກິດກ່ຽວກັບບັນດາທ່າອຽງການຜະລິດ, ດຳເນີນທຸລະກິດ ແລະ ການລົງທຶນໃໝ່ຂອງໂລກ ເຊັ່ນ ທ່າອ່ຽງສີຂຽວ, ການພັດທະນາແບບຍືນຍົງ, ຈາກນັ້ນ ກໍ່ມີແຜນການ, ຍຸດທະສາດສະໜອງ ແລະ ບັນດາຂໍ້ກຳນົດກົດໝາຍສາກົນ ເພື່ອປະຕິບັດໜ້າທີ່ ແລະ ຄວາມຮັບຜິດຊອບຂອງສັງຄົມ.

ທີສາມ, ນອກຈາກບັນດາການເຄື່ອນໄຫວສື່ສານ, ໂຄສະນາໃຫ້ລາຍການເຄື່ອງໝາຍການຄ້າແຫ່ງຊາດ ຫວຽດນາມ ແລະ ບັນດາຜະລິດຕະພັນທີ່ບັນລຸໄດ້ເຄື່ອງໝາຍການຄ້າແຫ່ງຊາດ ຈະໄດ້ດຳເນີນຢູ່ພາຍໃນ ແລະ ສາກົນ, ພິເສດແມ່ນສຸມເຂົ້າໃນການສື່ສານດີຈີຕອນ.

ຕາມທ່ານ ເລຫວຽດຫາຍ, ປະທານສະພາບໍລິຫານກຸ່ມບໍລິສັດກໍ່ສ້າງສັນຕິພາບ ຢືນຢັນວ່າ ຈະນຳມາເຊິ່ງຄຸນຄ່າຕົວຈິງຫຼາຍຢ່າງ, ໂຄສະນາພາບພົດ ແລະ ຍົກສູງທີ່ຕັ້ງຂອງວິສາຫະກິດ ຫວຽດນາມ ເມື່ອກາຍເປັນຂົວເຊື່ອມຕໍ່ສຳຄັນລະຫວ່າງບັນດາວິສາຫະກິດທີ່ບັນລຸໄດ້ເຄື່ອງໝາຍການຄ້າແຫ່ງຊາດກັບຊຸມຊົນພາຍໃນ ແລະ ຕ່າງປະເທດ; ພ້ອມກັນນັ້ນ, ກໍ່ຊ່ວຍເຜີຍແຜ່ບັນດາຄຸນຄ່າແກ່ນສານຂອງລາຍການເຄື່ອງໝາຍການຄ້າແຫ່ງຊາດ ຫວຽດນາມ.

ສະພາແຫ່ງຊາດ ລາວ-ຫວຽດນາມ ເພີ່ມທະວີຮັດແໜ້ນ ການຮ່ວມມື

ຍສໝ - ພິທີພົບປະສອງຝ່າຍ ລະຫວ່າງ ສະພາແຫ່ງຊາດ ແຫ່ງ ສປປ ລາວ ແລະ ສະພາແຫ່ງຊາດ ແຫ່ງ ສສ ຫວຽດນາມ ຈັດຂຶ້ນໃນວັນທີ 4 ກໍລະກົດນີ້ ເພື່ອປຶກສາຫາລື ຫຼາຍບັນຫາສຳຄັນ ທີ່ຈະຕ້ອງໄດ້ຮ່ວມກັນ ສືບຕໍ່ຈັດຕັ້ງປະຕິບັດໃຫ້ບັນລຸຕາມຄາດໝາຍ ຊຶ່ງຝ່າຍລາວ ນຳໂດຍ ສະຫາຍ ຈະເລີນ ເຢຍປາວເຮີ ...

ປະທານສະພາແຫ່ງຊາດຫວຽດນາມ ພົບປະກັບພະນັກງານ, ພາລະກອນສະຖານກົງສູນໃຫຍ່ຫວຽດນາມ ປະຈຳ Fukuoka

ຍສໝ - ຕອນບ່າຍວັນທີ 7 ທັນວາ, ຢູ່ແຂວງ Nagasaki, ທ່ານ ເຈີ່ນແທັງເໝິນ ປະທານສະພາແຫ່ງຊາດຫວຽດນາມ ແລະພັນລະຍາ ພ້ອມດ້ວຍຄະນະຜູ້ແທນຂັ້ນສູງຂອງສະພາແຫ່ງຊາດຫວຽດນາມ ພົບປະກັບພະນັກງານ, ພາລະກອນສະຖານກົງສູນໃຫຍ່ຫວຽດນາມ ປະຈຳ Fukuoka ແລະ ຜູ້ຕາງໜ້າປະຊາຄົມຊາວຫວຽດນາມ ອາໄສຢູ່ຍີ່ປຸ່ນ.

ແທັງຮັ່ງ